عوووووودنااااااااا((العين صابتنى ورب العرش نجانى))1

عووووووووووووووووووووووودنااااااااااااااااااااااااااااااااااااااااااااااااااااا

حسدونى........ ادونى عين معتبرة ....... ياعينى عليا .......ياصغير، يامنمنمة ، ياطعمة ، ياام لسان زى السكر، انتى ياام قلب ابيض من اللبن الحليب ((حد عنده اعتراض))

أهئ اهئ اهئ أهى

لا كان على البال ولا على الخاطر ولا كان فى الحسبان يحصلى ويجرالى اللى جراه

طول عمرى ااقول ايه الحسد والكلام الفارغ ده دى شماعة تعلقوا عليها خبيتكم وعبطتكم لكن ايه اللى

كدب المثل اللى قال اللى تخاف منه يطلعلك وانا عمرى ما خفت من الحسد

اتحسد على ايه ياحسرة على 150 سنتى طولى وعلى 40 كيلو وزنى

لكن العين سابت كله وجاتلى انا اختار ااضعف واحدة من اللى قاعدين ولزقت فيا

أهئ أهئ اهئ أهى

الحكاية وما فيها يابشر الست امى ربنا يخليهالى يارب ولا يحرمنى منها ابدا اااااااا ابداااااااااااااا

قبل عيد الام كده الست حونينة وطيبة وقلبه زى اللبن الحليب امال انا ورثت القلب الطيب من مين

ادت كل واحد فينا انا واخواتى مبلغ محترم كده نعمل بيه اللى عايزينه بس بصراحة كانت عايزانى انا بالذات

احترم نفسى واحطهم فى البنك علشان انا بضيع فلوسى على الكلام الفارغ وعاملة زى اللى الفلوس بتقرصها ومش بتحب تخليها فى ايديها ساعة واحدة على بعضها

لكن على مين بعد خناق مرير فزت فيه قررت اغير عدة الموبيل واشترى اللى على مزاجى بئا ادلع نفسى

وكل واحدة من اخواتى اشتروا اللى نفسهم فيه غلطتنا احنا ولا اجرمنا

على راى المثل يبئا ((من ماله ولا يهنا له))

((واللى معاه قرش محيره يجيب حمام ويطيره))

وبس انا روحت قولت اخلع ضرسى طبعا فى الوقت ده وخلعته وكنت زى الفل يومين وفرحانة بالموبايل اللى عماله بتمنظر بيه على خلق ربنا وجت واحدة قريبتنا تزورنا طبعا الست دى مش هقول عنيها وحشة بس يعنى الغيرة عندها مووووووووووووت مووووووووووووووووت مش هننكر ده

من زمان تحب تشوف وتعرف احنا جايبين ايه ولا لماحة لماحة يعنى بس هى دخلت من هنا ولمحت الدهب الجديد اللى لبسينه ولمحت هدوم جديدة وخده عندكم اننا يدوب لسه من كام شهر مغيرين فى البيت كله

هى زى ما تقول الناس دى غنيت واللى ايه اللى حصل

قوم ايه انا بغبائى الموبايل رن روحت مطلعة الموبايل بشوف مين وهى عنيها على كل ده وطبعا مفيش نطق نظرات بس

وطبعا كان لازم نسمع شوية كلام من الظروف صعبة والعيال والدنيا بقيت زفت والحال بئا مايل والناس التانية عايشة

وربنا فاتح عليها من وسع وبتشترى دهب وتلبس وتغير فى موبايلات ((ويبختك ياابو بخيت))

قال المال مال ابونا ويجى الناس يحسدونا

وهى مشيت من هنا واخواتى كلهم عصرونى يعنى لازم تزودى النق والقر بالموبايل الجديد

على اساس ان يعنى انها متفرستش بكل ده ولا الحقد اشتغل جواه الا لما شافت الموبايل

ومش هقولكم ايه اللى حصل بعدها الحمد لله انا اللى العين كلها جت فيا انا الغلبانة

تانى يوم بالظبط ضرسى اللى خلعته لقيته ضرب وجاب الالوان وورم اااااااااااااااااااااااااااد كده بقى زى الكورة الصغيرة

وانا قولت شئ عادى طبيعى اكيد وكل ما اقول ياجماعة حاسه بالم غير عادى يقولى لالا دى طبيعى يومين وهيكون تمام

يومين لقيت الموضوع اتفاقم اكتر واكتر وبقيت مش بتكلم من الالم ولسانى تقريبا نصه زى ما يكون متبنج وبقيت بشاور

ولقيت الضرس حاجات غريبة بتحصل فيه وقولت مبدهاش لازم اروح للدكتور وبالفعل ورحت

اللى كان تقريبا هنروح فى خبر كان لولا ربنا ستر الضرس التهب وكان ممكن ياثر الالتهاب ده على الفك يعنى خلعت

ضرس واحد علشان يجر وراه نص فكى بالضرووووووس وانا لسه صغيرة وفى عز شبابى

فى اللحظة دى اتاكدت فعلا ان العين فلقت الحجر وانى لازم ولابد ابخر نفسى

صحيح صدق المثل اللى قال ((الاقارب عقارب)) ،((واللى مش ليه قاريب ملهوش عدوين))

((وابعدوا تبقوا عسل واقربوا تبقوا بصل))

بس اقول ايه اللى ((تجيب سيرتى تحتار نفس حيرتى))

لكن انا اللى استاهل مش بحرم وبقول دايما ان الحسد ده كلام فارغ ماله راى الست امى الست العاقلة الحكيمة

((قرشك فى جيبك ساتر عيبك وخيره عليك ))

اي نعم انا عارفة انها مش بتحسد اوىىىىى ساعات وساعات وعنيها مش وحشة للدرجة دى ومعنى ااننا جربنها كتير فى الامور دى ااننا نحرص منها فى كل موقف

بس نعمل ايه بئا كانت هتعرف هتعرف وكانت هتزعل ولو حد بيخبئ عنها اى حاجة جبنها دى لمحت الخاتم الجديد اللى فى ايد البت اختى

يعنى مش هتلمح ام الموبايل ياريته كان ولع بجاز علشان نرتاح منه

بس الغلط هنا ااننا لما بنجيب حاجة ونفرح بيها ونوريها للناس كلها كده علشان تفرح معانا ولا نكتم وسكتم بكتم على اى حاجة كده مادام الناس مش هنقول وحشين بس مش عندهم المقدرة على تمنى الخير لغيرهم

وفى الوقت ده نكون وحشين وزى الزفت علشان بنكتم على كل حاجة بنعملها فى بيتنا طيب الحاجات الصغيرة هنقدر نخفيها لكن اللبس اللى هنخرج بيه نفضل يعنى بالهدوم القديمة علشان عارفين ان فى عيون مستنية تشوفك هتلبسى ايه

ولا بلاش نشترى اى حاجة بتبرق علشان فى ناس هتقول الناس دى ربنا فتح عليها

واللى اداك يدينا ياسيـــــــــــــــــــــــــــــدى

الحمد لله

كنت بقول الاسبوع اللى فات عصيب لا بجد الاسبوع ده مشفتش زيه فى حياتى الحمدلله على كل شئ بس الظاهر اتحسدت فى البوست الاخير قولت انى خلعت ضرسى وبكتب البوست وجه تعليق بيقول بسم الله ماشاء الله خلعه ضرسك وبتكتبى كده ليه ليه كده ياجماعة دانا زى اختكم الموضوع اتطور والضرس التهب جدا وبئا حالته سيئة جدااااااااااااااااا ورحت النهاردة للدكتور علشان ينضفه والحمد لله لو كنت اتاخرت شوية كانت حصلت مصيبة لقدر الله كانت تقريبا هتحصل غرغرينة تحت الضرس نصيحة منى ليكم بجد والله اللى ضروسه فيها اى ازمة يروح يلحقها بسرعة عند دكتور محترم بيفهم مش زى الدكتورة الحمارة اللى بهدلت الضرس اللهى يارب تتبهدل نفس البهدلة اللى اتبهدلتها لانها كانت حمارة وعارفة ان الضرس مش بيتخلع وهوا ملتهب انما ايه بئا مستعفية ومش بيهمها ان شاء الله اموت انا بعد كده اعذورنى لو مش متابعة المدونات الفترة اللى جاية بس اطمن على موضوع ضرسى هيوصل لفين وربنا يستر بجد انا يومين مكنتش بتكلم بشاور بس والحمد لله على نعمة النطق والكلام واللى كان ممكن افقدها للابد

اسبوع عصيب على آيوشة

السلام عليكم ورحمة الله وبركاته
انا اولا بشكر كل الناس اللى علقت على البوست اللى فات وكل اللى حاولوا يرجعونى عن رايى بس والله انا معرفش بجد يمكن فقدت اهتمامى بالتدوين وان شاء الله هحاول ارجع بالتدريج باذن الله وكنت فعلا هنزل بوست النهاردة بس ظروفى لاتسمح انى اعمل البوست اللى كنت هحطه وهشرح الاسباب دلوقتى علشان فى ناس عارفة نفسها كويس اوى الله ينور فى الزن على الدماااااااااااااااااااغ (( سامعنى ياسيرجو)) علشان انزل اى بوست بس ظروفى بتعاكسنى

بعد ما اخدت قرار بالبعد عن التدوين علشان اريح نفسى شوية واعيد ترتييب امور حياتى وتفكيرى كنت عاملة مخطط كده لتنظيم حياتى وقولت لو نجحت فيه ولقيت نفسى اتحسنت ونفسيتى اتعدلت اكيد كنت هرجع للتدوين
بس للاسف كل المخطط فشل من اول يوم ولظروف خارجة عن ارداتى بجد منها الحاجات الصغيرة اللى مش مشكلة كبيرة زى اولاد اخواتى اللى هيجيبولولى سكتة قلبية ولا جلطة قريب من النرفزة والعصبية عليهم
كل يوم تقريبا عندنا ولو حبيت اقعد الكمبيوتر يتنططوا عايزين يسمعوا افلام الكارتون المفضلة ليه واللى مش مرة ونهدى لا اليوم كله عايزين يرقصوا ويغنوا وبما انى بحاول اتعدل واغير من نفسى قولت اكون حونينة شوية
مش معنى ذلك انى مفترية ولا حاجة لالا عيييييييييييييييييييييييييييب انا بس شرانية مع الاطفال حبتين وقولت اتعلم الحنية معاهم دول بردو اولاد اخواتى اى نعم عايزين رشاش وبيتفرغ فيهم بس بردو انا حونية ولازم اظهر الحنية دى (( ولا انتم ايه رايكم ))
وخلاص اولاد اخواتى سربناهم وقولت هنزل البوست جابوا الواد بوتا ابن الجيران بلعب معاه وبننطه كده لفوق هببببببببببب نزل على النضارة دشدشها خالص مالص وحسيت ان المية والنور قطع عنى ((هو مين اللى طفى النور
))
طبعا وبما ان النضارة دى عشرة عمر من سنين مقدرش اعيش منغيرها كان احساسى مروع دى اتنين من عنيا الاربعة راحوا ياجماعة يعنى ازمة ازمة والادهى ان النضارة لسه مكملتش اربع شهور أهئ أهئ أهئ

وطبعا انا مش هقولكم انى مش بشوف من غيرها علشان كده عنيا بتتعبنى بسرعة من الكمبيوتر او التليفزيون علشان كده بقعد قليل مش خوف على عنيا لا بس علشان كل ما اقعد واحس بالعمى بحزن على حبيبة الروح والفؤاد والتؤام الروحى
نضارتى الحبيبة ومش مهم اشوف فى اى وقت تانى لانى بشوف اشباح من غير نضارة والحمد لله

ورحت اصلحها قالى تعالى بكرة خديها وطبعا كان نفسى يعملها فى نفس الوقت بس مش هينفع وقولت يلا احاول اعيش الكام ساعة دول زى اى كائن بشرى طبيعى من غير نظارة
ملحوظة على جنب كده انا عارفة مين اللى حسد النضارة وربنا يسامحه بئا وهوا كان المفروض يتكفل بتغيرها

ومن يومين حسيت بالم فى اسنانى وبما انى بكره دكاترة الاسنان مووووووووووووت انا مهملة فى اسنانى ومش بفكر فى اى اروح لدكتور الاسنان الا لما اجيب اخرى فى الالم من ضروسى وقررت اروح احشى ضرسى وبما ان الدكتور اللى بتابع معاه مواعيد زبالة ويمكن افضل عنده للساعة 12 بالليل قررت اغيره للدكتورة تانية معادها يكون مناسب وياااااااااااااااااااااريتنى ما سمعت كلام عيال خالتى ورحت للدكتورة المفترية هى مش قلة وازعة بس جبارة جباااااااااااااااااااااااااااارة

اول ما شافت الضرس قالت حشو ايه ياقمر ده يتخلع على طول
خلع نعم نعم نعم ادى اللى كان ناقص انا مش لعبه خلاص
خلع يعنى حقنة بنج وخلع وضرس والم ودم وقرف بئا قولتلها لا يفتح الله
وخصوصا انى كنت قرفانة من ام العيادة الزبالة بتاعتها اللى مفيهاش صريخ ابن يومين
لو قتلت حد فيها مفيش جنس مخلوق يعرف
لكن ااقول ايه فى عيال خالتى والدكتورة الحيزبونة اللى عملوا عليا رباطية وكان الحل الخلع لان الموضوع متفاقم على الاخر واللثة ابتدت تتاثر من الضرس المسوس
وتم خلع الضرس الست ركبت فوقى وبعزم قوتها وبما انى قليلة وسهيفة كده قدرت بنت اللذينة تكتفنى وتخلع الضرس
ووخد عندك الدم اللى فضل ينزل وقالتلى ده شئ طبيعى وشوية وهيقف
وروحت البيت ساعة ,اتنين , تلاتة يعدوا والدم شغال زى ما هو من الضرس حسيت انى اتصفيت خالص رجعتلها تانى قالتلى السبب الانيمياا والضعف العام اللى عندك الدم مش عايز يقف وكان الحل تكتبلى حقن فتامينات بجانب المضاد الحيوى والمسكنات يعنى مش كفاية خسارة ضرس من ضروسى الغالية لا كمان اخد حقن أهئ أهئ أهئ

بس على مين رفضت اخد الحقن وقولت ان شاء الله اتصفى خالص بس مش هاخد الحقنة والحمد لله الالم راح والدم اتوقف بعد 6 ساعات كده تقريبا لكن كنت خلاص جبت اخرى وانا دلوقتى بناااااااااااااااااام على الكبيورد وحاسه انى فى قمة الارهاق والتعب والاسى على الضرس اللى راح واللى مضطرة اركب واحد غيره
ومعاناه تانى عند دكاترة الزفتتتتتتتتتتتتتت الاسنان
بالاضافة لموضوع الانيميا اللى لازم يتشاف فيها حل يعنى هيعملولى عمرة ان شاء الله
نظر واسنان وانيميا وعلى راى حسن حسنى فى عفروتو وفى اول عشرة هجيلى الروماتيزم
انا قولت انزل اى حاجة علشان انا وعدت انى هنزل بوست النهاردة ومعلش بكرة ان شاء الله اكون عرفت اجمع صحتى كده احط البوست الجديد ومعلش اعذورنى انى مش تابعت التعليقات فى البوست اللى فات اختكم عندها اسبوع كوارث التمسوا لى العذر ان شاء الله اكون احسن وارجع اتابع كل المدونات زى االاول

خلص الكلام وبقى الالام

يتغير الزمان يتغير المكان
تتغير الفصول يتغير الانسان
يتغير الميعاد يتغير الجماد
الا البدايه والنهايه والحقيقه والميلاد
بتخلص الحاجات وبتولد حاجات
جوايه يا حبيبتى بيصرخ السكات
ويدوب ليلك فى ليلى ويرتعش قنديلى
ولما انده عليكى واعوزك ما التقيش
يتغير الزمان يتغير المكان
تتغير الفصول يتغير الانسان
يتغير الميعاد يتغير الجماد
الا البدايه والنهايه والحقيقه والميلاد
دوامت الالام بتدور مع الايام
الفرح والدموع الوهم والاحلام
فى عنيكى الطيبين يا حبيبتى مزروعين
ولما انده عليكى عنيكى مروحين
يتغير الزمان يتغير المكان
تتغير الفصول يتغير الانسان
يتغير اليعاد يتغير الجماد
الا البدايه والنهايه والحقيقه والميلاد

دى كلمات اغنية لمحمد منير





كان نفسى الاقى فى التدوين البر اللى ارتاح عليه من تعب الحياة
انا عايشة حياة متناقضة فى التدوين انا شئ وفى الحقيقى شئ تانى
كتير بتمنى افضل انا الانسانة اللى بتظهر فى التدوين طول الوقت لكن مش بقدر
الحقيقة انا مش شايفة اى فايدة من كلامى اللى هكتبه انه ممكن يساعدنى او يساعد غيرى
انا فى البيت محدش يعرف انى بكتب وحتى لو فكرت اكتب اى شئ عمرى ما بطلب اسمع رايهم فى اللى بحس بيه
مش لانى مش قريبة منهم بالعكس ويمكن ده السبب قربهم منى عرفوا شخصيتى الحقيقة
شايفين انى بحلم كتير اوى واحلام فوق الخيال من نظرهم وشايفين انى بعلق نفسى وفى الاخر بفشل
لو فى نقاش انا عيلة وارائى مستفزة وهايفة فى كل وقت
بيطلبوا منى فى كل لحظة ابطل احلم واعيش شوية فى الواقع
واجى ادخل المدونة او اتكلم مع اصدقائى دايما بيحاولوا يرفعوا معنوياتى
وبيشفوا فيا حاجات انا مش شيفاها فى نفسى ولا عمرى هشوفها
بس دول مش عاشوا معايا ولا شافونى فى الواقع انا ايه
انا زى باقى البشر كانت كلمات المدح والتشجيع بتتدينى ثقة

لكن بصراحة دلوقتى بحس فيها انى منافقة لما بسمعها لانى واثقة انى مش كده
مش انا الانسانة المرحة ولا القوية واللى ساعات بتكون حساسة فى بعض الاوقات

انا مش عايزة اعلق نفسى فى اوهام اكتر واكتر احاول اضحك وانا مش عايزة
ابكى وانا بردو مش عايزة تقريبا كل حاجة فى حياتى انا مقررتش ولا كان ليا دخل فيها
التدوين كان الحاجة الوحيدة فى حياتى الفارغة ليا القرار فيها
لكن حتى دى بقيت مش قادرة انا مش عارفة اكتب اى حاجة
ومهما حاولت اعبر مش عارفة جوايا كلمات كتيييييير بس مش عايزة تخرج
احساسى دلوقتى نفس احساسى بعد ما فقدت موهبة الرسم
اللى كنت واهمة نفسى فيها انى بعرف ارسم والناس حواليا شايفة فيا ده
لدرجة ايام الجامعة كانوا اصحابى بيدنهوا عليا يافنانة
انا عارفة انى مكنتش اوى فى موضوع الرسم ده بس كنت مرتاحة فيه حاجة بحبها وشغلة كل وقتى
ومبسوطة لما اشوف اعجاب الناس باللى بعمله مش لانى عايزة حد يمدح
لا لانى بحب اشوف نظرات السعادة الفرح فى عنيهم
وفجأة كل ده راح وعرفت انى مكنتش موهوبة وان كل ده كان وهم
وانى فضلت معلقة نفسى سنين فى حاجة انا مش متقناها
ولو حاولت دلوقتى انى اعمل اى حاجة او ارسم ممكن افضل ايام علشان اعمل حاجة ومش بعرف
فى اللحظة دى كل حاجة جوايا بتتكسر بحس ان عقلى مشلول وعايز يصرخ مش عارف
وتقريبا نفس الكلام بيتكرر دلوقتى مع التدوين
حبيت انى اعبر عن نفسى واتكلم وفجأة لقيت كل حاجة بتهرب منى
انا مش عايزة اعيش تجربة الفشل تانى كفاية الفشل اللى عشته فى حياتى
مش عايزة يجى عليا يوم احاول انطق وصوتى يتكتم وانا من جوه بتقطع ومش عارفة اساعد نفسى
عارفة انى كلامى مش مرتب انا سبق وقلت ان الكلام بيهرب منى دلوقتى
معلش سمحونى انا مش عايزة اعيش الفشل فى كل لحظة وانا شايفة الناس من حواليا بتحقق احلامها
وانا كل حلم بينتهى بفشل اكبر من اللى قبله


سيرجو اخويا اللى لقيته بعد طول غياب واللى دايم بتسمعنى وتتحمل تخاريفى على عمال على بطال وكلامى السخيف واكتئابى المتكرر الف سلامة عليك ربنا يشفيك ويعافيك يارب


دكتورة ستيتة الف شكر لحضرتك على البوست الجميل وانا باحترم حضرتك وبعزك جداااااااا جداااااااااا
انتى بجد واللى مثل اعلى ليا وكان نفسى اتعلم منك


حروف اختى الصغيرة اللى حسستنى النهاردة انها اعقل منى بكتير وفهمتنى من قبل ما اتكلم ربنا يخليكى يارب


امى وام كل المدونين صاحبة مدونة الفراغ ربنا يكرمك دايما انا ليا الشرف انى اسمع الكلام ده من حضرتك حضرتك فى مقام اعز انسانة فى دنيا لقلبى والله زى ماما بالظبط


غربتى اللى مش ناسيانى وكل شوية تتدخل تنكشنى ربنا يخليكى يارب


وكل الناس اللى علقت فى البوستات القديمة علشان اقرا تعليقاتهم

ده السبب انى عايزة ابعد مش بمزاجى انا معنديش اى حاجة ااقدمها فى عالم التدوين
ولا فى الحقيقة لاى انسان

حرية لا تغتفر

حريــــــة لا تغتـفــــــــــــــــــــــــر
لا يقبلهـــــــــا عقــــل البشـــــــــــر
حرية لابد ان تكتب فى صفحات القدر



الموت ممكن يكون بداية لحياة جديدة جايز تكون سعيدة او تتحول لحياة اشقى من حياتنا الاولى اللى قررنا نتتحر منها علشان نخلص من كل بؤس وشقاءعايشينه عارفة ان الانتحار مش حل وانه مخاطرة مش هينفع فيها التراجع بس انا عايز ارتاح
ده اخر بوست هكتبه وبعديها هيكون القرار الاخير من غير نقاش قرارى نهائى مش قابل لاى نوع من التراجع
قرار الانتحار مش هيكون مادى هيكون الانتحار معنوى وده اصعب انك تعيش فى الدنيا من غير روح
انتحارى هيكون باعتزالى كل حاجة حواليا واولها التدوين
القرار ده مش بمزاجى انا مهما حاولت اعبر او ااقول لكن بفشل دايما
زى كل الاحلام والامال اللى قررت انى اخنقها جوايا
هقتل كل اللى فاضل فى روحى
كفاية اوهام واحلام خيالية عارفة ان عمرها ما هتتحقق
الصدمة جاية جاية وزى راى اغلب اللى يعرفونى
انى لازم اعيش الواقع شوية وابطل احلم اكبر من طموحاتى وامكانياتى

قدر الله وماشاء فعل

السلام عليكم ورحمة الله وبركاته
للاسف وانا بلعب النهاردة فى المدونات مش عارفة عملت ايه مدونة احساس ايوشة باظ فيها حاجة ومش عايزة تفتح عندى ومش عارفة السبب وانا كنت بحاول اجمع المدونتين على بعض يعنى بدل التشتيت فى المدونات
وللاسف مش عارفة ايه اللى حصل فيها خلها قفلت ومش بتفتح حتى انا مش بعرف اشوف البوستات اللى فيها
اللى عرفت اعمله دلوقتى انى جمعت المواضيع القديمة فى مدونة جديدة لانى كنت منزلة نسخة للمدونة عندى على الجهاز
وكنت ناوية اكل فيها واكتب المواضيع على بعض بسمعرفش هى التانية ايه اللى حاصل فيها لقيتها شكلها غريب والتعليقات بقيت فوق بدل تحت وحاجة تنرفز بجد
انا اسفة ياجماعة انا بجد زعلانة على التعليقات وتعب الناس اللى دخلوا وعلقوا فى المدونة
مش هقدر اقول غير قدر الله وما شاء فعل ودى تعلمنى انى مش هعمل مدونتين تانى ابداااااااااااااااااااا

دينى ودينك

السلام عليكم ورحمة الله وبركاته


اولا اشكر كل اللى جاوب على الاستفتاء واللى كان منتظر جايزة وهدية وانه يطلع الاول فى الاجابات يستعوض ربنا اجبلكم منين انا انا قولت اتنين تلاتة هيرودوا وهنعرف نتصرف معاهم لكن كل ده اجبلهم جوايز منين


الف شكر بجد ومعلش على التاخير فى الرد وعلى فكرة البوست تقريبا كان متراقب وكل واحد رد فى البوست اللى فات يستخبئ فترة لغاية ما الجو يهدى والامور تستتطب


طبعا التساؤلات بتقول ايه لزوم الاستفتاء ده مش عارفة مرة واحدة طقت فى دماغى اعمله بسبب موقف مر عليا او نقول مواقف كتيرة وكنت عايزة اتكلم من زمان عن الموضوع ده بس كنت باجل كل فترة وحبيت اعرف راى الناس كلها بتفكر ازاى


خلال الفترة القليلة من تواجدى على النت اتصدمت بواقع مختلف عن الواقع اللى انا عايشه فى حياتى العادية تعاملاتى محدودة جدا جدا


كنت بشوف كل موضوع او قضية فى الحياة من جانب واحد بس الجانب اللى انا مقتنعة بيه وبمؤمنة بيه


لكن لما دخلت عالم النت اتصدمت من اختلاف الاراء وتباينها بشكل كبير عالم مليان بالمتناقضات كلها وبالعجايب فى بعض الاحيان


تلاقى الانسان المنحرف فكر وعقيدة والانسان الوسط والانسان الملتزم والانسان المتشدد


تلاقى مختلف الاديان مسلم مسيحى يهودى وغيره وغيره وتلاقى الملحد اللى مش بيمؤمن باى حاجة خالص


وكل انسان بيحاول يثبت وجهة نظره بالمناقشة بالحوار والنزاع والصراع ويتطور للسب والقذف والذم وكل الاشكال الغير لائقة بالمرة


جايز فى الحقيقة مش بتتصدم بكل الاراء دى علشان انت عايش فى الدايرة اللى عملتها حوالين نفسك ومش بتحاول تشوف غيرك اللى موجود بره الديرة دى ولا بتحاول تتعرف على اراء الاخرين ومعتقداتهم



انا شفت كتير على النت ده شفت المسلم والمسيحى واليهودى وكمان الملحد وتناقشت مع البعض منهم مجرد فضول عندى انى اشوف غيرى بيفكر ازاى وعلى الرغم من النقاشات دى انا استمريت متمسكة بمبادئ وقيمى اكتر واكتر بالعكس كنت كل مرة بتعلق اكتر بدينى اكتر واكتر


الحوارات كلها اغلبها كانت هادية ومش متعصبة ولا فيها محاولات لفرض الراى ولا حاجة


غير ان فى بعض المحاولات كانت هيجيلى شلل من الناس زى فترة الحرب على غزة لما كنا بناقش مجموعة ناس من الغرب وقبلت واحدة انما ايه بنت ستين تيييييييييييييييت بجد والله كانت يهودية تقريبا لان كل كلامها كان بيدافع عن الصهاينة وتحاول تفهم فيها اننا مش ضدد اليهود بشكل عام احنا ضدد افعال الصهاينة واى عنف من اى جنس بنرفض ودى مخ اللى جابوها جزمة قديمة ومعفنة كمان


تلف تلف وتقولك الاسلام والارهاب بت الصرمة دى مكنتش بتفهم ابدا ان النقاش سياسى مش نقاش فى الاديان خالص واخر ما اتخنقت منها


نفضتلها علشان الدماغ الجزمة عمرها ما تتعدل ابدا


مش عارفة يااختى الناس دى عندها انتيكاريا من حاجة اسمها الاسلام والمسلمين لييييييييييه وليه الحقد الدفين المتغلغل فى الواعى ولا واعى عندهم ده ضد الاسلام والمسلمين والافكار الخاطئة عنه


بجد قرفت قرفت قرفت لاخر القرف من اللى شفته واتصدت بيه على النت تلاقى اشكال والوان وكلهم فى صراع فكرى وكل واحد عايز يفرض فكره على الاخر حتى باى طريقة وباى شكل كان


تلاقى مدونات ومواقع اسلامية ومدونات ومواقع مسيحية واديان اخرى وتلاقى مدونات ومواقع للملحدين


وكنت مستغربة جدا من كمية الحقد والغل اللى كل طرف من الاطراف دى بتوجه لتانى مسلمين متشددين بيحاورا مسيحيين متشددين بردو


وتلاقى قصص الدخول فى الاسلام وقصص التنصير وغيره وغيره وكل واحد عايز يكسب الجولة فى صالحه


من كام يوم قريت خبر عجيب اوى كان فى فيلم لالهام شاهين المفروض انها طلعه فيه مسيحية الناس اعترضت على الفيلم ومن اشكال الاعتراض ده فى مدونة شخص مسيحى كان ناوى يعمل فيلم مسئ للاسلام طبعا انا استعجبت يعنى شوية ممثلين وبيناقشوا قضايا المجتمع ايه دخل الصراع بين الاديان فيه وايه دخل الفتنة اللى عايز يعملها الاخ الغير مدرك ده للى هيعمله


ولو فيلم مثلا بيتكلم عن الاسلام بشكل مسئ وماله عادى يعنى يتعرض وياخد حقه وده حرية شخصية فى التعبير ومعالجة قضايا خطيرة فى المجتمع ده فن راقى ومش لازم نعمل رقابة على الفن امال بلاش تخلف ياجماعة


بعدين تلاقى دعوة حقوق الاقليات وانهم مظلومين وان فى فتنة وانهم فى اضطهاد فى كل مكان وهو الاضطهاد ده للاخوة المسيحيين بس


ما الاضطهاد على كل المصريين محروق دم اللى جابهوهم كلهم واحد واحد ومش عارفين يتنفسوا


وقريت مقال فى النيويوك تايمز الامريكية الله يحظها ههههههههه بتتكلم عن الفتنة فى مصر وان مصر دولة سلطوية ووحشة وكخة اوى مش بتعامل الاقليات بما يجب ان تعامل


كل ده مش بقصد بيه اى حاجة ولا انى بقول ان الاخوة المسيحيين مش ليهم حق لا طبعا بس اللى عايزه ااقوله ليه دايما نثير موضوع الاضطهاد ده ونتكلم عن الحقوق المهضومة اللى مش واخدنها وبالعكس بئا لو كل انسان فكر شوية هيلاقى ان التعايش فى مصر بين كل الاديان حاجة عجيبة بجد عمرك ما تلاقيه فى مكان تانى حتى فى بلاد الغرب نفسها اللى بتتكلم عن الديمقراطية وغيره وغيره يعنى هنقول مفيش وحدة وطنية بحق وحقيقى فعلا بس فيه تعايش زى ما اغلب الناس قالت التعايش ده اللى بيخليك فى كل مناسبة وكل عيد تفتكر صاحبك وجارك اللى من ديانة تانية
التعايش اللى بيخليك بتتناقش معاها ساعات فى بعض المعتقدات لكل واحد فيهم
التعايش اللى بيخليك فى بعض الاحيان بتنطق كلمات موجودة موجودة فى ديانة التانى من كتير التعايش مع بعضنا
افتكر انى فى اعدادى كان عندى موضوع تعبير عن التسامح تقريبا وكتبت جملة من اقول المسيح
بتقول تقريبا (( اذا ضربك احد على خدك الايمن ادر له خدك الايسر))
والاستاذ استعجب انا عرفتها منين الجملة دى
التعايش اللى خلانى لما بكون بقرا كتاب دينى ولاقى البت صاحبتى بتسالنى اسم الكتاب ده ايه
وبيتكلم فى ايه واقولها وتسمعنى وساعات تسالنى كمان بتكلم عن ايه
التعايش اللى فكرنى بموقف صاحبة اختى المسيحية اللى لما زعلت ما جوزها جت عندنا مرحتش بيت اهلها
وفضلت يومين عندنا لغاية ما الموضوع اتحل ورجعت من غير ما اهلها يعرفوا ان كان فى شكلة اصلا
التعايش اللى خلا البت شريهان صاحبتى تحب اللغة العربية وتحفظ ايات القران احسن مننا

دافع عن دينك زى ما انت عايز بس من غير ما تجرح فى اديان غيرك


اما الملحدين بئا اللى مدوناتهم منتشرة بالعبيط من غير ظابط ولا رابط كل اللى عايز يعبع بكلمتين زنقينه يعمل مدونة ويطرش الكلمتين اللى فى زوره الملحد ده شخص مش بيمؤمن لما بالاديان لما شخص ملحد كليا ومش بيمؤمن بوجود اله اصلا اصلا


وسواء ده او ده تلاقيهم بيوجه نقد للاسلام اشمعنى معرفش مفيش واحد فيهم مش بينتقد الاسلام عمرى ما دخلت مدونة ملحد ولاقيه مثلا بينتقد المسيحية ولا اليهودية لا الاسلام بس


طيب انت ملحد ومش عايز تؤمن باى دين مش ليك الحق تجرح فى اديان الاخرين مش عايز تؤمن انت حر حد غصبك على كده لكن ليه تثير شكوك حوالين ديانة ناس مؤمنة بيها وعايزنا ناخد كل كلامك امر مسلم بيه انت الصح يعنى عن دول خلق الله


وكل ده بدعوة غريبة منها محاربة التخلف والجهل والتقدم والكلام الفارغ المعفن ده شبعنا منه

ومن خلال تجربة نقاش ليا مع شخص مش هقول ملحد الله اعلم بيه بس فى تخبط ومش ثابت على حل

واللى كان بيسميها فترة الوصول للحقيقة

ان الملحد ده شخص متخبط جدا ومش متزن بيحاول يدور على الامان ومش بيلاقيه

بيبرر جحوده وانكاره باى شكل من الاشكال بيحاول يجر الناس ليه علشان يكونوا معاه

مش يفضل لواحده فى الاحساس بعدم الامان ده

الدين بيمثل لينا احساس الامان هو ده احساس الدين فى حياة كل انسان

من غيره مش هيقدر يعيش عمركم شفتوا انسان فى وسط موج عاصف

وامواج بتتضرب يمين وشمال وبرد قارس وهو فى وسط ده كله وحيد هيقدر يعيش

ممكن يمر ساعة اتنين تلاتة اربعة يوم بالكتير اوى بس فى الاخر هيموت

وممكن مش بسبب كل الحاجات اللى حواليه بتخبط فيه

لا بسبب احساس الخوف جواه من الموت فى كل اللحظة وانه بيصارعه فى كل ثانية

الانسان من غير دين يحميه يحس معاه بالحياة والامان هو انسان ميت