و عدت 2008 بكل حاجه فيها.. بحلوها ومرها..
صحيح المر كان كتيييييير أوي وكسرني أوي وطغي علي الحلو.. في الوقت اللي كل الناس فاكرين فيه ان السنه دي أحلي سنه في حياتي.. حتي أقرب الناس ليا فاكرين كدا..!!
يمكن عشان دخلت الكليه اللي أنا عاوزاها وبقيت أكتب في المجله اللي حلمت سنيييين أكون فيها.. الحلمين دول اتحققوا في شهر 8 وفي نفس الشهر دا حصلت لي أسوأ حاجه في حياتي !! ميزان حياتي اتقلب..!!
حاجات كتييييير كسرتني لكن في الأخر علمتني القوه والصلابه.. بس أنا مبحبش أحكي.. ومش ناويه أحكي..!!
مش هحكي عن حاجه وحشه حصلت !!
هحاول أفتكر الحلو.. انني رحت الكليه الجميله اللي أنا بتمناها.. بقيت بكتب في المجله اللي أنا بحبها.. عملت بلوج زي دا عشان أعبر فيه عن نفسي.. قربت من ناس كتيييير أوي محترمين عرفوني معني الصداقه الحقيقيه مع انني اكتشفت ناس كتييييييير أوي علي حقيقتهم ودا ألمني كتييييير.. رغم ان في حاجات حلوه كتييييير بس الوحش طغي علي الحلو..
وأنا بعترف ان 2008 هي أسوأ سنه في تاريخ هاجر زعبل.. من شهر 1 وأحداثه المؤلمه :( وشهر 8 باءنهياري المتداري بصوت ضحكتي العاليه مرورا بشهر 12 وأحداث كتيييير ألمتني ووجعتني من جوه أوي..!!
أنا بتمني من ربنا ان 2009 تكون أحسن.. بس حتي لو مكانتش أحسن.. عمرها ما هتكون أسوأ من 2008 باءذن الله..
أنا كمان متفائله أوي.. بداية السنه بالنسبه لي علي المستوي الشخصي فيها نسمة أمل.. رغم ان نهاية 2008 كان صعب عليا أوي !!
أنا مش عارفه أنا بقول الكلام دا ليه دلوقتي؟!! بس حسيت انني عايزه أقوله.. كان فضفضه علي ورق حبيت أنقله هنا عالبلوج..
وعايزه أوجه رساله لواحد هو عارف نفسه: " ربنا يخليك ليا "
مش عارفه ليه أنا بقول كدا دلوقتي بس أنا حسيت انني عايزه أقول كدا أوي.. عايزه أقولها من كل قلبي..
علي فكره , انت حد جميل أوي.. وحنين أوي.. وأنا مبسوطه انني عرفت انسان زيك..
تعرف انك حاجه مهمه جدا من الحاجات اللي ادتني أمل في بكره وفي 2009 !!
مش هقولك حاجه تاني.. هي دي فيها كل حاجه " ربنا يخليك ليا " :)
وعايزه أقول شوية حاجات كدا لأجمل صحاب في الدنيا دي كلها:
أنغام علام.. مش عارفه أقولك ايه؟!! اللي بيننا كبيييييييير أوي بس أنا مش هقولك أكتر من ان ال 13 سنه هيبقوا
13000,000 سنه وهنفضل سوا يا أنغام قلبي يا أجمل قلب وأنضف قلب في الدنيا دي كلها :)
آي.. انت أخويا المجنون العاقل.. بحب فيك البساطه وروحك المرحه وقربك من دماغي.. عشرة عمر يا أويا وهنفضل
أخوات واصحاب طووووووول العمر باءذن الله.. بحبك أوي :)
أحمد مختار.. أجمل أخ.. أخويا الكبير العاقل.. حد هيفضل طوووول عمره كبييير أوووووي في نظري.. انت كمان مثلي الأعلي علي فكره :) أحمد.. أنا بحبك أوي وبجد فخوره انني أعرف بني آدم زيك بجد نفسي نفضل أصحاب لأخر العمر :)
انجي البحر.. خدي بالك هنبقي اصحاب اووووي أكتر من كدا بكتيييييير وبكره افكرك :) أنا اصلا حبيتك من ساعة ما
شفتك وبيكي حسيت ان الدنيا لسه بخير.. بموت فيكي علي فكره :)
انجي ابراهيم.. فاكره أيام 5 ابتدائي؟؟ طب فاكره ثانوي وأيام دروس الفيزيا ؟؟ فاكره مقالبنا في مستر مختار :) ياااااااه.. أيام جميله أوي وهتفضل أيامنا سوا جميله.. يارب أشوفك دايما بخير.. وتفضلي صاحبة أطيب قلب القلب الجميل دا اللي بمووووت فيه :)
هدايه.. علي فكره , عشرة 7 سنين عمرها ما هتتهد مهما كان.. ظروفنا هي اللي بعدانا بس معاكي البعيد عن العين عمره ما يكون بعيد عن القلب.. بحبك أوي.. خدي بالك من نفسك :)
يارا.. ذاكري كويس والنبي عشان امتحاناتك اللي شغاله دي.. وانا هبقي أطمن عليكي يا أحلي يورا في الدنيا كلها.. عارفه , بجد انتي حد جدع أوي.. بحبك :)
مي.. بحبك رغم كل حاجه :) قلبي بيضعف دايما قدامك :) ومعاكي برضو مهما كنتي بعيده عن عيني لازم تعرفي انك
دايما جوه قلبي.. بحبك يا تيمووووون.. واوعي تنسي أيام العريش :D :D :D
مــيدو.. بحبك أخر حاجه وهنفضل اصحاب طووووووووول العمر.. بجد انت بني آدم فظيع وفاهمني من غير ما اتكلم.. وقفت جمبي جامد وانا في انهياري من غير ما تحس بس انا عمري ما هنسي كل حاجه حلوه يا ميدو :) خد بالك من نفسك ومن دراستك.. وحط " نور " جوه عينيك ;)
رنا.. قلبي واكلني عليكي أوي.. وحشتيني ونفسي أشوفك بجد.. يارب تكوني بخير وأرجوكي خدي بالك من نفسك أوووووي.. بحبك يا رورو :)
عوده.. بحبك قد الدنيا دي كلها.. بجد انت اكتر واحد بتعرف تخرجني مالمود لما بكون متضايقه.. وانت حد فظيييييييع.. يخرب بيت دمك وطيبتك.. وكمان بحب فيك قلبك الجميل.. تسلملي ونفضل طوووول العمر اصحاب :)
آيه.. كنت واخده عنك انطباع غلط زمان.. سامحيني.. بجد الأيام اثبتتلي انك حد طيب وجميل أوي وحد نادر نلاقيه في الزمن دا.. خدي بالك من نفسك :)
رغده , شادن , ساره , فيبي , حنان .. عرفتكم من قريب بس حاسه اننا هنكون صحاب.. مش صحاب بس لا صحاب جامدين أوي كمان.. بجبكم اوووووووووي
وبوجه رساله لكل المدونين اللي بتابعهم وبحبهم:
بجد عرفتوني ازاي اكتب وأدون.. شجعتوني أوي.. حسستوني انني موهوبه.. حتي النقد دايما بيكون بناء..
بجد بحبكم أوي مع انني معرفش كتير منكم
يارب دايما أشوفكم في أحسن حال :)
وياااااااااااااارب 2009 تبقي جميله علينا كلنا وتكون أحسن بكتييييير من 2008 وكووووول واحد فينا يحقق
كووووووول اللي بيتمناه..
كفايه رغي بقي عشان أنا حاسه انني صدعتكم أوي بس كان لازم أكتب الكلام دا لأنني بجد مش عارفه أكتمه جوايا بس كفايه كمان عشان أنا مبسوطه أووووووي أووووووي ومحتاجه أقعد لوحدي أستعيد ذكريات اليوم الجميل دا
..
بجد.. النهرده يوم عمري ما هنساه..
النهرده شفت حد عزيز عليا أوي :)
النهرده كان عيد ميلاد " يوسف " ابن هدي أختي :)
النهرده كسبت رهان مع نفسي :)
النهرده قضيت يوم جميل أوي في الجامعه :)
النهرده اول امتحان عملي أجاوب فيه حلو كدا :)
النهرده ضحكت من قلبي.. ممكن أكون مضحكتش بصوت عالي كالمعتاد بس قلبي كان بيضحك..!!
النهرده 1 / 1 / 2009 بداية أمل جديد لهــــاجـــر زعــبــــل !!
أنا خلاص هنسي 2008 وبقولها باي باي يا رخمه ياللي ضيعتي منني أجمل ما فيا !! بس بوعدك أنا هفضل قويه و
2009 هتبقي أحسن منك وهتعوضني ياما :)
الحمد لله :)
