حركة لاء

الاب الروحى لحركة لاء

شعار الحركة على ماتفرج ونصمم شعار محترم

مش انا جيتلى فى الحلم امبارح
واتخانقت معايا....
والنعمة حصل
وايه كمان؟
اتخانقت معايا على حاجة هايفة
قال ايه اتخاقت انا وانا على قيادة الحركة
ايوه حركة لاء
انا عارف ان لسه محدش سمع عنها
بس هانت الحركة بتنتشر وتتوغل وهتغطى مصر
زى السحابة السودة او زى شبكة فودافون بالظبط
المهم احكيلكوا الحكاية م الاول عشان نبقى على نور مع بعض
ايوه عشان محدش يجى وقت الجد ويخلع
مش معيلة هى يعنى
بصو بقى
قال خير اللهم اجعله خير
انا كنت قاعد لوحدى كده فوق السطوح
وانا عمال يرخم على شوية ارش على ميه
وشوية اكل السندوتشات منى
المهم
انا وانا واحنا بنتخانق
شفنا بالون كده فى الهوا(من بتوع الافلام الاجنبية)
ونزل ع السطوح
والاقى ايه بقى
الاقى جمال مبارك وابوتريكة خارجين منه
ولابسين اخضر ف احمر
وجم طبطبوا على وادونى تيشرت ابيض وقالولى انزل العب
ونافسنا بشرف
وقول لاء
وسابونا(انا وانا)
وطاروا تانى
فانا وانا طبعا فكرنا نعمل حركة ونسميها حركة لاء
(فكرة الحركة انا اللى فكرتها وانا اللى سميتها)
اظن سبب الخناقة وضح
المهم
بعد ما اسسنا الحركة وسميناها قلنا ندور على اب روحى للحركة
ووقع الاختيار على الاعلامى المجتهد
سيد ابو حفيظة
ومحدش يقوللى انت كده تعديت الملكية الفكرية ولا حاجة
ابو حفيظة ده ملكية عامة
وحق لكل مواطن
زى حق التعليم الجانى بالظبط
محدش عارف اذا كان موجود ولا لاء(يخربيتك ....انت هتشكك فى الاب الروحى من اولها؟)
وتوقعوا ياجماعة فى اى لحظة اننا نوزع عليكوا استمارات الانضمام للحركة فى اى وقت
ومتتخضوش الحكة دى بمباركة جمال(فى الحلم)
وعشان اثبتلكوا حسن نيتى انا هجيبلكم كل حلقات الاب الروحى للحركة بتاعتنا
خدوا يلللا
بس اللى كاتب البوست ده مين؟
انا؟ولا انا؟
يووووووووووووووه
هنرجع نتخانق تانى
ماتسكت يانى شوية بقى خلينى ارتاح منى
http://myegy.com/arabic-movies/t6389/%D9%86%D8%B4%D8%B1%D8%A9-%D8%A3%D8%AE%D8%A8%D8%A7%D8%B1-%D8%A7%D9%84%D8%AE%D8%A7%D9%85%D8%B3%D8%A9-%D9%88%D8%A7%D9%84%D8%B9%D8%B4%D8%B1%D9%88%D9%86.html
اللى فوق ده الموسم التول من نشرة الاب الروحى للحركة
اللى تحت ده فيه 22حلقة من الموسم التانى
http://myegy.com/counter.php?id=7416

بكرهكم كلكم

الواد احمد وابن عمه محمد جيراننا
بيقلدوا المصارعة اللى بيتفرجوا عليها
فراح محمد جايب احمدddtراح مكسرله سنانه
ياعينى الواد عنده عشر سنين وسنانه وقعت
كل واحد يخل باله من سنانه
ومحدش يقول ان العيال الصغيرة هما لوحدهم اللى بيتاثروا باللى بيشوفوه او بيقروه او بيسمعوه
انا لسه جاى دللوقتى من دراسة تحليلية عملها واحد من اخوانا عن فلسفة شوبنهور
وكانت الدراسة بالتحديد بتدور حوالين كتاب شوبنهور-العالم كارادة وفكر-
انا كنت من زمان اصلا بطلت قراية للراجل ده بس شوفت الراسة كده قدامى مقدرتش اقاوم نفسى
ودخلت وذهلت
الراجل اللى بيحلل عمال يعيب فى شوبنهور وفى طريقة تفكيره وف اخر المقالة اتحول لنسخة من شوبنهور واتشائم تشاؤم خلانى انا كمان اتشائم وبقى عندى كمية كره فظيييييييييييعة لكل اللى حواليا
ودللوقتى كمان انا اصلا كرهتكم وهغير عنوان التوبيك ده وهاخد خط ف الاخر واكتب تحته اللى هتشوفوه ده
----------------------------
بكرهكم كلكم

اه اشمعنه الراجل ده يتشائم ويكره وانا لأ
شوفتوا ازاى ان احنا مهما كبرنا بنتاثر برضه بالفكار والاراء حتى السىء منها
دى طبيعة بشرية بس الطفل الصغير اصلا بيبقى البيض فبيخرج الطبيعة دى واضحة من غير ستاسر وحواجز
الواد جاب ابن عمه ddtطب وايه يعنى مش بيفرغ الطاقى اللى عنده ياجماعة...........
انت نفسك مبيجيش عليك اوقات وبتقول اوديك فين ياصحة وتدور تلطش ف اللى حواليك؟
محدش يقول لأ............
انا شفتها بعينى
الواد هلال قايم رايح الشغل ع الصبح وكان عنده شوية عافية زيادة راح مدور الضرب فى كل الى واقفين معاه مش احسن مايطلع الطاقة اللى عنده دى ف حاجة وحشة والواد لسه شاب وطرق الانحراف مفتوحة ع الاخر قدامه.........
ربنا معاك ياهلال والله........
ومع اللى زيك من الشباب العفى المفترى وهى دى مصر ياجماعة
وانا برضه عملت الواجب وحبيت اعمل الواجب ورحت ناديت الامن والمدير العام والمسكين خد وقف3ايام عن العمل..............
يللا بقى يبقى يخلى صحته تنفعه.........
قال اوديك فين ياصحة صحيح.........
دا ايه الهبل ده
ناس فاضية والله
التوبيك فتح منى وراح فى محتت تانية خالص
بس متزهقوش راجعين تانى اهون
انا شايف ياجماعة ان الواد احمد دهون والواد هلال هما الطبيعة اللى مش متزوقة للبنى ادم
بس مع شوية عقل وشوية قوانين وتمدن وقيم حضارية وشوية قيود وقوانين بقينا بنعمل حساب لبعض ومش بنفترى على بعض زى الاول..........
ياخسارة ياجماعة جربوا الافترى دى حاجة حلوة ومش هتندموا صدقونى......
خدوها كده ببساطة وعيشوا اللحظة
اول ماتصحى من النوم وتلاقى اخوك لسه نايم جنبك تروح رافصة كده رافة تلزقة فى الحيطة
ايه يعنى مانت تلاقى عندك سبع تمن اخوات غيره مش مشكلة واحد
اول ماتنزل من العمارة روح رازع البواب قلم معتبر من بتوع زمان لحاد ماوشه يورم وعبقرية البواب بقى انه يرد عليك ببونية صعيدى تفركش وشك
هى دى الحياة اللى متخليش الواحد يمل ويزهق يا جماعة صدقونى بقى متقرفونيش معاكوا انا مش ناقصكوا والله العظيم اعصركوا انزل منكم اعضاء احداث.....الله ..فيه ايه؟.ززماتسمعوا الكلام بقى عايز اشوفكوا كده فى الشارع مقطعين بعض مينفعش الملل اللى احنا بنعيشه ده
ادينى خلصت ومستنى النتيجة
عايز تغييييييييييييييييييييييييييييييييييير سامعين بس ادينى بلغتكم وانا مش مسئول بقى عن اى واحد يقعد ساكت
اتحركووووووووووووووووووووووووووووووووووووووووووووو ووا
اه نسيت اقولكم
---------------------
بحبكم كلكم

المال والسلطة ومباركة السلفيين(1)

تمخضت احلك فترة فى تاريخ المحروسة فولدت هذه الصيغة الجديدة العجيبة التى لا تدعو الا الى الاشمئزاز والاستنكار معا.فتحت غطاء الفرعون الكاتم لانفاس الملايين المدجج بسلطات الالهة ووثنية وغباء الجاهلية تاتى مثل هذه الصيغ.يفرغ الدين من محتواه.وتبقى وظيفة امام المسجد هى الدعاء للحاكم.وتبقى رسالة الدعاة هى الحض على اطاعة الحاكم باعتباره الخليفة المنصب والقائم على رعاية الناس وقضاء حوائجهم.ويحرم دخول اى منظمة ذات خلفية اسلامية معتدلة الى مضمار السياسة ويلصق بها لقب المحظورة واشياء اخرى.
ما فائدة الدين اذا؟
اقناع العامة باطاعة حاكم ظالم؟
تثبيط الهمم وتجميد الافكار داخل العقول؟
اهكذا صارت مساعى الدين ورجاله؟
على مدى الحقب والازمان عانت كل المجتمعات من ويلات الزواج بين السلطة والمال ,ماذا عن هذا الزواج الثلاثى الجديد وماهو ياترى مردوده؟
اى شىء يجبر هؤلاء الدعاة على ترويج فكرة اطاعة الحاكم مهما بلغت مساوئه؟
اى شىء؟
ربما لم تطل علينا كافة لعنات هذا الزواج
لكن اتت بعضها واتت مرة مشوهة قاسية الطباع
فى انتظار المزيد من اللعنات...........

اصنام
1 ربيع صريع الحر والخماسين
جيت ياربيع متاخر
جيت والعيون ناعسين
جيت والانوف بتشخر
وم النسيم يائسين
لة كنت بس تبدر...
ما كنا قلنا..
ياربيع أسفين
دى جريمة تحت النظر
تحت العيون والسمع
حلمى اللى ياما انتظر..
يبقى مصيره القمع
يبقى حبيس جوه حبيس
جوه بلاد من شمع
تماثيل وشوشها غضب
وارض طافحة صهد
يازرع يامغتصب
ياخضر برىء فى المهد
كان قوللى ذنبك ايه؟
كنت ف يوم جنبك
عيل بمصمص قصب
واجمع عشانها الورد
يبقى مصيرى كده؟!!!
ابقى حيالله حطب؟!!!
انده واصرخ بتحرق
اصحوا بقى
كفاياكوا موت
مستنى رد.........
تماثيل وشوشها من غضب
تمثال يكرر فى الخطب
تمثال يقول هتعيشوا....
وعد.........
2
اصنام تفرق م السكوت ع الناس
يتحولوا اموات
ويهللوا.........
تحيا ياعصر المعجزات
اصنام تطلع للنبى لسانها
وينصبوا منهم اله
فاكرين وجودهم ف الحقيقة وجود
فاكرين خلودهم ف الحقيقة خلود
مش محنة زايلة او قطر ماشى
هييجى وقت ونقول ده فات