مودى راب
مودى راب
كنت رايح مع حرنكش للجزويت ، وبغض النظر إنه فضحنا وإحنا ماشيين ، وإنه كان بيحاول إنه يكون بيئة
ويشغل أغانى على شاكلة جوجوجو ويعلى الكاسيت على الآخر ويفتح كل الشبابيك بتاعت العربية ويغنى مع الأغانى بصوت عالى ويبص للناس ويضحك ، بغض النظر عن دا كلة ، إلا إنه كلمنى عن إنه عايز ينظم إيفنت يعرض فية أفلام قصيرة و يسمع الناس مزيكا مختلفة وجديده ، وفعلا عمل حفلة غير الموجه ، المهم إنه بعد ما خالص نمرة الشاب البيئة سمعنى أغنية لمودى راب ، وأنا مابحبش الراب أساسا ، عجبتنى الكلمات والمزيكا شوية ، لكن فى حفلة غير الموجه إختلف رأيى تماما ، حبيت أغانية جدااااااا، ومن ساعتها وأنا بسمعه كتير ، المزيكا بتاعته حلوة أوى ، والكلمات حلوة جدا ، و ليها معنى مش ألش
فية أغنيتين عجبونى جدا لمودى ، الأولى إسمها لعبة السياسة والتانية إسمها التجرية الأولى ، ميزة الأغنية التانية إنه مستخدم موسيقى عمر خيرت عجبتنى جدا لما معتها فى الحفلة ، وهتعججبكوا إن شاء الله لما
تسمعوها
Tags: مودى راب, محمود صابر, مزيكا, الفن والسينيما المستقلة, حرنكش, غير الموجه
الفن والسينيما المستقلة | مو الطاهر | 25 April 2009
جميله الاغاني
بصراحة اغنية لعبة السياسة جامدة جداااااااااااااااااااااااااااااااااااااااااااااااا وهسمع سجن
ممكن انشرك اغانى