ساعات، لما بقرأ حاجة كتبتها من سنتين تلاتة بالصدفة، بسأل نفسي.. "ياترى البنت أم ديل حصان راحت فين؟.. وياترى صوتها ليه بطل يرن فى وداني؟.. تاهت فى قصة حب فاشلة.. ولا ضغط الشغل ولا زحمة شوارعها؟"..

أوقات بحن للبنت دى أم ديل حصان.. أيام ما كانت تستنى غروب الشمس كل يوم عشان تسمع محطة أم كلثوم فى بلكونة بيتها القديم.. ويكون أكبر همها.. ح تقرأ إيه بكرة..

كل ما اثق به الآن هو أن كل ما كان.. فهو ماضى..
حتى وإن كان سيكون..

أول مرة أتمنى انى اسيب البلد دى باللى فيها بالشكل دا!

النهايات دايما اصعب من البدايات.. البدايات بتكون سهلة ومريحة.. بتبدأ من غير ما نعرف أو نحس..
النهايات دايما بتؤلم بذكرياتها حلوة أو مرة.. حتى لو كنا كتبناها أو كانت مكتوبة لنا..
ويجى الزمان ويلضم نهايات ببدايات جديدة.. وبدايات بنهايات مختلفة.. لحد ما يكمل العُقد..
ودايما.. دايما بيبقى فى القلب جرح..

نفسي اسيب نفسي.. بس نفسي تسيبني..

زمان، لما كنت صغيرة، كان مبدأ إنى أتعب واغيب من المدرسة ملغي من تفكيري.. ويوم ما أغيب يبقى بالتأكيد معناها إنى كنت على شفى الموت مثلا..
ماكنش فى حاجة اسمها "دلع بنات".. والدراسة فوق الجميع..

دلوقتى وأنا كبيرة أصبحت مش عارفة إمتى أقول إنى تعبانة فعلا ولازم أستريح.. الشغل فوق الجميع.. وعلى رأس الجميع صحتى ومجهودى..

أريد أن أولد من جديد على أرضٍ غير الأرض ووسط ناسٍ غير الناس وعقائد غير العقائد وتاريخ غير تاريخى..
أريد التوحد مع الأنثى، مع ذاتى، أريد البحث داخلى كى أعرف من أكون، ولماذا أكون.. أريد ان أشكل أنا التى أهواها. اعيش أيامى ومستقبلى كما أحلم، لا كما خطه لى أبائى وأجدادى فى قيود تراثية. أريد أن أخطو بذاتى وأتعثر فى طريقى لأعيد رؤياه من جديد..
أريد.. فقط أريد أن أسكن ديار غير هذه، وأعرف إلهى كما هو.. لا كما يدعون..

أرابيسك هي مسابقة سنوية لاختيار أفضل المدونات العربية المكتوبة بالعربية. أهداف المسابقة تتجلى، دون الحصر، في تنمية روح الإبداع لدى المدونين العرب، تشجيع الشباب على التدوين وإثراء المحتوى العربي على الإنترنت.

ستركز المسابقة في دورتها الأولى على المدونات المتخصصة، بتخصيص جائزتين للمدونات المتخصصة (جائزة أفضل مدونة متخصصة وجائزة ثاني أفضل مدونة متخصصة) مقابل جائزة واحدة للمدونات العامة (جائزة أفضل مدونة شخصية).

تبدأ المسابقة يوم 1 أغسطس 2009، باستقبال ترشيحات المدونين لفروع المسابقة. مرحلة الترشيحات ستمتد حتى يوم 31 أغسطس، وخلالها ستتم عملية الفرز الأولية لاستبعاد المدونات التي لا تتوافق مع شروط المسابقة.

أرابيسك محتاجة دعمنا بما إنها أول مسابقة عربية من نوعها!

وإن أحببت الفكرة.. فيمكنك أن ترشح مدونتك أو المدونة التى تحبها الآن!

نقاش ثلاث سنوات أنهاه تضامن المدونين والإعلام خلال أيام..
النهاردة هبة رجعت لارض مصر..
حمد لله على السلامة.. وألف مبروك الحرية..


بى اس:
إستكمالا للموضوع أنصح بقراءة تدوينة مختار العزيزي عن الحمص بعد المولد (بالأخص لكل غير المتضامنيين)

هى حبيسة قوانين ولاية المرأة فى بلد تكرهها نتيجة لتعنت الأب..

خبرينا يا هبة إذن عن الفرق بين المنفى الإجبارى ومنفاكِ بالسعودية وعن حلمك البسيط بالعودة للوطن؟


رضوى أسامة -- عمرو عزت -- أمانى خليل -- شاهيناز عبد السلام -- شريف عبد العزيز -- رشا الخشن -- مروة رخا

وأيضا للتضامن جروب للفيس بووك