حفلة التوقيع.. لـ نُص عُمر

حفلة توقيع ديوانى الأول " نُص عُمر"
الصادر عن دار مزيد_2009
ضمن سلسلة ورقة وقلم للكتاب الأول

انشاءالله.. يوم الخميس 2 أبريل
بمكتبة ديوان بالزمالك.. 6 مساءً

العنوان: 159 ش 26 يوليو، الزمالك

الدعوة عامة
وبجد.. يشرفنى وجود الجميع

ورجعت لـ "مسقط رأسى".. شاعر

عندى ندوة انشاء الله يوم السبت الجاى 7 مارس
بمقر جماعة إضافة فوق كافيتيريا "أندريا" بالمنصورة
الساعة 6 مساء ً

على كل أصدقائى وبلدياتى فى المنصورة الحضور طبعا ً
أما القاطنين خارجها فـ أنا عارف انه هيبقى صعب شوية

يشرفنى وجود الجميع

نُص عمرى.. دلوقت

ديوانى الأولانى " نُص عُمر "
صدر عن دار (مزيد)
والغلاف لـ الفنان: شريف مكى
دلوقتى فـ معرض الكتاب بجناح دار (أكتب) صالة 3 علوى

حواديت

ياما فـ زماننا قلوب
رسماها أعمارنا
زى النجوم حواديت
على ضل شباكنا

دى مركبى فضة
وفرحى لو قضَّى
حبيبتى تبقى معايا
من غيرها مش هرضَى

ساعات أتوه مرّات
ألقى القمر هدى
يسقى النسيم شربات
فى ليل طويل عدّى

الصعب راح ولا
الحب ده أحلى
لو وقفت الساعات
صوتى أكيد اعلى

لو زارنى فرحى ساعات
حواديتى ما بتخلص
قمرى حصان فى الليل
ونجومه دى بترقص

والحلم ويايا
والذكرى جوايا
من بين كتير حكايات
حكايتنا دى حكاية

ساعات أحب حاجات
ما يحبهاش غيرى
فى الرايحة فى الجايات
اغنى مع طيرى

طمنى اتطمن
فى القلب راح أسكن
وطول هواكى معاى
اتدفـّى واتطمن

لـ مجدى نجيب

عدسة : مصطفى نوبى

لو غصب عنك بان عليك .. هيصدّقوا ؟

فكرة " وجودك بعد موتك "

بتخلي قلبك يتقبض

و تحاول انك تفتكر

أبعد حاجات فـِ الذاكرة

، تـُعصُر خيالك

متلاقيش

غير صِفر بالبُنط العريض

، طب لو هتبدأ من جديد

ضامن تعيش ؟!

من قصيدة ( سنة 20 )

خدى الجاكت يا حبيبتى

قطعة الصلصال التى أعطتنى إياها معلمة الرسم
صنعت منها على هيئتك،
و لما نفخت فيها من روحى .. بُهت الحاضرون.

من قصة ( دفتر غياب )

تدعوكم جماعة ابدأ الأدبية
لـ حضور مناقشة
المجموعة القصصية " أشجار أفزعها البرق "
للقاصة دعاء عبده
و حوار نقدى مع الروائية د. سحر الموجى
و الروائى د. بهاء عبد المجيد
يجريه القاص محمود منسى

السبت 30 أغسطس 7 مساء - مكتبة البلد

ديوانى الأولانى

" أنا بهديلـِك نجاحى ده .. لأنـِّك أكتر حد عانى من فشلى"

woooooow
I feel good

أنا كسبت فـ مسابقة ( ورقة و قلم )
فـ مجال شعر العامية
عن ديوانى الأول " نص عمر "
و انشاء الله الديوان يعجبكم و يكون قد ثقتكم فيا


الحمد لله .. قد ايه كنت محتاج نجاح فـ الوقت ده