الفرحة مع منيـــــــر

بحب الاغنية دي جدااااااااااااااااااا

كلماتها جميلة جدااااااااااااااااااااااا

اول مرة سمعتها علي راديو صوتكم

وبعدين دورت عليها وجبتها

وكمان بهدي كلماتها لحد معين

عشان يرحم دماغه من التفكير شوية

والارق اللي ملازمه ده يمشي

ويريح باله ويحلم باللي الجاي

يللا يا اولاد

استمتعوا

مجتمع المدونين

بداية كده انا قصدت ان العنوان يكون مجتمع المدونين وليس مجتمع التدوين

لاني هتكلم عن الاشخاص المدونين وليس مدونات الاشخاص

:))

توهتوا

طووووووويب

بصراحة كده من يوم لقاء المدونين وانا الكلام ده واقف في زوري وعايز يخرج ويأبي ان يظل في حبة صمت

نبتدي الكلام وخليكم معايا واحدة واحدة

دلوقتي انا بشوف تعليقات ناس كتير في مدونات كتير وفي مدونتي

بجد بحس اني قدام ناس فكرها عالي اوي

فاهمين الدنيا كويس اوي

مثالية ملهاش حدود

ولما روحت لقاء المدونين

قابلت ناس بجد اعجبت بفكرهم جداااااااااااااااااااااا

ناس رااااااااااااااااااااااااااااااائعين بجد

وكنت سعيدة اوي وانا بتكلم معاهم

لما بروح الكلية اعرف ناس كتير قوي ماشاء الله عليهم

دماغهم بجد تستاهل ان الواحد يحترمها

كل اللي اتكلمت عليهم فوق دول ايه

شبااااااااااااااااب

صح؟؟

ايون شباب

ودايما فيه جملة بسمعها كتير اوي وفالقين دماغنا بيها

لما اي حد كبير يطلع يتكلم في التلفزيون او الراديو

الشباب هما مستقبل البلد دي

!!!!!!!!!

طب يا عم الحج الشباب اهو زي الفل

فين بقي المستقبل الوردي

اللي بتتكلموا عليه ده

بجد انا لمست الموضوع ده قوي من ساعة لما دخلت التدوين

حسيت ان المدونين دول مجتمع لوحدهم

ولما سألت بابا

قاللي اصل دول الفئة المثقفة الواعية اللي عندها فكر

طب انا ملقيتش كده بس في التدوين

لقيته برا كمان

اومال ايه اللي بيحصل

هل احنا فالحين في الكلام وبس

ولا عاجزين عن تنفيذ اللي بنقوله

ولا هما مش عايزينا ننفذ اللي بنقوله

والله بجد هتجنن

احنا زي الورد

بس محتاجين اللي يروينا باستمرار

والله احنا ي الفل

وانا مقتنعة بده تمام الاقتناع

بس لحد امتي هنوصل لمرحلة التنفيذ ؟؟؟؟؟؟؟؟؟؟؟؟؟؟؟

حد يجاوب عليا

هيــــّصوا يا سفاريــــــــت

حالة من الصخب والضوضاء وعدم الهدوء تجتاح المملكة السفروتية منذ عدة ايام

استعدادا لاقامة الاحتفال الكبير والذي تقيمه مليكة مملكة السفاريت بمناسبة يوم ميلادها المبجل

الثامن من مارس

حيث اتممت عامها التاسع عشر

وقد تضافرت الجهود واحتشدت الحشود لحضور هذا الاحتفال المهيب

تعبيرا عن حبهم لمليكتهم وراعية امنهم سفروتة هانم

وقد امرت سفروتة هانم (اللي هي انا) بطرح العملة الجديدة لمملكة السفاريت

الساتيه السفروتي

معلنة بداية عهد جديد من الاموال السفروتية متمنية لشعبها دوام الانفاق وتنفيض الجيوب

كما قام فنانو المملكة العظام بعمل جدارية كبيرة بطول كوكب السفاريت تعبيرا عن مدي حبهم لمليكتهم وسيرفع الستار عن الجدارية عند بدأ الاحتفال

وقد اعلنت السلطات المختصة بأن يوم الثامن من مارس هو يوم العطلة الرسمية لكل افراد الشعب السفروتي

وقد تلقت سفروتة هانم العديد من برقيات التهنئة من ملوك ورؤساء الكواكب المجاورة متمنين لها دوام الصحة والعافية وطولة العمر وراحة البال

............................................

علي فكرة عايزة اقول ان شهر مارس ده شهر العظماااااااااااااااء

طبعا لانه فيه يوم ميلادي

يوم ميلاد جدي العزيز

يوم المرأة العالمي ... 8 مارس برضه

يوم المرأة المصرية ... 16 مارس

يوم الام

يوم ميلاد بابا العزيز

يوم ميلاد المدونة العزيزة زي الهواااااااااا ... ونفس يوم ميلادي كمان .. هنيئا لكي يا بنيتي

يوم ميلاد دكتور محمود عندنا في قسم السمك ... وبرضه في نفس يوم ميلادي

يوم ميلاد المدون محمد غالية ...عرفنا ده من التعليقات .. هنيئا لك يا محمد ميلادك في شهر العظماء

مذبحة القلعة :))

.............................................

عشان محدش يبقي له حجة ادي التورتة الكبيرة اللي عملوها طباخين المملكة

شايفين الناس محتشدة ازاي

يللا يا اولادي بالهنا والشفا

كلوا من الدور اللي يعجبكم

والمثاثـــــــــــــة دي عشان الانسة كيارااااااااااااااا

اما بقي البسبوسة دي عشان السيد المبجل رومنسي عشان ميبقاش له حجة

اهيه البسبوسة اهيه

السيد المبجل تامر الحسيني معجبوش ياكل من التورتة اللي هياكل منها عامة الشعب .... اصله نازل قدامي في الانتخابات السفروتية ...وطبعا عشان شعبي يحبني اكتر واكتر وينتخبني بداله احب اهديه التورتة الملكية اللي مبتنكشفش علي حد ابدااااااااااااا وبتتحط كده في المتحف السفروتي والناس تتفرج عليها

كان نفسي اجيبلك ملوخية يا تامر

:))

كل سنة وانتي طيبة يا نوران

ويارب تحققي كل اللي بتتمنيه

ربنا يخليكوا ليا يا بيتي التاني ويا جيراني المدونين

اسيبكم بقي تستمتعوا بالاحتفال العظيم

ولتبدأ مراسم الاحتفال

سفروتة ... ولقاء المدونين

اقول ايه بس

اقول ايه

روحت بيتنا يدوب اكلت وريحت شوية

لقيت البت ايمي بيبي نزلت البوست وكتبت كل اللي كنت عايزة اقوله

ما علينا

يا جماعة ده اللي حصل فعلا

هههههههههههههههههههههههههههههههههههههههههههه

شريرة يا ايمي

بس بحبك هعمل ايه؟

بجد النهاردة كنت مبسووووووووووووووووووووووووووطة جدا

يوم اصلا مكانش لا ع البال ولا ع الخاطر

وعرفت ناس جميلة اوي

اينو ..رقة الاحساس

اوريجينال هارت

محمد غالية

ازهري

بطوط حبوب

وكيكي

ومجنووووووووووون

هههههههههههههههههههههههههههههههههههههههههههههههههه

الا مجنون ده بقي اول لما عرفت انه مجنووون اللي انا عارفاه وبيعلق عندي قولتله قوللي بقي انت بتقول علينا احنا البنات مفتريين ليه؟؟؟؟؟؟؟؟؟؟؟؟؟؟؟

وكان نقاش ساخن كنا انا وايمي واوريجينال واينو علي مجنووون

بس النفوس اتصافت في الاخر

:)

بجد انا فرحانة اوي اني شفتكم

واتمني ان ده يتكرر تاني وتاني وتاني

ونشوف بعض دايما

لاني بجد حاسة بألفة جميلة بينا كانت موجودة النهاردة واحنا بنتكلم مع بعض كلنا

كان نفسي اشوفك يا بنت يا كيارا

وكيكي قالت لنا ان شفقة كانت موجودة ودكتور عمرو فاروق

بس معرفتش اشوفهم

بجد زعلت اوي اني مشوفتش حد انا اعرفه

لكن ان شاء الله تتكرر اللقاءات ونشوف بعض تاني

معاناة بالطو ابيض

المشهد

الغرفة مظلمة ...من بالخارج يظن انها هادئة تماما...فهذا ما حدث معي

ولكن ما ان دخلت الي الغرفة حتي سمعت اذناي ما سمعته

حراااااااااااااااااااااااااااااااااااام عليها

هي مش حاسة بيا ولا ايه

كل يوم رايحة جاية وجاية ورايحة

وانا متمرمط معاها

مفيش ولا شفقة ولا رحمة

سنتين متبهدل معاها في التشريح والفورمالين وريحة المشرحة الفظيعة

اعااااااااااااااااااااااااااااااااااااااااااا

ولا الكيميا والالوان الغريبة اللي كانت بتعملها فيا

مش كفاية حمض الكبريتيك المركز اما وقع عليا

ولا ايديها لما كانت بتتبهدل بالمحاليل ومتلاقيش غيري عشان تبهدلني بيها

انتي ايه يا شيخة مبترحميش

حسي بيا شوية

لا وايه

السنة دي بقي

بكتريا وفيروسات

يادي القرف

يادي القرف

ويوم البكتريا ده بكره نفسي فيه

بعد اما بتخلص

تقوم مطلعة ازازة الديتول

وتغسل ايديها

ياربي علي ريحته

بتعصبني جدااااااااااااااااااااااااااااا

ولسة ياما هشوف

ستريبتوكوككس وستافيلوكوككس والسل كمااااااااااااااان

لااااااااااااااااااااااااااااااااااااااااااااااااا

انا لازم اوضع حد للمهزلة دي

انا لسة هستني كمان لرابعة وخامسة

انا لازم اخد موقف

ايوة ... اول لما تمد ايدها عشان تاخدني هقوم ماسكها من ايدها وبالايد التانية اديها بالقلم

وهقولها

ايييييييييييييييييييييييييييه مش لاقية غيري تتشطري عليه

هههههههههههههههههههههههههههههههههه

اكيد اكيد مش هتعرف ترد عليا وهتتخرس خالص وتبقي تلبس اي حاجة تانية

ولا يارب تروح كده وتدخل السكشن وتتهزأ مظبوط من الدكتور

وشكلها يبقي وحش قدام زمايلها

وبعد ما سمعت اسطوانة الغل دي من هذا البالطو

طبعا عقدت العزم اني مش هنوله اللي في باله ابدا

ومن سكات وبنظرة خبيثة له

مديت ايدي علي البالطو التاني اللي متعلق جنبه

وبصيتله وقولتله

هأ .... خليك كده مركون يا ابيض

براعة من نوع خاص

ان تكون بارعا في مجال عملك ... شئ جميل

ان تكون بارعا في التحدث الي الاخرين ... عظيم جدا

ان تكون بارعا في جذبهم اليك ... عظيم ايضا

ان تكون بارعا في القيام بشئ ما اجمع الاخرون علي انك الاقدر علي فعله ... امر ممتاز

ولكن ... ماذا عنها هي؟؟

لقد وجدت نفسها الي جانب هذا كله .. انها الابرع في شئ لم يره عليها الاخرون قط

فهي بارعة في ذرف الدموع

بررت لنفسها تلك البراعة .. حين وجدت ان كل من عرفتهم طيلة حياتها كانوا يذرفون دموعهم .. اما علي هؤلاء الذين طويت صفحاتهم في الدنيا وذهبوا الي العالم الاخر .. او علي جرح غائر داخل قلوبهم تركه من كانوا يحبونهم ... او علي فشل في امر من امور الحياة ظل يلاحقهم اينما كانوا

ولكنها تبكي لانها تعلم تمام العلم

انها احبته بصدق

تحتفظ له بكل مشاعر التقدير والاحترام

وهذا ما يجعل من نسيانه امرا صعبا

ولماذا هو تحديدا من احترمته بهذا القدر؟؟؟

بكت ... حينما علمت انه لم يعد هناك من يسألها عند اي جزء من القرآن قد توقفت قراءتها

بكت ... حينما حاول هؤلاء الذئاب ان يهاجموها ..كم تمنت ان يكون معها في تلك اللحظة .. حتما كان سيحميها منهم

بكت ... حينما تذكرت انها لم تقدر علي مساعدته كما كان ينتظر منها

بكت ... حينما فقدت الامان الكامل .. الامان المطلق .. الذي كانت تشعر به من قبل

بكت ... لانه لن يعود لها ثانية

اسندت ظهرها الي وسادتها .. تناولت المصحف .. وقعت عيناها صدفة علي سورة يحبها .. فانهمرت مجددا في البكاء

بيبي كبرت يا ناااااس

Safrota TV نبأ عاجل من

يقام غدا الثلاثاء بكوكب السفاريت اكبر احتفال تشهده المملكة منذ نشأتها

حيث تودع ايمي بيبي (اغلي اصدقاء مليكتنا المعظمة) عامها الثامن عشر وتستقبل عامها التاسع عشر

يسمح طبعا باحضار الهدايا لأن علي اساسها هيتم تصنيف الحضور

اللي هيجيب هدية كبيرة وغالية هيقعد من قدام ويتفرج براحته

واللي مش هيجيب هيقعد ورا ويا عيني مش هيعرف يتفرج كويس

يشمل برنامج الاحتفال

جميع اغاني الاطفال اللي خلقها ربنا

دوبي وماكدونالد وتوم وجيري وميكي ماوس وميكي ماوسة لزوم الرقص والفرفشة

مع وصلة من الغناء الاصيل بصوت المبدع سفروت افندي مطرب المملكة الاول

................................................

يللا حالا بالا بالا هنوا ابو الفصاد

هيه هيه

هيكون عيد ميلاده الليلة اسعد الاعياد

هاه هاه

فليحيا ابو الفصاد

Happy Birth Day to You

Happy Birth Day to you

Happy Birth Day to EMAN

Happy Birth Day to You

سنة حلوة ياجميل

سنة حلوة يا جميل

سنة حلوووووووووووووووووووووووة

سنة حلووووووووووووووووووووووووة

سنة حلوة يا جمييييييييييييييييييييييييييييييل

كل سنة وانتي طيبة يا ايمان ويارب اشوفك محققة كل اللي بتتمنيه وبتحلمي بيه

ويارب السنة دي تكون احلي من اللي هتعدي كمان سويعات

ويارب نفضل اصحاب واخوات وحبايب دايمااااااااااا

الكلام بيروح مني مش عارفة بيستخبي فين

بس انتي اكيد عارفة انه في القلب

كل سنة وانتي طيبة يامامتي

:)