بحبك يا غالى

لما الحب ينادى علينا بهمسة ولمسة ودمعة فى عنينا

هنروح بشوق العيون ولا خلاص الغرام من قلبنا ولى

بفرح بكلمة حب مسموعة تدخل لقلبى بصوت قبل صورة

تخرج لعينى فى نورها ولعين حببيى فى نظرة يحس بحنينى وشوقى

بص فى عنيا كمان وقول هوة دة شوق العيون تحت الجفون

هنا جفن برمش حاير وعالقلوب طاير فكرك اعيش وانت عنى غايب

ارجع لشوق العيون نفرح وبحب حببيى وبعيونك انا اسرح

ارفع وشاح الحب ما ترمش بعينك الا اما عينى تحضن جفونك

ضم بايدك اديا وحبك مضلل عليا ياللى عيونك واحشة عنيا

ايوة انت رمشى والعين لو تغمض بلمسة حنانك بضيك تنور

اقفل عليك العين وما فيها واحس بهواك وبحبى اداويها

ما انكر وجود الحب فى المراسيل ولا اعيش بغير عيونك انت يا الحبيب

اندة لضلك يحاجى عليا واهمس لرمشك ينور عنيا

بحبك يا غالى وبحبك بعيش مهما تغيب فى قلبى انت القريب

بحبك يا غالى

شهر 2 العيد عيدى

i love u all my friends



ازيكوا يا اصحابكوا وحشتونى اوى اتاخرت كتير عليكوا لظروف




وحشتنى مدوناتكوا وكتاباتكوا بصوا بقة الشهر دة مفيش بوست جديد



قولوا لى لية يا بيرى ؟


اقلكوا اعلنت حالة الطوارىء لية شهر 2 دة احلى شهر فى حياتى لية بقة وحياتكوا طبعا ههههههههه

علشان انا اتولدت فية هههههههه رخمة اوى صح


عيد ميلادى فى شهر دة بالظبط بالظيط يوم 28 شفتوا يوم مميز اوى اتلحقت قبل اللى بعدة بيوم

كنت هعيط كل اربع سنين بس الحمد لله ربنا عارف انى هطلب منكوا هدايا المهم هتقولوا طيب ماشى نعمل اية يعنى


اقلكوااااااااااااااااااااا




كل مدون وشاعر جميل هيدخل طبعا هيقرا طبعا اول حاجة هيقولى كل سنة وانتى طيبة


بعدها بقة مطلوب من كل مدون يعرفنى ميعرفنيش يحبنى يكرهنى يكتبلى حاجة ان شاء الله سطر

فى الكومنت بردو مش فى مدونتة يعنى مثلا بيرى يا قطفوطة يا طعمة يا كتكوتة فى عيد ميلادك ليكى عروسة هههههههههه


لية بقة انا عاوزة كدة علشان شرف ليا ان كل مدونين هيكتبوا لى سطر فى الرد ليا


علشان بقة انا بعد ما الشهر الجميل دة يخلص اخد كل اللى اتكتب ليا فى مدونة خاصة بيا


فيها ذكرياتى مع المدونين وهداياهم ليا حتى لو كلمة اتمنى تكونوا فهمتونى الوحى هينزل عليكوا وانتوا بتردوا انا عارفة هههههه


يارب مكنش هتعبكوا علشان بحبكوااااا كتير هتوحشونى اوىىىىى هدخل اشوف انا كل يوم


هتوحشونى باى يا اصحابى

عـشـــــــــق الـــــــــــروح

عشقت الروح التى بداخل كيان احساسه بى

وهبتنى روحه المعرفه الكونية لأساس الحب بداخل قلبى المتوهج لحنين حبه الساكن

فى اعماقى منتظرا لحظة اللقاء التى لوعها الفراق

لكن لا والله لقد صنعت انا اللحظة مع قلبه الذى يشعرنى بدفء الاحساس الذى يغمر

مشاعرنا المحبه لكيان صنعته الاحلام الجميلة التى توجت حبنا لتجعل منه حبا طاهرا

العشق الذى لاينبض بداخل قلبى سوى بلهيب حب صنعته الانفاس والهماس متضاربه

شاهرة سيف العشاق فى وجه ألم الفراق

الدامى الذى يسخر عشقك ليكون حارسا لقلبى حاملا نبراس الحريه فى حبك الدامى فى العروق

عشق المظلوم المفارق لسجون الحب الطاهر فى قلبى لمحبوبى

تتراءى لى من بعيد حاملا فستانى على يديك تلوح لى من بين الأشجار الخضراء انتظرك وبيدى الوردة الحمراء

الممتلئة بحرارة حب صنعته رياح الشوق والمحب الساكن فى الاعماق

أتحلى بحلى الجميلات واتزين بزينه الاميرات

ها هو حبيبى قد اقترب من ساحة العشاق يبعث لى بالحب من مكانه تتهافت النسمات لتقبلنى

وتلامس جبينى وتغازلنى بالعبارات المحبه وتهامسنى بأجمل الهمسات

حملتنى همساته اليه تلاقت الاعين والمشاعر والاحاسيس

ناطقين بلسان حال واحد

أين كنت؟

أين كنتى ؟

لقد افتقدك قلبى

لقد افتقدك احساسى

أحبك

أحبك

وكانت اللحظة التى اجتمع فيها قلبين ول يفرقهما سوى الموت الجسدى ولم يفرقهما الموت الروحى لان عشق الروح لم يفنى

الى من عشقته روحى

أمـــــــــيرة

حــــــــــــــــــــــــــــــبيبى

يا من اصبحت لى فى الحياة رفيق وفى حبى انت لى الطريق

احساسك اصبح ملازما لاحساسى حتى صار كينونة واحدة

لا يحركها سوى الاحساس والمشاعر الفياضة

مشاعر تجمعنا سويا فى سماء صافى لا يشوبة شىء

لا يوجد سوانا فية وقمرنا ونجمتنا تحوم حولنا كما الارض حول نفسها كما الحب حولنا

لا ارى سواك فى منامى

تظهر رؤياى كانى هائمة فى دنيا الاوعى لا ادراك لا يوجد سوى

احساسى بوجودك الى جانبى تغازلنى بأجمل العبارات التى ابدعها

قلبك ورسمها حبك ونطقها لسانك وشعرت بها روحى

وصلتنى الكلمات كما لو انها ليست كالكلمات كانت كرحيق زهرة

تلاطف اشواقى وتداعب حبى

كلماتك كقطرات الندى لا تنقك ترانى لكنها لا ترانى

تتساقط على وجنتى كما لو كانت دموع حب ولهفة لرؤياك

ارانى انا الوجد فى صباه والشوق فى رؤياة والحياة فى دنياة

اتساءل لو لم أرك فى هذة الحياة هل كانت ستكون ذات معنى ؟

انت الحبيب فى رؤياك السبيل للحياة وفى قلبك كل الامان

ارانى بداخل قلبك أميرة الاميرات متوجة على عرش صنعتة بداخلك يا حبيبى

اتحرك بداخل قلبك كما الشريان تتنفسنى كما الانفاس

تتساقط الدماء حولى كما لو كانت زهور حب تتهافت لترانى

انا بداخل قلب انت صانعة

بداخل قلب انا صاحبتة

واحساس انا مالكتة

انا بداخل قلب جعلت لى منة الرفيق يا حبيبى

انا بداخل قلب جعل من احساسى كاللهيب

هل علمت كيف جعل حبك منى اميرة متوجة؟

ألـحـــــــــــــــان الحـــــــــــــب

أتذكر كلماته التى وصف بها ما فى قلبه جعلنى حبه ضائعه تمنيت لو يصمت حتى لا أرى سوى نبضات قلبه تتزايد وهو يتكلم عنى الى

نفسى التى هية خلقها القدر لتكون له وحده ليتكلم عنها وكأنها جزء من كينونته كانسان بشر جاء الى الارض لا يعلم ما مصيره ولا يعلم

ما هو القدر ولا هو الحب حتى تلاقت الاعين وجعلت من الحب مصير طريق واحد فى نهايته بيت صغير لنا فقط بسيط بساطه الطفل

فى بسمته ولمسته ونعومة صرخاته لطالما نبض قلبى بحبك صنعته ذكرى أيام وأيام

انا كما وصفنى حبيبى زهره التى أصبح قلبها له راعيا مذ ان كانت بذرة الى ان أصبحت زهرة كبيرة فى قلبه لتجعل رحيقها مع الانفاس

ساحرا وهو يتحدث تفوح نسماتى من داخل انفاسه لتلامس وجهى وكأنه هو من يلامس وجهى هواء ملموس لا محسوس

يبكى حببيى من الشوق تتلامس دموعه مع وجنتيى وكانى أنا الباكيه ارجوه ان يترك الدمع ويعيش فى الحب

أبكى من روعه كلماته عبارات قلبيه خلقها هو وحفظها لسانى وحدثنى بها قلبى وكلمتنى عيونى بما خفى فى صدره

بقيت انا فى الصمت وصمت كلامى وهمسى اكاد لا أسمعه ولا أشعر به

يعزف قلبينا بأجمل الالحان ترنيمات تتراقص بها العيون وتتهامس بها

الانفاس

بحب حبيب كان لى مقدرا وكنت انا له القدر الاجمل

بحب حبيب كان لى الحبيب الاوسم انت بقلبى الاوحد

الحـــــــــــب الســـــــــــامى

أهيم شوقا وأذوب طمعا فى تذوق طعم حبك الشافى لجراحى ومعانقا لأشواقى

لك ذكرى فى فؤادى قد صار العقل لها ناصبا شراع الاستسلام

لغزوحبك السامى

انت روح الفؤاد والنشوى فى حبك هى الرؤيا


كهلال قد سطع امام عيناى راجيا تلاقى قد صنعتة اشواقى

لك اللسان يصبح كاملا حتى انى اجدة يتحدث

نيابة عن قلبى


ذاكرا عبارات حب دافىء وهبه لهيب عشق

قد حرق هوائى


انت حب فى طريق الجنان رهيب وانت وحى فى ليالى الحب دفين

اغمرنى بحنانك حتى اجدنى كالطفلة تحبو تجاة اباها

راجيا رؤياة

انت حبيب العمر لك فى قلبى المكان السامى

حبيب تحبه المحبين وتغرد له طيور بالحب العظيم

اعطنى مفتاح السحر فى مدفنة والعشق فى مخبأة

حتى أسيطر على حب العمر فى الجرح الساكن فى الانفاس

بحبك أنا أحيا لك العمر وبك العشق



بحب عاشق له الانفاس تخرج لتتحدى الهمسات

تــــــــــــاج الشـــــــــباب

احلى شباب ميرو وامجد وعايش ولكن وزوزو حببية قلبى اختى العثل هية كمان اللى بحبها اوى بعتولى التاج الجامد دة بس بصراحة مبعتوش التاج لوحدة

بعتولى معاة بوكية ورد جامد جداااااااااااااا



وصراحة الورد حلو اوى اوى ورائحتة جميلة اوىىىىىىىى



بس التاج مكنش لله فى لله كدة يعنى لا معاة اسئلة جامدة جدا وشخصية جدا


وعلى قد ما اقدر اجاوبة بقة يلا بينا نشوف اية الاسئلة الجامدة دى



1:

بدات تدوين من امتا؟ ودخلت العالم دة ازاى؟

انا بدات تدوين بالظبط وحسب اول بوست نزلتة فى

5/4/2008
احكيلكوا بقة دخلتة ازاى بصراحة انا مكنتش اعرف عنة اى حاجة بس كان نفسى فى طريق انشر فية كتاباتى

فا كنت مشتركة فى سايت رنات وكاتبة من هواياتى الشعر والكتابة فا جتلى رسالة من صاحب مدونة احلام عمرنا

وقالى انا كمان بحب الشعر فا بعتلى مدونتة عجبتنى كتير فا سالتة ازاى بعتلى السايت وانا دست وعملتها فا انا بشكرة كتير ومن يومها بقة عرفت عالم المدونين


2:


اية كان انطباعك فى البداية؟

السعادة الغامرة واتفتحت نفسى عالكتابة جداااااااااااااا



3:

اية اهم حاجة اتعلمتها من عالم التدوين؟

اتعلمت انة زى ما فى الدنيا معرفة الناس كنوز هنا كمان معرفة الشعراء الجامدين كنوز

وانة مفيش كدب ولا نفاق كلو مكشوف


4:

اية اكتر حاجة كرهتها؟

بصراحة فى سلبيات كتير وانا مش فى وضع حاكم انى احاكم حد بس دايقتنى حاجة اوى انسحاب بعض المدونين

ورجوعهم تانى استغربت الحكاية دى


5:


حاسس ان التدوين له تأثير؟

بصراحة مش بشكل كبير التدوين تأثيرة الاكبر عند صاحبة اكتر منة من المجتمع


لانى كحد بيكتب بعبر عن نفسى فا العائد النفس عليا احسن

مش هقول ما بيأثرش بس مش بشكل كبير البعض قدر يوصل للتلفزيون ويوصل كلامة بس حالات فردية


6:

من أنت ؟

لازلت احتفظ بنفس الجملة

PeRsOn In GoD LaNd

7:

ما هى احلامك ؟

انا تقريبا اتكلمت فى احلامى فى تاج سابق بس اكتر حلم دلوقتى ربنا يخلليى ماما وما يحرمنيش منها



8:

من اقرب شخص اليك؟

والدتى

وبعدها اصحابى


9:

اية معنى السعادة من وجهة نظرك؟

الرضا


10:

حاسس انك سعيد ؟

راضية


11:

امتى حسيت انك ظلمت انسان وليه؟


ربنا يجعلنى مظلومة مش ظالمة بس فهمت مرة واحدة صاحبتى غلط


ولية؟


لانها ما دافعتش عن نفسها


محتاج للغفران منها ؟

لا لانة الغلط مش كبير ومكنتش انا غلطانة فى موقفى لانى كان الحق معايا


12:

امتا حسيت انك اتظلمت ؟

كتير بصراحة



لية؟


علشان ربنا بيحبنى فا بيمتحنى فى صبرى



13:

اية اكتر احساس بيراودك الايام دى تجاة نفسك والاخرين؟


تجاة نفسى الاحساس بالمسؤلية


تجاة الاخرين بالاحساس بالامان والحب


14:


امتا ممكن تتنازل عن حقك ؟

مش حق اوى يعنى بس بطنش لما يكون الحد دة انا بحبة فا مبعتبروش تنازل بعتبرو فرصة

لو اللى قدامى ما اغتنمهاش وقدرنى بنسحب


السبب؟

عشان لما بحب حد واعزو واعتبرو فى منزلة االموثوق فية بديلة عينى

15:


مين اول واحد تهتم بتعليقة على بوستك الجديد ؟

بصراحة الجميع بهتم بتعليقاتهم لانها بتزيدنى شرف وفرحة بكتاباتى


16:


تهدى التاج لمين؟

لكل حد بيدخل عندى لانهم كلهم اخواتى وبحبهم وربنا يخليكوا ليا ويديم صداقتنا واخوتنا


وبشكر احلى اخوات على التاج الجميل والصداقة الاجمل

رمضــــــــــــــــــــــــان كريـــــــــــــــــــــم

رمضان كريم وأكرم وعالعباد هتفرج رمضان جالنا بخيره

جت فرصه لينا احنا عشان نعيشها مره ومش هنعشها تانى

هنسمع الآدان وتكبيرات رمضان وحى على الفلاح

ده فلاح فى عباده حلوه وصلاه ونعمه حلوه

يا خلق احنا فى شهر والله ولا ألف شهر

الفرصه جية تجرى وعالعباد بتحبى

اقروا قرآن كتير وصلوا على الحبيب


دى صلاتك فى القيام هتيجى فى القيامه

تنده عليك باسمك وتلاقى حلو رسمك


لبى النداء لربك فى شهر طوع لأمره

ياريتنا نبقا صحبه مهو شهر جميل وواعد وعالجنه طريقه واحد

مهو احنا مسلمين وبندعى ونقول آمين


ادينى فضل منك مهو اصلك انت خالق وبينا احنا حاسس

فداك وليك يارب بدعاك القلب حب

فى شهر جميل وعادل هتسمعنا الاناشد ندعى نمشى فى خطاك علشان نفضل معاك

وافخر انى فى خطاك وانى مسلم معاك

اسلامى فى كون محبه وسلام وشمعه قايده فى طريق لكل مسلم

منا من اصل جامح وقلب كبير وصالح بالرب وحده حاسس


باركنا يارب

اللهم أمين

همســــــــــــــــــــاتى

بفرح لو قال بحبك أعشق لو قال يا عمرى

ده الكلمه ليكى غنوه وبلحن وكلمه حلوه


بعشق فيكى سكوتك وآه لو عالى صوتك

بسمع صوتى فى غناكى أنا نفسى أعيش معاكى

يا فرحه فى دنيا جارحه رح أغنى وأقول معاكى



أنا طـــــــــــــــــاير فى سماكى


شايفين انا قصدى ايه حببيى بيا شاعر وبينقلى المشاعر جواه فى القلب ساكنه


يا حببيى قول كمان ده انا معاك من زمان

زمان مش من كتير

و لما تقول عبير

لبا القلب لنداك وحلف لا يموت معاك

ده الموت جمبك ده نعمه مهو حضنك أصله دافى


بشيل جواه همومى




كفايه يا قلبى انتى قلتى وعيدتى كتير

سيبينى اوصف هواكى


لا سيبنى اقول وأعلن واحفر اسمك بشمعه وحرارة القلب والعه


اطفيها بنار حنانك


ياللى الحب فى لمسه منك بتزيدنى لهفه

لا والله قليل عليكى يا ام العيون كحيله خطفتنى فى يوم وليله


هاتى ايدك ابوسها واخدلى منها لمسه تكفينى والله عمرى

ده الحب الصافى فيكى



هات ايدك وانسا بيا آهات الدنيا ديا


طول ما الحب فى ادينا وده مش كتير علينا


نتحدا بينا روحنا مهى روح فى روح وقلب وانا قلبى بيك انت حب

بحـــــــــــــــــــــــــــبك يا أمى

أمى يا نبع الحنان يا حضن مليان أمان



يا ضى لطريق يسبقنى وعلى خطاه انا بمشى


يا حب له بدايه وفى القرآن ليكى آيه وفى الحديث سطرين

نقراهم كدة بالعين القلب يحس بيهم


مهو قلب انا نازلة منه



احساس اموت واحسه وفى حضنى ضنايا أضمه

من كتر ما شفت منك القلب راضى بقليله


يا راضيه بحب ربك وبنعمه والله شاكره


اهديكى قلبى كافى مهو خيرك فوق كتافى


مش عارفه أرد حاجة ما انتى مش عايزه حاجة

غير بنت طوع لامرك وحامده وشاكره ربك


يا أمــــــــــــــــــــــــــــــــــــى


والله ما فى كلام أقدر اقوله غير انى

ببوس اديكى واشيل تراب رجليكى واعيش كده حواليكى

والله قليل عليكى مهو ربى ادانى ام

من حبه لكل ام حببها فى ضناها وحببها فى لقاها


لحضن جميل ودافى

من بنت شاربه منها حنيه ونفسى اقلها لكل الدنيا ديا

انا امى ام غالية ومتمنتش غيرك وبعيش أنا فى خيرك

يا مغرقانى بودك ومحميانى بعطفك ومغطيانى بعنيكى


ده انتى فى الدنيا ستره بتمنى منك ستره فى الآخره ليا بيكى


وبحب ربى بيكى يا أمى يا أم

العبــــــــــــــــــير



وطاير ومن بين اديكى حاير


ده انتى حب فى زمانى واغلى من الأمانى


ده انتى الهمسه فى لمسه والنسمه بيكى حاسه


اسقينى واروى عطشى ده دعاكى ليا نجده

فى وقت الشده فايده


وقال ربى فى حديثه اسمك مرات ثلاثه

يا أمى يا أمى يا امى

وام غاليه


فى اسمك والله حايره


ملقتش غير يا



أم منطوقة فى كل فم



بحـــــــــــــــــــــــــبك يا امى



بنتك عبـــــــــــــــــير