فجأة وبدون مقدمات بلقي نفسي متهم باتهامات كتيرة من ناس مختلفة..
بيعاملنا وحش-كتاب، صحفيين- بيأخر علينا مرتباتنا-موظفين-
طول الوقت عنده مشكلة في دفع التزاماته – موردين-
هو بيعمل حاجات كتير قوي وده مش المفروض انه يكون صح او يكون الطبيعي او المعتاد – ناس كتير قوي بحبهم بزيادة- تابع القراءة
نوفمبر 10, 2009
فجأة وبمقدمات سافلة جداً
يوليو 13, 2009
قسماً رناد
رناد!!
أراك تكبرين،
أيام كثيرة مرت..
و مسعد ما زال بعيداً،
عنك..
مسجون بين جدران جافة مملة كئيبة..
جدران متأكلة ومؤلمة.
ولكنى أراه بعيناك .. رناد!! تابع القراءة
مارس 30, 2007
عماد الكبير………..مبروك خروجك وعقبال ما تاخد حقك
عماد الكبير خرج خلاص من السجن…
إضغط هنا لقراءة ما كتبه وائل عبد الفتاح..
ناس كتير قوى هتفرح لخروج عماد الكبير من سجنة
اللى قضى فيه 3 شهور..
بس أنا أكتر منهم فرحه لما عماد يخرج بقى سجن الوجع
اللى قضى فيه اكتر من سنة و3 شهور ..
من يوم الكلب اللى اسمه إسلام نبيه ما هتك عرضه
واغتصبه بعصاية فى قسم شرطة بولاق الدكرور..
مبروك خروجك يا عماد..
عقبال ما تاخد حقك.
مارس 4, 2007
اللواء سمير فرج يدمر أجمل قري الصعيد-قرية المريس- بالأقصر
ناصر النوبى شاعر صعيدى وخبير سياحى وعاشق أصيل لتراب البلد دى، اتصل بى وكله حزن وأخبرنى أن بلدتهم
ستهدم خلال الفترة المقبلة، لم أفهم، فقال لى خمسميت فدان واكتر هايتبوروا وتمنتلاف بنى آدم هايتشردوا
عشان شوية رجال اعمال ******هايعملوا فنادق على أراضيهم، لم أفهم، قال لى سمير فرج اتقدم باقتراح للريس
بعمل مرسى نيلى للمراكب عند بلدنا المريس اللى كانت تبع أرمنت بعد كوبرى الاقصر، فوافق
الريس ضموا البلد للاقصر وقالوا هايعملوا الامرسى ثم فوجئ اهالى القرية بقرار وزير التنمية
المحلية وقرار رئيس الوزرا بنزع اراضيهم للمنفعة العامة عشان بنا فنادق ….
لناس قالت فنادق ايه احنا رسينا على ان الموضوع مرسى نيلى وخلاص…
قاللهم لأ سمير فرج اتفق مع مجموعة مستثمرين على انه يجيبلهم ارض القرية يعملوا عليها
الفنادق…
لناس قالت طب ميشفوفو حتة تانية غير هنا ما الظهير الصحراوى لازق فى البلد عل
ى بعد عشر دقايق بالعربية ميعملوا فيه منتجعات سياحية هى داقت على الشري ط الضيق اللى بيأكلنا ده.
طب هى مصر ناقصة:
اقروا معايا رسالة الشاعر الصديق ناصر هاتوضح اكتر…. تابع القراءة
نوفمبر 12, 2006
أحلم مثل أبنتك بكيس به عصير قصب
سيدتى ..
لماذا أجدك فزعة ؟؟
أقلقة أنت على نفسك ..
أتخافين أن يفعلوا بك مثل ما فعلوا بهذة الأم العجوز كما فى هذه الصورة ..
لا تخافى ..
أقسم لك بأرواح 1000 مصرى ماتوا فى عبارة غير صالحة للأبحار أصلاً ولا تحمل غير فقراء مصر ويملكها واحد من ناهبى وقاتلى مصر بأنهم لن يمسوا شعرة منك ..
أقسم لك بقدرة السكك الحديدية فى مصر على تحويل أرواح الألاف من المصريين إلى العالم الأخر، على أنهم لن يستطيعوا أن يكونوا مصدر أذى لك ..
سيدتى ..
لماذا تحدقين فى هكذا ..؟؟
تكلمى إلى .. أو قومى بعمل ما يجعلنى اعتقد بانك تستمعين لكلماتى !!
أتخافين على بنتك ..
أعلم بأنها الآن فى يدك ..
ولكن ..
أنظرى جيداً إلى هؤلاء ..
أليس من بينهم إبنك يوسف .. أو محمد .. أو رامى .. أو أحمد ..
أعتقد أنه بينهم ..
أتقولين بأنك تركتيهم نائمين ..؟؟
إذن هذا هو جوزيف .. خطيب ابنتك .
أعرفه انا وأستطيع ان أتبين ملامحه من وسط مليون ..
وأعلم عنه إيمانه بأن البلاد ستتطور وستمضى فى المسير نحو إطلاق الحريات و نشر الفكر الديمقراطى والدعوة للدولة المدنية القوية التى تساوى بين الجميع على أساس الأنتماء للوطن والأنحياز لفكرة المواطنة ..
هو يؤمن بأفكار متميزة وجيدة ومستعد هو للدفاع عنها ..
أقلقة أنت إذن أن تصبح أبنتك مثله ..؟؟
تخافين عليها من أن تمتلك من الافكار ما قد يؤدى بها فى النهاية لمثل هذه الاشياء التى ترينها تحدث امامك ..
سيدتى ..
تأملينى جيداً ..
أنا أيضاً لى أم مثلك تخاف على أولادها ..
خوفها على نفسها ، وتحرص علينا كما حرصك على ولديك ..
وكنت أحلم كما أبنتك بكيس به عصير قصب ..
فأنا أعشقه ..
ولكن ..
ألست معى فى أن ما نشاهده الآن هو شئ مقزز جداً ..
أم أنك غير مهتمه ..
أراكى قلقة فقط ..
لن أحاول بالطبع تشوية ما تشعرى به الان ،
ولا محاولة وصف ما أراكى عليه ..
ولكن ..
أنظرى هنا أيضاً ..
هذا هو من يعطى الاوامر ..
الأن هم يسحقون سيدة عجوز لأنها حاولت ان تساندنا فى رفضنا للظلم الواقع علينا ..
أتعلمين بأن الرجل الذى يشير على هذه السيدة العجوز ويعطى اوامر بسحقها ..
أتعلمين بأنه كان ينتظرنى عند بوابة مديرية أمن القاهرة بعد انهاء اجراءات الافراج عنى من فترة سجن
طالت عن 88 يوماً شهدت تعذيبى وضربى وانتهاك جسدى ؟؟ ،
أتعلمين بأنه من ضمن من شاركوا فى أعتقالى وتلفيق اتهامات مضحكة لى ..؟؟ ،
هل تعلمين بأنه قال لى ” مبروك يا محمد وحمدلله على سلامتك “..
لم اعى لحظتها أية سلامة يتمناها لى ويشكر الرب عليها ..
ولكن كل ذلك لا يهم ..
انت الأن من يعنيينى ..
أنت وحدك فأنت ترى الان إلى أى حد وصلت درجة التوحش والقمع عند هؤلاء ..
سيدتى ..
أخرجى من كل ما يحيط بك ..
لتحطمى هذه الجدران التى تسجننى وتسجننك ..
لنحطم معاً .. خوفنا ..
ولنبحث عن مصر أفضل فنحن بالتأكيد ..
نستحقها .
أكتوبر 23, 2006
زهايمر – ميسون صقر
زهايمر
كان ممكن جداً إنك تنسيه
زى ما بتنسى كل حاجه
وتفتكرى إن عندك زهايمر
زى ما بتقولى دايماً وتهزرى
لكن فى الحالة ديه
الحاله الخاصه
مش قادرة تلغى
حته من كيانك
جزء كان منك فى فكرك
وتقولى أنساه
دايماً حطاه قصادك
دايماً بتفكرى تلغيه
أهو هو إللى لغاكى
وأستخدمك ضدك
ضد نسيانك ليه
. ضد دخولك فى الزهايمر