أنا
والشاي
وسيجارة
ونص الليل
شوق لصوت ناي
شوق لصيد بصنارة
شوق لحلم جميل
انا شفت ازاي
للحب امارة
بيخلي الليل طويل
بحلم ببكرة اللي جاي
بكرة يزيد حرارة
بكرة اشيل الحب علي ايدي شيل
بكرة يمكن حد يسمع غناي
أنا
والشاي
وسيجارة
ونص الليل
النص الاولاني راح معاها
كان نفسي تفضل معايا
كان نفسي افضل معاها
بس لسه وحش صوت غنايا
لسه صوتي ناقصه حاجة
ناقصه حب
ناقصه جديد
لسه صوتي في الحب مش عارف يقول ولا حاجة
ولسه نص الليل من غيرها
لسه بشرب الشاي من غيرها
كان نفسي يكون في صوتي حاجة تشغل تفكيرها
كان نفسي يكون في صوتي حاجةيكون معاها في مشاويرها
هي عارفة يعني ايه نص الليل من غيرها
يعني قاعد ابحلق في تصاويرها
مجنون بكلم نفسي واسامرها
أنا
والشاي
وسيجارة
ونص والليل ومن غيرها
7 التعليقات:
تسلم ايدك بس ممكن بدل نص الليل نخليها 4 الفجر الجو بيبقى تحفه وانت واقف على الكورنيش ونفسك تصتاد سمك ومعاك الشاى والسجاره بس مفيش كبريت
كلامك جميل بجد وودايما الانسان محتاج للحب
بس عارف وصفك للوقت حلو اوي
تحياتي لك
الكلام جميل
انا بس ضد السيجاره
لانى ضد التدخين
غير كدا بيفضل نص الليل فعلا موعد الشجون
هي عارفة يعني ايه نص الليل من غيرها
يعني قاعد ابحلق في تصاويرها
مجنون بكلم نفسي واسامرها
دائما تبهرني يا حسام
والصورة كانت خادمة الموضوع بحرفية
برافوا حسام
حلوه يا أ.حسام
لا يعيبها إلا "السيجاره"
فيما عدا ذلك
سلم قلمك المبدع
اشعارك وكلماتك رائعه كالعاده
حسستنى بجوف الليل والواحد فعلا من التفكير مش عارف يعمل ايه
يا رايق انت يا رايق
إرسال تعليق