جاوب انت

زي ما بتقول فيروز كيفك انت اخترت لكم عنوان البوست ده وسميته جاوب انت!!

دي مجموعة من الاسئلة تعالوا نجاوب عليها ونعرف مستوى التربية وصل لحد فين، يعني واللى عاوز يقول اجابته يقولها والى عاوز يحتفظ بالاجابة لنفسه مفيش مانع خالص خالص

المهم اننا نعرف الاجابة بجد ونكشف نفسنا، ونكلم بصراحة

مستعدين

ها

3

2

1

هااااااااااا

1 – لو حد اكبر منك ف السن نصحك، هيكون رد فعلك ايه؟!!

هتسمع له وانت مركز وتحاول عمل بالنصيحة

ردك هيكون الرفض يعني الرفض هو يعني كان مين عشان ينصحني

هفكر يمكن اعمل ويمكن لا

هكبر واحلق له

2- لو كنت في مواصله زي المترو والكلام ده للرجالة والستات والبنات والولاد، وجه ادامك حد كبير والا حد تعبان، وسياتك ربنا رحمك واستطعت بعد جهود مضنية الحصول على قطعة 10 سم وبقدرة قادر "حشرت" نفسك وقعدت، والحد لسة قدامك، هتقوم له؟؟

لا طبعا انا مصدقت اعدت

ممكن اخد منه الحاجة اللى شايلها

هبص في الارض واعمل نفسي مش واخد بالي

ممكن اقوم

3- تخيل انك واقف في طابور طويل اوي جداااااااا، يا ريت تتخيل كويس عشان احنا معندناش الموضوع ده، وواحد جه بلطافة كده وقالك ممكن توقفني مكانك، هتعمله ايه؟

هطلع هم الطابور عليه

لن ينفع الكلام فالفعل هو الذي سيحسم الموقف

لا لا ازاي كده لازم اوقفه مكاني

هحاول ازنقه يمكن محدش ياخد باله ويقف معانا في الطابور اللي احنا طبعا متخيلينه

4- ولد صغير اعد وادامه راجل كبير، ومامت الولد موجوده، تفتكروا المفروض تعمل ايه

تقول للولد قوم بقا عيب

تبص للراجل وتشتكي من تعبها وتعب ابنها من اللف على اساس ان اللى واقفين يتعاطفوا معاها

تحني راسها وبرضه تعمل من شايفة الراجل

تاخد الشنطة وتحطها جنب الواد على اساس ان مفيش مكان بجد خالص

ها

شوية اسئلة صغيرة

بس اجابتها معانيها كبيرة اوى

احنا ساعات بنفتكر ان التربية اننا نقول بس، ونسيب الفعل

لا التربية قول وعمل يعني لو بقول ان الكدب حرام، يبقي لازم مكونش كداب مش ادام الناس بس لكن في أي وقف وفي أي مكان

ولو لقيت نفسك بتجاوب الاجابات اللى المفروض نعملها وانت فعلا بتعملها يبقي مبروك عليك طلعت متربي جدا اما لو طلعت ما بتعملش اللى المفروض يتعمل ومتخيل انه عادي يبقي ممكن تفكر تاني وتشوف موضوع التربية ده وتعيد النظر فيه

اما بقا لو لقيت نفسك

عارف الصح ولكنك ما بتعملوش يبقي مفيش غير انك

تعمل حاجة

واحدة بس

اقرا بوست محمد غالية اللى فات والبوستات الجاية وموضوع التربية ان شاء الله يتظبط

أزمة

نظرة سريعة إلى ما يحدث فى شوارع وبيوت عالمنا العربى
ففى كل يوم نستيقظ على إحدى الجرائم أو المشكلات فهذا سفاح المعادى وهذا سفاح الهرم وهذا قاتل الممثلة الفلانية
وهذا قاتل لفتاة لكونها على علاقة مع غيره وهذا متحرش بفتاة وما أكثرها قضايا التحرش . وعندما تقرأ وتتعمق
فى هذه القضايا وغيرها تتيقن من أن هناك أزمة كبرى والأزمة هى أزمة تربية !. نعم أزمة تربية.
فعندما يغيب دور الأب والأم ويغيب دور المسجد ورجل الدين قبلهما ويغيب الدور النفسى أيضا ويغيب دور الشارع
كناصح لهؤلاء الشباب تجد أنه ليس من الغريب أن يمتلىء المجتمع بمثل هذه الجرائم.إن ما يحدث أزمة أشد من الأزمة
الإقتصادية لأنها أزمة تعصف بالشباب وتخص الشريحة الأكبر فى المجتمع والذين هم عمودها الفقرى.
حادثة مثل حادثة الشاب الذى قتل فتاة فى إحدى شقق مصر الجديدة وبغض النظر عن التفاصيل وإن كان هو القاتل أم لا
ولكن ما لفت إنتباهى هو إعتراف أم الشاب والشاب نفسه بأنه كان على علاقة مع البنت لمدة أربع سنوات وعندما تسأل الأم
تقول إبنى متربى وكل الشباب بيصاحبوا وبيعملوا كده! ونعم التربية والله . ثم تعترف أيضا الأم بأن إبنها كان يتعاطى المخدرات
وتكون إجابتها نفس الإجابة بأن إبنى متربى وأن هذا أصبح شىء عادى بين الشباب ! نعم والله يا أمى ونعم التربية.
أنا لا أنكر تعاطف الأم مع إبنها ولكن لابد أن يكون هناك إعتراف بالأزمة حتى نبحث عن علاج أما أن نكابر ونصر
على أننا نربى تربية صحيحة وأصبح حالنا هكذا! فهذا هو المرفوض.
وهكذا فى باقى القضايا دائما ما تجد غياب التربية عامل مشترك فيها وهو المتهم الأول فيها ومن باب الأمانة أحيانا
من يقومون بتلك الأعمال يكونوا مرضى نفسيين خصوصا فى الأمور التى تتعلق بالكبت وغيرها. ولكن تبقى الأزمة الكبرى
وهى أزمة التربية والمهم أنه فى ظل الأزمة الكل مسئول الوالدين والمدرسة والمسجد ورجل الدين وأهل الشهامة فى الشارع
والموجه لهؤلاء الشباب والصديق الوفى الذى غاب ففى غياب هؤلاء حتما سنصل إلا ما وصلنا إليه من إسفاف وتدهور.

هو كله ضرب ضرب كده حد يحووووووووووووش يا جماعة.
الحل مفتوح للمناقشة فى إنتظار اقتراحاتكم التفصيلية يا شباب

محمد غالية

أما انا فأقول

كثير من الناس ممكن يقعد يكلمك عن أهمية انك تاخد قدوه ... وانواع القدوه .. واشكال القدوه ... والقدوه كالماء والهواء للانسان والكلام الى بضطر انى اقعد امسح النظاره كل تلات ثوانى وادعك فى عنيا عشان افهمه دا كتير يقدروا يقولوه ... مش لانه كلام سهل انما لانه الكلام المتوقع انك تكتب عنه لما تيجى تتكلم عن موضوع زى ده

وانا عندى عقده من الكلام الكبير

انا شايف الموضوع ببساطه عايز تاخد حد قدوه او مش عايز تاخده قدوه بس هو هيبقى قدوتك غصب عنه

ادمنه

يعنى ايه تدمنه ؟؟... يعنى اعرف عنه كل حاجه ... شوف سلوكياته ازاى ... تصرفه ف الموقف الفلانى وتصرفه ف الموقف العلانى ... خليه كل حياتك وكأنك بتعمل عليه دراسه

عايز النبى يكون قدوتك ؟؟... ماشى ... اقرا سيرته واعرف ازاى كان بيعامل الصحابه وازاى كان .. وازاى كان

مش مجرد انك تقرا حديث او اتنين او حتى ميه ... حتى لو هتعمل بيهم كلهم وتطبقهم ... دا مش كافى لانك تقول ان النبى قدوتك

عشان تقول ان حد قدوتك لازم ... تعرف عنه .. وتتشبع بيه .. لحد ما يتغلغل جواك

ودا المشكله الى انا شايفها ... احنا معندناش مشكله اننا مش واخدين قدوه .. لاننا كلنا بطريقه اراديه او لا اردايه متأثرين ببعض الناس الى شفناهم فى حياتنا والى بنحتك بيهم
الى طول اليوم ودام التليفزيون بيتفرج على الممثل الفلانى والراقصه الفلانيه .. وازى عرفت طريق الفن؟؟ ... وازاى حضرتك اكتشفت الموهبه ؟؟.. وايه رأيك فى الموضوع الفلانى والعلانى..

كل دا بطريقه او باخرى بيخليك تتشبع بيهم وبيخلى سلوكك يتغير بشكل او باخر ف الاتجاه دا

الى بيحب المغنى الفلانى والمغنيه الفلانيه وميفوتش حفله ليهم .. ادمان مجرد النظر ليهم .. بيأثر على شخصيتنا وخصوصا لو ضفنا لده ان كل حديث صفحى اتعمل ليهم قريته ...وكل برنامج جهم فيه شفته .. فدا بشكل او باخر بيخليك تتأثر بيهم

وعشان كده تلاقى حكم كتير ومأثورات اكتر انك تبعد حتى عن النظر - مجرد النظر - لاهل المعاصى او الذنوب .. لان دا بمزاجك او بغصب عنك هيقلل هيبتها فى قلبك وهيقربك منها

وبما ان اغلب الى ظاهر ومشهور من البشر الان يمثل قدوه سيئه بكل معنى الكلمه ... فتلاقى الناس اغلبهم متأثر سلبا بيهم

وكلامى عام .. اقصد ادمان النظر لاهل التفائل هيخيلك متفائل.. ادمان النظر للناس الناجحه هيخليك ناجح .. ادمان النظر لاهل اى حاجه هيخليك تتأثر بمزاجك او بغصب عنك بيهم

عشان كده موضوع انك تاخد قدوه .. مش عايشه وسطينا دلوقتى .. موضوع صعب شويه

لازم تحييها انت جواك .. تتكلم عنها ع طول .. وتبقى جزء منك وكأنك عايش معها.. تقرا عنها كل حاجه ... وتعرف تصرفها ف كل موضوع ..دى الطريقه الوحيده الى تخليك تقدر تعتبرها قدوه .. القدوه - الشخص - لازم تكون عايشه جواك.. حتى لو كان بالفعل مات من مليون سنه

وف الاخر هحكيلكم قصه واحد حاول ياخد قدوه من غير ما يعمل لها دراسه

بعد الصلاه فى المسجد قام الراجل سلم على الراجل الى جنيه وقاله ... حرما .. تقبل الله

التانى رد وقاله ... ما وردتش ( يعنى لم يرد عن احد من السلف انه سلم على الى جنبه بعد الصلاه وقاله حرما)ء

رد عليه الاول وقاله .... حرما ما وردتش بس الرذاله هى يعنى الى وردت

ولا انتوا ايه رأيكم؟؟

كتبــــــــــــــــــــــــــــــــه : بطوط حبوب
أسف الموضوع منعكش أصلى مستعجل جدا ورايا سفر بس ياريت تكون فكرتى وصلت

حريصٌ عليكم

محمد "صلي الله عليه وسلم" القدوة المطلقة والمحرك الأساسي للإرتقاء بالذات الي أعالي الأمور وقممها ..القدوة والأسوة الحسنة ...هو قرآن يمشي علي الأرض ..هو المستحق وبلا تردد أن يكون جواب لكل سؤال "من هو قدوتك ؟"
ولما يخبرنا القرآن "فبهداهم اقتده " ويقول "صلي الله عليه وسلم" لا يصلح آخر الأمة الا بما صلح به أولها " نتذكر الصحابة والتابعين وعلماء الأمة ..فنضعهم في المرتبة الثانية وهنا نتوقف لنسأل أنفسنا ثم من ؟؟؟
وقبل أن نجيب تعالو نضع معا قواعد أساسية حتي تخرج اجاباتنا بصورة صحيحة ونبدأ بكلمة "حريص عليكم "
وكما كان حرصه "صلي الله عليه وسلم" هو الوقود والدافع لأن يثابر ويتحمل ويدعو أمته ليل نهار ..فان "حريص عليكم "هي ما يجب أن تتوفر في كل قدوة نختارها حريص علي أن تعرفو طريق الحق
ثم يأتي بعد حريص عليكم الإخلاص والذي نتيجته القبول من الله ثم الملائكة ثم القبول في الأرض الذي هو مفتاح القلوب
ولكي يبقي التأثير ايجابيا ولا يتوقف يجب أن يكتمل بالعنصر الثالث " العلم "
اذن فالقاعدة الأساسية هي "حريص عليكم -مخلص -ذو علم "ومن هذه القاعدة تكون القدوة الحسنة
ولأن الانسان بطبيعته يبحث عن التقليد والمحاكاة ..والله عز وجل قال "وجعلنا بعضكم فتنة لبعض "فاننا قد نتأثر بنوع آخر من القدوة "القدوة السيئة "فنلاقي في طريقنا الكثير من أصحاب الفتن ممن يظنو أنهم علي حق وقد اغترو بما لهم من معجبين ومفتونين بهم ..ولكنهم وبكل صدق ليسو من أهل "حريص عليكم -مخلص -ذو علم "
ولكي يتضح كلامنا تعالو نطبق معا هذا المثال العملي لما قلناه ..أندونسيا ..كلنا يعرف أنها بلد مسلم ولكن كيف تحولت للإسلام ؟؟
انها القدوة الحسنة ..بدأت القصة عن طريق مجموعة من التجار المسلمين وقد توجهو اليها لغرض النشاط التجاري ولكن لأنهم من أهل "حريص عليكم "يريدون الخير لكل البشر رُزِقوا الإخلاص ..فكان لهم حب الله وملائكته والبشر فامتلكو مفاتيح القلوب فأثرو في المجتمع بالايجاب من خلال تعاملاتهم وسلوكهم ثم جاء بعد هذا دور العلم ...
ولما تعرضو للأحتلال الهولندي وخضعوا له سنوات ..ذلك الاحتلال بما يحمله من مفاسد وفتن وثقافات بعيدة عن الاسلام ..الاحتلال الذي هو صورة للقدوة السيئة وتطبيقا لقوله "وجعلنا بعضكم فتنة لبعض" إصطدم بتلاميذ درسوا وتربوا في مدرسة القدوة الحسنة ..فخرج الاحتلال وبقيت أندونسيا مسلمة
اذن هذه هي القدوة ..وتلك هي شروطها ..ولنسأل أنفسنا ونفتح باب النقاش ..
من هو قدوتك من أهل زماننا ..وما هي صفاته التي استحق بها هذا الشرف ؟؟؟؟