انا كنت تايه قبل منك وانتى عنوانـى
كملتى فيا حاجات كتير يا حبيبتى نقصانى
حبيت معاكى الدنيا والناس والحيـاه
نسانــى قلبــك كـل جـرح وكـل اه
الحياه وانا جمب منك ليها لون تانـى
************
قبل اما اشوفك كنت عايش بس كنت ازاى
لا حاجة فارقة ملى فات ولا حاجة ملى جاى
دلوقتــى بحســب الدقايــق والساعــات
نفســى اعــوض كــل لحظــة ملــى فـات
خايـف اغمـض عينـى عنـك حتـى لثوانـى
...
6 comments:
الحالم دائماً الرقيق دائماً
كلماتك فيها معانى اكثر من المكتوبة
يارب تكون هى عنوانك وكل مرساك
:)
تحياتى وودى
ما شاء الله ..
احساس جميل و حالم و صادق
كلمات جميله جدا و قريبه من القلب حقا
يارب يديم عليك الاحساس الجميل ده
سلمت يداك و دمت مبدعا
تحياتى
نفسى تكتب سياسى مرة
مدحت محمد
السلام عليكم
كلماتك دايما جميله
هقتبسها
سلاااااااااااااااااااام
اه طب قولنا عشان كده
مختفي بقالك فترة
قاعد تحب انت
واحنا قاعدين مستنينك تكتب موضوع جديد
عموما انا بس جايه اقولك
انى كل يوم بدخل ومش بلقى جديد
ايه بقه
هتسبها امته؟
انا بهزر طبعا
لو بجد ربنا يخليهالك
ولو حلم ربنا يقربه منك بجد
عشان بجد قد كده قلبك مليان احساس دافي وحنين
وعلى فكره انا الى زعلانه
لان احنا اتعودنا علي تعليقاتك ووجودك دايما في كل موضوع ومناقشتنا فيه
لازم يكون عندك عزر جامد اوى
تحياتى
كلماتك حلوه قوى يا حدوته
بس تفتكر فيه واحد ف الزمن دا يعرف يحب كل الحب ده
معتقدش
احييك على موهبتك
Post a Comment