هــــــــو : ازيك يا دكتور حماس
د.حماس : أهلا حبيبى .. الحمد لله
هــــــــو : أنا محتاجك جدا جدا و الله
د.حماس : تحت أمرك حبيبى .. خير ؟؟
هــــــــو : أنا خلااااص زهقت من نفسى و مبقتش عارف أعمل ايه
د.حماس : ليه بس ايه اللى جرى ؟؟
هــــــــو : أنا بعصى ربنا كتير أوى و كل ما أقول هابطل .. أبطل شوية و أرجع تانى
د.حماس : طيب مهو كل الناس كدة ... بين ذنب و توبة و هكذا ... المهم انك لا تيأس من رحمة ربنا و تظل تتوب ..
هــــــــو : أيوة بس كدة كتير بقة ... تبت كتير و رجعت ف كلامى كتير و طلعت عيل كتير
د.حماس : يا حبيبى نبينا بيقول (( إن الله لا يمل حتى تملوا .... )) يعنى لا يمل من المغفرة .. طالما انت لم تمل من التوبة
هــــــــو : لا إله إلا الله
د.حماس : أيوة كدة يا عسل .. ربنا عاوز يسمع ده منك
هــــــــو : أنا و الله نفسى أطيع ربنا كويس بقة .. كل ما أنوى .. هو أسبوع واحد و أبطل
د.حماس : أقولك سبب ده كله ؟؟؟؟
هــــــــو : يا ريييييييييت
د.حماس : المشكلة الرئيسية إننا مش واثقين فى ربنا ...
هــــــــو : ايه ؟؟؟؟؟؟؟؟؟ ازاى بس
د.حماس : لو أنا واثق فى ربنا هكون واثق فى اللى بيقوله -سبحانه و تعالى-
هـــــــــو : طب ما أنا واثق فى اللى ربنا بيقوله طبعا
د.حماس : صبرك عليا ... فيه فرق بين عارفين اللى ربنا بيقوله ... و بين اننا واثقين فيه
هــــــــو : ازاى طيب ؟؟
د.حماس : كل مسلم عارف اللى ربنا شرعه كويس .. لكن هل كله بيطبق ؟؟
هــــــــو : لأ
د.حماس : هو ده الفرق ... الواثق فى ربنا ... تلاقيه دايما بيرجع لربنا و بيطيعه
هــــــــو : فهمنى ........
د.حماس : الواثق فى الله ... واثق فى وعده .. فى وعيده .. فى قدرته .. فى حكمته .. فى نصره ..
عارف موقف سيدنا موسى لما وصل عند البحر مع بنى إسرائيل ؟؟
هــــــــو : آه طبعا ... كان قدامه البحر و وراه فرعون و جنوده
د.حماس : بالظبط كدة ... فاكر أصحاب موسى قالوا ايه ؟؟؟
هــــــــو : أيوة ... قالوا (( إنا لمدركون ... ))
د.حماس : و ايه كان رد سيدنا موسى ؟؟؟
هــــــــو : قال (( كلا .. إن معى ربى سيهدين .. ))
د.حماس : شفت الفرق ؟؟ لو جيت تحسبها بالأسباب المادية .. هتوصل للنتيجة اللى وصل ليها أصحاب موسى
لكن تستعجب قوى لما تلاقى رد سيدنا موسى كدة ... و هو ميعرفش ايه اللى هيحصل
هــــــــو : أيوة لأن هو واثق إن ربنا مش هيسيبه
د.حماس : الله يكرمك يا راجل يا طيب ... أهو انت قلت واثق .. هى دى القضية ... طيب ايه اللى حصل بعد كدة ؟؟
هــــــــو : ربنا أمره يضرب البحر بالعصا بتاعته
د.حماس : لاحظ إن الآية بتقول .. (( و أوحينا إلى موسى أن اضرب بعصاك البحر فانفلق ... )) مش لو احنا اللى بنكتب قصة .. المفروض فيه جملة لازم نذكرها ؟؟؟
هــــــــو : اللى هى ايه ؟؟؟
د.حماس : اللى هى - أن اضرب بعصاك البحر .. فضرب موسى بعصاه البحر .. فانفلق ....... مش ده السياق ؟؟
هــــــــو : أيوة
د.حماس : طيب ليه ربنا -تبارك و تعالى- لم يذكرالجملة دى ؟؟؟
هــــــــو : أيوة أنا أقولك ... أكيد عشان سيدنا موسى نفذ الكلام على طول مفكرش كتير
د.حماس : تماااام .... احنا بنتعامل مع ربنا تعامل سئ .. لما بيأمرنا أمر .. لازم نقول طب ليه يا رب .؟؟ طب عشان ايه ؟؟ و تقعد تنفخ و متنفذش عشان عاوز تعرف الأول
هــــــــو : ده لإننا مش واثقين فعلا إن الأمر ده فى مصلحتنا
د.حماس : مظبوط ... و هى دى الأزمة ... خد بالك لما سيدنا موسى أطاع ربنا على طول ايه اللى حصل ؟؟
هــــــــو : البحر انشق
د.حماس : تمام (( .... فانفلق فكان كل فرق كالطود العظيم .... ))
هــــــــو : سبحان الله
د.حماس : حبيب قلبى .. إذا تواجد قلب يثق فى الله .. ربنا ممكن يغير ليه قوانين الأسباب ... هو البحر مش صفته إنه سائل ؟؟
هــــــــو : أيوة
د.حماس : و عشان فيه قلب واثق فى الله ... ربنا ممكن يغير ليه قوانين الأسباب كلها ... و يتحول السائل لجبل ..
هــــــــو : لا إله إلا الله
د.حماس : تصور لو احنا وثقنا ف ربنا ايه اللى هيجرا ؟؟
هــــــــو : هنملك كل شئ
د.حماس : فعلا ........ هنملك كل شئ
د.حماس ليس بهذه المثالية التى ترونها
إنما هو حوار .. كتبته .. و أسأل الله أن أستفيد منه
الأزمة أزمة ثقة .... لو اتحلت ... أمتنا كلها هتبقى فى الصدارة
و هنرجع تانى لسابق مجدنا و قوتنا
موضوع الثقة موضوع لسة كبير
و عندى كلام كتير عاوز أذكر نفسى بيه
و أذكركم بيه ( فإن الذكرى تنفع المؤمنين )
الحوار لم ينته بعد ....... و لنـــــــا لقاءات أخرى
تحديث -1-
أضافت أختنا KEMET و قالت :
بس اوقات بيكون رد هو : ياعم سيدنا موسي نبي وزمن المعجزات انتهي .
ربنا يكرمها أختنا بتنبهنا لرد بيقوله ناس كتير
أنا عندى إجابة
لكن اللى عاوز يجاوب من حضراتكم يقول
و أنا هانشر الردود فى تحديث قادم بإذن الله
د.حماس
.jpg)
.jpg)
129 تعليقات الأحباء:
بجد حوار جميل اوى
وحلاوته فى بساطته
حسيت والله انى متضايقة من نفسى بعد لما قريت الحوار
اصل انا كدة برضه
بجد بوصل لدرجة فعلا انا بزهق من نفسى واقول ده ربنا ده والله رحيم بينا اوى
بجد جزاك الله خيرا
تحياتى
ايمى
السلام عليكم ورحمة الله وبركاته
الثقة موضوع كبير جدا
ان شاء الله اتابع
بس اوقات بيكون رد هو : ياعم سيدنا موسي نبي وزمن المعجزات انتهي .
اوقات هو بيكون في لحظات ضعف قويه او بعد عن الله وبيكون الشيطان ونفسه مستلمينه
يعني ربنا يوفقك في الموضوع دا ونستفيد كلنا
جزاك الله خيرا
تحياتي
الي اللقاء
بجد من افضل المواضيع اللي انا قريتها على المدونات.والشئ المميز فيه انه جه على الجرح زي ما بيقولو.وفكرة الاسلوب الحواري دي فكره رائعه .
جزاك الله كل خير .
إنه الحب ..الحب يعطينا الثقة عندما نصدق الله عز وجل فى حبنا له فإنه يعطينا الأمل وييسر لنا كل ما نراه معجزة.. قد تتعرض للوم والإستنكار بسبب الثقة والطموح والحلم لكنك لا تطلب منهم تصديقك يكفيك احساسك بالثقة في كرم ربك وعطاياه
بجد ان اتشرفت جدا جدا بمروري على مدونتك اول مرة بجد احس بفخر وانا بقرا كلام فخر بيك
..
اسمحلي ارد على الاخت التي سالت
اذا كان زمن المعجزات انتهى كما تقول
فان قدرة الله لا انتهاء لها
يشرفني اني امر على مدونتك
تحياتي لمن وعى الكلمة فحوى المعنى
بجد بجد موضوع جميل جدا
ناس كتير بامنظر ده
ربنا يهدينا جميعا يارب .
ماشاء الله... جزاك الله خيرا...
حوار دافئ جدا... بارك الله بك...
يالنسبه للإحتمال الذي طرحته الأخت "kemet"... فعلا الكثير يردد هذه الجمله...
ولكن في الحقيقه هو أننا يجب أن نقتدي بالأنبياء عليهم السلام ونتعلم منهم لا نقارن أنفسنا بهم... والمعجزات التي حصلت معهم من الله... ماهي إلا رساله لنا نحن من خلالهم...
فهل يعقل أن يقارن الطالب نفسه في المعلم...؟
و من يبقى مع الله ...يبقى الله معه في كل شيئ...
ومن يتشبث بالله... ويؤمن به أيمانا خالصا بأن الله سينصره... فإن الله سينصره ...
والثقه تستمد من الإيمان المتين بالله...
اجمل جزء بجد من الحوار الجزء الاول
علي اد حلاوة الحوار كله
فعلا دي طبيعة البشر
الخطية والتوبة وهكذا
وربنا بيغفر ويسامح وبيكون سعيد كمان بتوبه العبد الكثير المعصية
جزاك الله خير علي كلامك
واثابك عنه خير ثواب
وبخصوص ان سيدنا موسي نبي وزمن المعجزات انتهي فانا شيفة ان سيدنا موسي كان نبي فعلا وحدثت معاه العديد من المعجزات
الا اننا في زماننا هذا الكثير من الامارات والمعجزات إن حق القول تحدث للمسلمين المؤمنين فعلا اللى بجد بيمسكوا علي دينهم رغم كل ما يعانون ولعل ابسط هذه المعجزات علامات حسن الخاتمة
ربنا يرزقنا واياكم حسن الخاتمة
يعني اللى تكن خاتمته معجزة في حد ذاتها يبقه هيعوز ايه معجزة بعد كده
هي النظرية فى اننا نثق في ربنا ونلتزم بما قال وبالتالى هتبقه حياتنا كلها معجزات
ربنا يبارك فيك بجد عل موضوع الهايل ده
بس فعلا ده حال البشر
ذنب وتوبة
ندم واستغفار
بس مين فينا ال يقدر يثق في ربنا !!
اكيد مش كتير
اهم حاجة الثقه واننا يكون عندنا امل
في ربنا وحياتنا هتبقى كويسة اوي
مووضوع معبر وحلو اوي
اختك في الله
بص انا الحمد لله عندى ثقه وقناعه ان مفيش حاجه بتحصل ليه الا خير حتى لو كانت عكس ارادتى بجد دى حاجه من عند ربنا جوايا وربنا شاهد عليها وبحمده عليها يا ريت كل الناس تبقى كده يا ريت وعلى فكره اللى عاوز يوصل لده هيوصل بس يقتنع بزمه ويفكر بزمه
جزيتم خيرا علي الحوار الرائع
وأضيف الاية " والذين جاهدوا فينا لنهدينهم سبلنا "
يعني اللي هيقعد يعصي ويتوب ويعصي فيجاهد ويتوب اكيد ربنا هايهديه في الاخر ان حب المعصية هيخرج من قلبه رغم انه كان في يوم من الايام لا يتخيل ان المعصية دي بالذات هيبطلها من كتر تملكها من قلبه
فسبحان الله
( وده عن تجربة شخصية )
فلو الواحد واثق في الاية
هيتوب و هو واثق انه في يوم من الايام المعصية دي هتخرج من قلبه
ربنا يرزقنا اليقين والاخلاص و الثبات
آمين
السلام عليكم ورحمة الله وبركاته
الله يبارك لك يا د/ حماس
بجد اسلوب وحوار اكتر من رائع ودايما هو دا الاسلوب اللي بيوصل للقلب وتتحل بيه المشاكل كلها لاني دائما بقول ان الانسان عدو الاوامر لكن لما نتكلم معاه بالراحه والاقناع هنقدر نوصل اللي احنا عايزينه وبسهوله
وعجبي جدا جملتك ديه
و عشان فيه قلب واثق فى الله ... ربنا ممكن يغير ليه قوانين الأسباب كلها ... و يتحول السائل لجبل ..
فعلا احنا بنتعامل مع رب اذا ارد شئ فانما يقول له كن فيكون
والعيب فينا احنا في عدم االثقه بالله لكن لو عيشنا واثقين في وعود الله لنا هنلاقي كل خير
مثلا في موضوع الدعاء ربنا وعدنا وقال ادعوني استجب لكم بس احنا هل بندعي زي ما الرسول عليه الصلاة والسلام قال لنا
ندعو ونحن موقنين بالاجابه بجد جزاكالله خيرا كلامك خلي الواحد يراجع نفسه ويتاكد انه لازم يثبت يقينه اكتر من كدا
ممكن ارد علي الاخت لو تسمح
س اوقات بيكون رد هو : ياعم سيدنا موسي نبي وزمن المعجزات انتهي .
السلام عليكم
اقولك علي حاجه سيدنا موسي كان واثق في الله واحنا لو وثقنا بجد هنلاقي كل خير ربنا ورب سيدنا موسي هو رب واحد سميع مجيب قادر ولو قلت دا نبي طيب تعالي نشوف كدا قول رسولنا الكريم
لو انكم تتوكلون علي الله حق التوكل لرزقكم كما يرزق الطير .......
شوفي طائر ضعيف بس عنده ثقه بالله بيعمل اللي عليه وربه بيرزقه يا ريت نكون زي الطائر دا نعمل اللي علينا ونتوكل علي الله حق التوكل
الموضوع بجد كبير اري اني طولت زياده
بوركت علي الموضوع
وكنت اتمني اسمع رايكم الكريم في موضوع الجديد
دمت بخير
السلام عليكم
حوار جميل جدا
استمعت كثيرا بقرائته
تقبل مروري من هنا
تمنياتي بالتوفيق :)
لي بوست جديد بعنوان أين النظام بانتظار رأيكم فيه
ودمتم بخير
السلام عليكم
جزاك الله خيراً
الحوار ممتع و
طريقته جذابه
نســـأل الله أن يهدينا جميعا ويأخذ بنواصينا إليه
ربنا يكرمك كنت محتاجة اقرا كلامك ده وبالذات النهاردة
========
وردا على تعليق "كيمت"
ومين قال ان نصر ربنا معجزة رجوعنا ليه طول الوقت هو اللى اصبح معجزة
فيه حاجات مفيهاش مجال للشك
يعنى مثلا"وبشر الصابرين" امتى البشرى تيجى لما نقول"انا لله وانا اليه راجعون"
ويونس ايه اللى نجاه من بطن الحوت"ولولا ان كان من المسبحين..."
يعنى فى الاول احنا نعمل وبعدين ربنا ينفذ وعده
ازاى انتظر النجاح مثلا وانا اصلا ماذاكرتش !!!
"ان الله لايغير مابقوم حتى يغيروا ما بأنفسهم"
حوار رائع جدا يا دكتور
والاورع اني حضرتك اللي كتبه
------------
شكرا علي التعليق في مدونتي
حوار جميل محتاج لتامل
بجد سلمت اناملك
السلام عليكم د. حماس
و من اعظم من الله سبحانه و تعالى لنثق به.....و هو خالقنا
جزاك الله خيرا
سلام
السلام عليكم
دا مش مجرد حوار دي وثيقة او ان شئت فقل روشته لوصفة رائعة لعلاج مرض من امراض القلوب وهو عدم الثقة في الله
جزاكم الله خيرا
سلام
بسم الله
حوار جميل اوى
وتذكره لينا
جزاك الله خيرا
دايما كنت بسال نفسى عن مدى القوه اللى فى كلمه "كلا ان معى ربى سيهدين"
سبحان الله
ثقه فعلا بنفتقدها
ربنا يسامحنا عليها
ويسامحنا على كل تقصير فى حياتنا
وساعات كتير بقول لنفسى جمله سمعتها من زمان
لو كل الناس سابوا باب ربنا المفتوح
اوعى انتى تسيبيه وافضلى دايما على باباه
تدعيه وتستغفرى
مهما عملتى ومهما اتخنقتى من نفسك وذنوبك
وغلطاتك اللى مش بتخلص
اوعى تبعدى عن باب ربنا
شكرا واسفه على الاطاله
السلام عليكم
بوست رائع جدا
وكويس انك طرحت موضوع زي كدا
كلنا بيحصل معانا كدا
وربنا يثبتنا
....
دمت بود
تحيـــــاتي:)
والله مش عارف اقلك ايه
EMMY BABY تقول...
بجد حوار جميل اوى
وحلاوته فى بساطته
حسيت والله انى متضايقة من نفسى بعد لما قريت الحوار
اصل انا كدة برضه
بجد بوصل لدرجة فعلا انا بزهق من نفسى واقول ده ربنا ده والله رحيم بينا اوى
بجد جزاك الله خيرا
تحياتى
ايمى
---------------
ربنا يكرمك يا أختى
كلنا بنوصل للحالة دى
و ربنا يعيننا اننا نثق فيه
و نقرب منه
و نطيعه
جزاكم الله خيرا
د.حماس
kemet تقول...
السلام عليكم ورحمة الله وبركاته
الثقة موضوع كبير جدا
ان شاء الله اتابع
بس اوقات بيكون رد هو : ياعم سيدنا موسي نبي وزمن المعجزات انتهي .
اوقات هو بيكون في لحظات ضعف قويه او بعد عن الله وبيكون الشيطان ونفسه مستلمينه
يعني ربنا يوفقك في الموضوع دا ونستفيد كلنا
جزاك الله خيرا
تحياتي
الي اللقاء
---------------------
ربنا يبارك فى حضرتك
نبهتينا لقضية خطيرة يثيرها الناس
ألا و هى أننا لسنا أنبياء
فهل نستطيع هذا ؟؟؟؟
أمر صعب
لكن ......
سأنتظر ردود الناس على الجملة
ليس على حضرتك
ربنا يكرمك و يبارك لك
د.حماس
أختنا الدكتورة سحر أضافت تعليق جميل
و رد على الجملة المذكورة بالتحديث أكثر من رائع
لكن لا أدرى لماذا حذفت تعليقاتها
لعله عن طريق الخطأ
و لعل سبب الحذف خيرا
ننتظر منها أن تعيد تعليقها مرة أخرى
جزاها الله خيرا
د.حماس
مذكرات مشاغب يقول...
بجد من افضل المواضيع اللي انا قريتها على المدونات.والشئ المميز فيه انه جه على الجرح زي ما بيقولو.وفكرة الاسلوب الحواري دي فكره رائعه .
جزاك الله كل خير .
----------------------
و جزاك حبيبى
يا رب نستفيد فعلا
و ربنا يتقبل منا العمل
د.حماس
غير معرف يقول...
إنه الحب ..الحب يعطينا الثقة عندما نصدق الله عز وجل فى حبنا له فإنه يعطينا الأمل وييسر لنا كل ما نراه معجزة.. قد تتعرض للوم والإستنكار بسبب الثقة والطموح والحلم لكنك لا تطلب منهم تصديقك يكفيك احساسك بالثقة في كرم ربك وعطاياه
-------------------------
الله جل و علا قدير على كل شئ
لكن
ليس كل ما نتمناه هو خيرنا
نحن نطلب من الله الخير بكل ثقة
و الله يقدر الخير بكل يقين
فإن وافق الخير هوانا فبها و نعمة
و إلا ... فنحن نحب ما يرضاه الله
و بكل ثقة فى أنه قد اختار ما يصلحنا
جزاكم الله خيرا على التعليق
.........
د.حماس
Mr.FoX يقول...
بجد ان اتشرفت جدا جدا بمروري على مدونتك اول مرة بجد احس بفخر وانا بقرا كلام فخر بيك
..
اسمحلي ارد على الاخت التي سالت
اذا كان زمن المعجزات انتهى كما تقول
فان قدرة الله لا انتهاء لها
يشرفني اني امر على مدونتك
تحياتي لمن وعى الكلمة فحوى المعنى
---------------------
ربنا يكرمك يا فندم
شرفتنى حقيقى
و ردك رائع
عاوز بس أؤكد اننا مش بنرد على الأخت
احنا بنرد على المقولة
و ده مش رأيها
ربنا يكرمك حبيبى
و سعيد بمرورك
د.حماس
Butterfly تقول...
بجد بجد موضوع جميل جدا
ناس كتير بامنظر ده
ربنا يهدينا جميعا يارب .
-------------------
اللهم آمين
د.حماس
أكون أو لا أكون تقول...
ماشاء الله... جزاك الله خيرا...
حوار دافئ جدا... بارك الله بك...
يالنسبه للإحتمال الذي طرحته الأخت "kemet"... فعلا الكثير يردد هذه الجمله...
ولكن في الحقيقه هو أننا يجب أن نقتدي بالأنبياء عليهم السلام ونتعلم منهم لا نقارن أنفسنا بهم... والمعجزات التي حصلت معهم من الله... ماهي إلا رساله لنا نحن من خلالهم...
فهل يعقل أن يقارن الطالب نفسه في المعلم...؟
و من يبقى مع الله ...يبقى الله معه في كل شيئ...
ومن يتشبث بالله... ويؤمن به أيمانا خالصا بأن الله سينصره... فإن الله سينصره ...
والثقه تستمد من الإيمان المتين بالله...
----------------------
ربنا يكرمك يا رب
تعليق أكتر من ممتاز
ربنا يتقبل منك و يرضى عنك
د.حماس
maha zein تقول...
اجمل جزء بجد من الحوار الجزء الاول
علي اد حلاوة الحوار كله
فعلا دي طبيعة البشر
الخطية والتوبة وهكذا
وربنا بيغفر ويسامح وبيكون سعيد كمان بتوبه العبد الكثير المعصية
جزاك الله خير علي كلامك
واثابك عنه خير ثواب
وبخصوص ان سيدنا موسي نبي وزمن المعجزات انتهي فانا شيفة ان سيدنا موسي كان نبي فعلا وحدثت معاه العديد من المعجزات
الا اننا في زماننا هذا الكثير من الامارات والمعجزات إن حق القول تحدث للمسلمين المؤمنين فعلا اللى بجد بيمسكوا علي دينهم رغم كل ما يعانون ولعل ابسط هذه المعجزات علامات حسن الخاتمة
ربنا يرزقنا واياكم حسن الخاتمة
يعني اللى تكن خاتمته معجزة في حد ذاتها يبقه هيعوز ايه معجزة بعد كده
هي النظرية فى اننا نثق في ربنا ونلتزم بما قال وبالتالى هتبقه حياتنا كلها معجزات
----------------
ربنا يكرمك يا أختنا
بصراحة اتعلمت منك
جزاكم الله خيرا للتعليق
د.حماس
marmar تقول...
ربنا يبارك فيك بجد عل موضوع الهايل ده
بس فعلا ده حال البشر
ذنب وتوبة
ندم واستغفار
بس مين فينا ال يقدر يثق في ربنا !!
اكيد مش كتير
اهم حاجة الثقه واننا يكون عندنا امل
في ربنا وحياتنا هتبقى كويسة اوي
مووضوع معبر وحلو اوي
اختك في الله
--------------
الله يكرمك يا أختنا
و يا رب نستفيد كلنا منه
ثبتنا الله و إياكم
د.حماس
~*§¦§ Appy §¦§*~ تقول...
بص انا الحمد لله عندى ثقه وقناعه ان مفيش حاجه بتحصل ليه الا خير حتى لو كانت عكس ارادتى بجد دى حاجه من عند ربنا جوايا وربنا شاهد عليها وبحمده عليها يا ريت كل الناس تبقى كده يا ريت وعلى فكره اللى عاوز يوصل لده هيوصل بس يقتنع بزمه ويفكر بزمه
--------------------------
ربنا يزيدك يا رب
و دائما الإنسان بخير طالما كان مع الله
و أراد أن يزيد
بس فيه أزمة حقيقية لو الإنسان رضى عن نفسه
ربنا يثبتك على الخير
و يرضى عنك يا رب
د.حماس
ذات النطاقين يقول...
جزيتم خيرا علي الحوار الرائع
وأضيف الاية " والذين جاهدوا فينا لنهدينهم سبلنا "
يعني اللي هيقعد يعصي ويتوب ويعصي فيجاهد ويتوب اكيد ربنا هايهديه في الاخر ان حب المعصية هيخرج من قلبه رغم انه كان في يوم من الايام لا يتخيل ان المعصية دي بالذات هيبطلها من كتر تملكها من قلبه
فسبحان الله
( وده عن تجربة شخصية )
فلو الواحد واثق في الاية
هيتوب و هو واثق انه في يوم من الايام المعصية دي هتخرج من قلبه
ربنا يرزقنا اليقين والاخلاص و الثبات
آمين
------------------
اللهم آمين
بارك الله فيكى
و هداكى سواء السبيل
د.حماس
ghorBty تقول...
السلام عليكم ورحمة الله وبركاته
الله يبارك لك يا د/ حماس
بجد اسلوب وحوار اكتر من رائع ودايما هو دا الاسلوب اللي بيوصل للقلب وتتحل بيه المشاكل كلها لاني دائما بقول ان الانسان عدو الاوامر لكن لما نتكلم معاه بالراحه والاقناع هنقدر نوصل اللي احنا عايزينه وبسهوله
وعجبي جدا جملتك ديه
و عشان فيه قلب واثق فى الله ... ربنا ممكن يغير ليه قوانين الأسباب كلها ... و يتحول السائل لجبل ..
فعلا احنا بنتعامل مع رب اذا ارد شئ فانما يقول له كن فيكون
والعيب فينا احنا في عدم االثقه بالله لكن لو عيشنا واثقين في وعود الله لنا هنلاقي كل خير
مثلا في موضوع الدعاء ربنا وعدنا وقال ادعوني استجب لكم بس احنا هل بندعي زي ما الرسول عليه الصلاة والسلام قال لنا
ندعو ونحن موقنين بالاجابه بجد جزاكالله خيرا كلامك خلي الواحد يراجع نفسه ويتاكد انه لازم يثبت يقينه اكتر من كدا
ممكن ارد علي الاخت لو تسمح
س اوقات بيكون رد هو : ياعم سيدنا موسي نبي وزمن المعجزات انتهي .
السلام عليكم
اقولك علي حاجه سيدنا موسي كان واثق في الله واحنا لو وثقنا بجد هنلاقي كل خير ربنا ورب سيدنا موسي هو رب واحد سميع مجيب قادر ولو قلت دا نبي طيب تعالي نشوف كدا قول رسولنا الكريم
لو انكم تتوكلون علي الله حق التوكل لرزقكم كما يرزق الطير .......
شوفي طائر ضعيف بس عنده ثقه بالله بيعمل اللي عليه وربه بيرزقه يا ريت نكون زي الطائر دا نعمل اللي علينا ونتوكل علي الله حق التوكل
الموضوع بجد كبير اري اني طولت زياده
بوركت علي الموضوع
وكنت اتمني اسمع رايكم الكريم في موضوع الجديد
دمت بخير
السلام عليكم
-----------------------
حقيقى ربنا يكرم حضرتك
كلام يدل على عقل راجح و قلب مؤمن
ثبتك الله
رأيي سأضيفه فى البوست القادم بإذن الله
بارك الله فيكم
د.حماس
قصوصه تقول...
حوار جميل جدا
استمعت كثيرا بقرائته
تقبل مروري من هنا
تمنياتي بالتوفيق :)
----------------
أكرمك الله
و بارك فيكم
د.حماس
amato allah" هويتى إسلاميه " تقول...
السلام عليكم
جزاك الله خيراً
الحوار ممتع و
طريقته جذابه
نســـأل الله أن يهدينا جميعا ويأخذ بنواصينا إليه
-----------------
اللهم آمين
بارك الله فيكم
د.حماس
موناليزا يقول...
ربنا يكرمك كنت محتاجة اقرا كلامك ده وبالذات النهاردة
========
وردا على تعليق "كيمت"
ومين قال ان نصر ربنا معجزة رجوعنا ليه طول الوقت هو اللى اصبح معجزة
فيه حاجات مفيهاش مجال للشك
يعنى مثلا"وبشر الصابرين" امتى البشرى تيجى لما نقول"انا لله وانا اليه راجعون"
ويونس ايه اللى نجاه من بطن الحوت"ولولا ان كان من المسبحين..."
يعنى فى الاول احنا نعمل وبعدين ربنا ينفذ وعده
ازاى انتظر النجاح مثلا وانا اصلا ماذاكرتش !!!
"ان الله لايغير مابقوم حتى يغيروا ما بأنفسهم"
---------------
ربنا يبارك لك
تعليق رائع
ربنا يتقبل منك يا رب
د.حماس
مصعب صلاح يقول...
حوار رائع جدا يا دكتور
والاورع اني حضرتك اللي كتبه
------------
شكرا علي التعليق في مدونتي
------------------
شكرا حبيبى
و ربنا يعيننا على الاستفادة
د.حماس
نهر الحب تقول...
حوار جميل محتاج لتامل
بجد سلمت اناملك
-----------------
أكرمك الله
جزاكم الله خيرا
د.حماس
salwa تقول...
السلام عليكم د. حماس
و من اعظم من الله سبحانه و تعالى لنثق به.....و هو خالقنا
جزاك الله خيرا
سلام
---------------
و جزاكم خيرا منه
أكرمك الله
د.حماس
جنّي يقول...
السلام عليكم
دا مش مجرد حوار دي وثيقة او ان شئت فقل روشته لوصفة رائعة لعلاج مرض من امراض القلوب وهو عدم الثقة في الله
جزاكم الله خيرا
سلام
-------------------
و جزاك أخى الكريم
ربنا يبارك فى حضرتك
د.حماس
dina تقول...
بسم الله
حوار جميل اوى
وتذكره لينا
جزاك الله خيرا
دايما كنت بسال نفسى عن مدى القوه اللى فى كلمه "كلا ان معى ربى سيهدين"
سبحان الله
ثقه فعلا بنفتقدها
ربنا يسامحنا عليها
ويسامحنا على كل تقصير فى حياتنا
وساعات كتير بقول لنفسى جمله سمعتها من زمان
لو كل الناس سابوا باب ربنا المفتوح
اوعى انتى تسيبيه وافضلى دايما على باباه
تدعيه وتستغفرى
مهما عملتى ومهما اتخنقتى من نفسك وذنوبك
وغلطاتك اللى مش بتخلص
اوعى تبعدى عن باب ربنا
شكرا واسفه على الاطاله
----------------------
ربنا بابه مفتوح
لازم نديم طرق الباب
و سيفتح لنا
ربنا أرحم مما نتصور
د.حماس
بـسـمـــة صـــــلاح تقول...
السلام عليكم
بوست رائع جدا
وكويس انك طرحت موضوع زي كدا
كلنا بيحصل معانا كدا
وربنا يثبتنا
....
دمت بود
تحيـــــاتي:)
-------------------
اللهم آمين
ربنا يكرمك
و يرضى عنك
د.حماس
مدحت محمد يقول...
والله مش عارف اقلك ايه
-----------------
ربنا يرزقنا جميعا طاعته
و يثبتك على الايمان
د.حماس
السلام عليكم . بجد الجوار مريح وممتع .
جزاك الله كل خير وهى نصيحه بجد غاليه ونريد من هذا المزيد ويارب توب علينا من المعاصى .
تحياتى لك وشكرا على دعاءك لى (ربنا يزيد من احبابك ).
(سونه ).
أخى العزيز
جزاك الله كل الخير لعرضك الاكثر من رائع
الحوار رعم بساطته الا انه يحمل معانى
كثيرة
أحيانا الانسان مش بيكون عنده ثقة او حتى
رضا لحكمة الله فى امر من امور الدنيا و لاننا
فكرنا قليلا لوجدنا انه فيه خير لنا
انه ازمة الثقة نحن نحاجة ان نرضى و نطيع
الله بكل ثقة وطاعة آتية من القلب
ما قلته الاختKEMET
ان زمن المعجزات انتهى من المفروض ان
نتعلم من الانبياء والسلف الصالح
و لا نعقل اخطائنا على الزمن فلا نغير من
انفسنا
بارك الله فيك و سلمت يداك
تحياتى
يويو
مساؤكـ جنة ..
ومن بين الدموع تنطلق كلمة لتقول
( جزيت خيرا دكتور حماس فقد غيرت شيئا بداخلي من خلال حديثكـ ,, شكرا ويقينا بأن الشكر لن يكفي ):'(
سأكون هنا لأنتظر التحديثات القادمة ..
^_^
دمت خيرا
بارك الله فيك ابدعت يا دكتورنا الغالى
الجزء الأول من حوار النجم القادم مع القيادى الإخوانى بالبحيرة م . حسني عمر
http://ewaatekhaf.blogspot.com/
فقط وحصرياً مع مدونة إوعى تخاف
جزاكم الله خيرا على هذه التدوينه ..
تذكرة مهمة .. اليقين بالله فعلا هو المفتاح . سبحان الله هو الخالق يعنى هو اللى خالقنا واحد واحد هو اعلم بينا من انفسنا مهما بلغ علم الانسان فهو جاهل ايوه جاهل.. من منا يعلم متى سيموت؟ من منا يعلم معاد يوم القيامه ؟؟ من ؟؟؟سبحانه له العزة جميعا ... هو العالم القادر فكيف لانثق ؟؟هو العالم بما ينفعنا وما يضرنا ..يعنى مثلا الحجاب فرض صح ؟ طب لو جينا فكرنا ده اقوى حفاظ للبنت ليه ليه شروط عشان حفاظا عليكى ..ربنا فرض علينا فروض وحرم المحرمات عشاننا عشان بيحب عباده ..هو الاعلم .. هو قالنا عالطريق الصح اللى لو حودنا عنه اكييييييييييد يقيناً هتختل الموازين هنندم.. ليه ؟؟ لان الانسان جاهل ضعيف ميعرفش ..كام واحد فينا كان بيتمنى حاجة وهيموت عليهاوربنا مقدرهاش ليه وبعدها اكتشف انها فعلا مكنتش خير ..سبحان الله الواحد شاف كذا موقف بينولوانتيجة اليقين ..يعنى مثلا علاقة الاستغفار بقضاء الحاجات ..الواحد سمع حاجات عجيبه جدا نتيجة استغفار بيقيين بتتحقق فى وقتها ..تخيلوا احنا محتاجين نعرف ربنا حق المعرفة ..كلما شعرنا بعظمته وقدرته كلماغمرقلوبنا قوة الايمان واليقين ..طب نعرف ربنا ازاى ؟؟انت لو عايز تعرف حد هتعرفه ازاى ؟ من كلامه صح..طب تخيلوا كلام ربنا موجود ومتاح للجميع .. القراااااان ... علينا بمعايشة ايات القران ..كلام الرحمن..مريح القلوب.
اسالكم الدعاء
ماشاء الله
حوار اكثر من رااائع
ان دل على شئ فيدل على حسن تدبر فى آيات الله عز وجل
بارك الله في حضرتك يافندم
وفى انتظار باقى الحوار
جزاكم الله خيرا
اللهم اجعلنا من الواثقين فى الله دائما
معلش هضيف حاجة اعرف واحدة يعنى موبيلها وق منهافى اتوبيس ورحت البيت اعدت حوالى ساعة وبعدين اكتشفت انه وقع طبعاخلاص يعنى ضاع ..سبحان الله .ربنا كريم فقط بدعاء الضاله ..فقط باليقين فى الدعاء رجعلها وبطريقة عجيبه جدا ..راحت لحد ناظر المحطة وقالتله وهوواللى حواليه بيقولولها انسى خلاص الاتوبيس مشى ومش هيرجع غير بعد ساعتين تلاته اكيد حد خده .. وهى تقوله لالنا هاجى اسالك عليه بيقين .. وسبحان الله كان حصل خناقه صغيرة خلتها تاخدبالها من السواق فقدرت توصف للناظروعرف العربيةوبعد ساعتين اتصل بيها من موبايلها شفتوا الاتوبيس راح المحطة التانيه ورجع والموبايل محدش هوب ناحيته ولف ورجعلها تانى .. ناظر المحطة كان هيتجنن ومش مصدق ..واصلا ان ناظر المحطة يطلع راجل امين دى ..الحمدلله الذى رزقها اليقين .اللهم ارزقنا اياه ... وكمان اخويا مرة زمان ضاع منه الهارد وكان عليه شغله كله واحد سرقه دعى ربنا جامد بدعاء الضاله تخيلوا الحرامى ضميره نقح عليه ورجعهوله فى نفس المكان !!!!!!!! سبحان الله .. شفتوااد ايه ربنا مجيب ..بس احنا نقرب وندعى ونثق فيه ..
انا اكتشفت انى طولت جدا .. معذرة ياجماعة .. اسفة فعلا
السلام عليكم
~~~~~~~~~~~~
ازيك يادكتور
...
حوارك رائع جدا
واحنا والناس فعلا محتاجه النصيحه دي
لان كتير منهم فاقد الثقه في ربنا سبحانه وتعالى تماما وحالة من القنوط واليأس ودا أحد الأسباب في عدم استجابة الدعوات
مع إن ربنا مع عبيد
ربنا يهدينا للصراط المستقيم
ويرزقنا الصلاح
~~~~
تقبل مروري
دمت بكل ود
تحيــــــاتي:)
ما شاء الله موضوع جميل :)
إسمح لي أن أضيف شئ
عن أبي هُرَيْرَةَ قَالَ سَمِعْتُ النَّبِيَّ صَلَّى اللَّهُ
عَلَيْهِ وَسَلَّمَ يقول : ( إِنَّ عَبْدًا أَصَابَ ذَنْبًا وَرُبَّمَا قَالَ
أَذْنَبَ ذَنْبًا فَقَالَ رَبِّ أَذْنَبْتُ وَرُبَّمَا قَالَ أَصَبْتُ فَاغْفِرْ
لِي فَقَالَ رَبُّهُ أَعَلِمَ عَبْدِي أَنَّ لَهُ رَبًّا يَغْفِرُ الذَّنْبَ
وَيَأْخُذُ بِهِ غَفَرْتُ لِعَبْدِي ثُمَّ مَكَثَ مَا شَاءَ اللَّهُ ثُمّ
أَصَابَ
ذَنْبًا أَوْ أَذْنَبَ ذَنْبًا فَقَالَ رَبِّ أَذْنَبْتُ أَوْ أَصَبْتُ آخَرَ
فَاغْفِرْهُ فَقَالَ أَعَلِمَ عَبْدِي أَنَّ لَهُ رَبًّا يَغْفِرُ الذَّنْبَ
وَيَأْخُذُ بِهِ غَفَرْتُ لِعَبْدِي ثُمَّ مَكَثَ مَا شَاءَ اللَّهُ ثُمَّ
أَذْنَبَ
ذَنْبًا وَرُبَّمَا قَالَ أَصَابَ ذَنْبًا قَالَ قَالَ رَبِّ أَصَبْتُ أَوْ قَالَ
أَذْنَبْتُ آخَرَ فَاغْفِرْهُ لِي فَقَالَ أَعَلِمَ عَبْدِي أَنَّ لَهُ رَبًّا
يَغْفِرُ الذَّنْبَ وَيَأْخُذُ بِهِ غَفَرْتُ لِعَبْدِي
*************
قيل للحسن البصري : ألا يستحيى أحدنا من ربه
يستغفر من ذنوبه ثم
يعود ، ثم يستغفر ثم يعود ؟ فقال : ود الشيطان لو
ظفر منكم بهذا ، فلا
تملُّوا من
الاستغفار .
هكذا نحن جميعا نخطئ ونصيب
ولزم علينا التوبه دوما .. قبل أن يـاتي الأجل ولا تمفع وقتها توبه
دمت بكل الخير أخي
السلام عليكم
حوارك جميل جدا ويفجر قضيه هامه جدا فى العقيدة لكل مؤمن بالله ..وهو اليقين بالله
اليقين باللله هو اول الخطوات ... لو ايقنا بالله حق اليقين لهدأت قلوبنا واطمئنت نفوسنا ... ولن يخاف احد منا على رزقه اوماله ... فقط فقط اليقين
وتحضرنى مقولة لسيدنا عيسى عليه السلام عندما سأله احدهم كيف تمشى على الماء قال هواليقين باله لو ايقنتم بالله حقا لمشيتم على الماء مثلى
ندعو الله ان يثبتنا على الايمان واليقين الحق بقدرته سبحانه وتعالى وان يجعلنا جميعا من التوابين الاوابين
بسم الله
احاول من الفجر نشرالتعليق
--------
===========
سبحان الله
أكتب الان عن هذا الامر
اليقين
قال تعالى ومن اصدق من الله قيلا
وفى ايه اخرى
ومن اصدق من الله حديثا
نؤمن بالقرىن ولكنى اتألم كثيرا عندما لا اجد يقين او تصديق
اتمنى ان نقول قال الله فلا نسمع لاحد صوت بعدها
نقول يا جمعه ناخد بالاسباب ونتوكل على الله ومن يتوكل على الله فهو حسبه
برضه قلقنين
نقول نحسن الظن
انا عند ظن عبدى بى
ايضا تشعر وكأن الامر مستحيل
اذا فاين الاسلام
الذى هو الاستسلام لله بالطاعه والانقيادل ه بالتوحيد والتخلص من الشرك
-----
ااااااااااااااه
والله والله والله
لو صدق كل منا القرآن
وتيقن ان ما به حق وسيتحقق لامحال
والله سنصبح اسياذ العالم فكل كل كل شىء
فى ديننا
فى قرآننا
من اردا الدنيا فعليه بالقرآن ومن اراد الاخره فعليه بالقرآن ومن ارادهما معا فعليه بالقرآن
كنت افهم الحديث ان من اراد الدنيا او الاخره او ارادهما معا فليقرأ قرآن بكثره
ولكن من الله على بأبتلاء ولم يكن لى فيه انيس الا القرآن ففهمت حقا معنى الحديث
وجدت حل مشكلتى فى القرآن
ومن يومها لا اتعرض لشكله الا وبحثت عن ححلها فى القرآن ووالله حتى الان لم ابحث عن امر ولم اجده بل اجد كل ما ابحث عنه
ما فرطنا فى الكتاب من شىء
-----------
سوف اكمل مقالى وانشره قريبا ان شاء الله
حوار فوق الراااائع
الله عليك
حوار جميل اووووووووي
واحلي حاجه فيه اسلوبك البسيط اللي بيوصل بسرعه
عارف
حسيت انني زي البني ادم اللي حاورته
ربنا يهدينا جميعا ويغفر لنا ياااااااارب
جزاك الله خير بجد علي البوستات الرائعه دي
وفي انتظار البقيه
تحياتي
حوار فعلا رائع جدا
ما شاء الله
وبجد هزيت قلبى جدا
جزاك الله خيرا
الثقة بالله عز وجل امر عظيم وهى من شروط لا اله الا الله
وهناك امور لابد للانسان ان يتداركها قبا فوات الاوان والتوبة النصوح من شروطها العزم على عدم العوده لفعل الذنب مهما يكن وبحسب مقاومة الانسان لشواته يكون بعده عن اقتراف الذنب مرة اخرى فلو ان شخص لمس سلك كهرباء وصعقه التيار فهل سيكرر لمس السلك مرة اخرى فكذالك يجب ان يكون تعاملنا مع الذنوب
بارك الله فيك اخى د حماس ووفقك الله لما يحب ويرضى وجمعنا الله واياك فى جنات النعيم
السلام عليكم..
بشرك الله بالجنة.. والله لقد أثلجت صدورنا بكلماتك.. وأعدت إليها كثيراً من الطمأنينة
بالنسبة لرد الأخت KEMET
فالله يقول: (أولئك الذين هدي الله فبهداهم اقتده)
ثم إن الثقة بالله شئ من الغيمان.. والغيمان لا شك يزيد وينقص.. وليس إيمان النبيين كإيمان الصديقين كغيمان الشهداء والصالحين.. وكذلك الثقة.. تزيد بزيادة الغيمان وتنقص بنقصانه.. و(فاتقوا الله ما استطعتم)..
والعبد الواثق بالله هو المستفيد الأول والأخير من هذه الثقة..
لك محبتي
حوار بسيط
يحمل المغزى الأعمق
استمتع بالقراءة كثيراً
متمردة ،، Rebellious
استمتعت جدا بقراءتة تقبل مروري ولن تكون اخر تعليقة باذن الله
اخي دكتور حماس
بارك الله فيك و جزاك الله خيرا
موضوع قيم جعله الله في ميزان حسناتك
دمت في امان الله
nice blog. nahnu ma'akum aidlan
السلام عليكم
...........
انا زعلانه منك جدا يادكتور انت بطلت تزورني ولا تعبرني
..........
تقبل مروري
تحيـــــــــــاتي:)
السلام عليكم ورحمة الله وبركاته
بارك الله فيك
وجزاكم الله خيرا نود مشاركتكم معنا في الحوار المفتوح مع مدونة عاشقة النقاب
لمتابعة الحوار وطلب المشاركة في الحوار ومعرفة يوم الحوار إضغط علي ملف التعريف
أو
كن معنا علي هذا الرابط
http://akhbarhawety.blogspot.com/
مع تحيات رابطة هويتي إسلامية
السلام عليكم ورحمة الله وبركاته
بارك الله فيك
وجزاكم الله خيرا نود مشاركتكم معنا في الحوار المفتوح مع مدونة عاشقة النقاب
لمتابعة الحوار وطلب المشاركة في الحوار ومعرفة يوم الحوار إضغط علي ملف التعريف
أو
كن معنا علي هذا الرابط
http://akhbarhawety.blogspot.com/
مع تحيات رابطة هويتي إسلامية
أختنا الدكتورة سحر أضافت تعليق جميل
و رد على الجملة المذكورة بالتحديث أكثر من رائع
لكن لا أدرى لماذا حذفت تعليقاتها
لعله عن طريق الخطأ
و لعل سبب الحذف خيرا
ننتظر منها أن تعيد تعليقها مرة أخرى
جزاها الله خيرا
د.حماس
====================
السلام عليكم
عدت مرة اخرى في المدونة الرائعه
و اعذرني للي حصل
بالنسبة لتعليقي على كلام الاخت كيمت بان رد اللي بكلمه ممكن يكون المعجزات خاصه بالرسل و الانبياء بس
الحقيقة لا
يعني احنا في مهنة الطب بنقول مثلا العلاج كذا و كذا و بنعمل اللي علينا و في حالات بنقول مثلا مزمنه او حتفضل كده بس سبحان الله تلاقي بدعاء و قرب المريض و اهله من ربنا يشفى تماما ... دي حاجة او مثال دال على ان ربنا على كل شئ قدير
و الاية دي تكفي
" و من يتق الله يجعل له مخرجا و يرزقه من حيث لا يحتسب "
شكرا ليك دكتور حماس
تحياااااااااااااتي
و اسفه للاطاله
كل عام وأنتم بخير بمناسبة رأس السنة الهجرية.
يارب تكون سنة جديدة تحمل فى طياتها الامل لغد مشرق .
نرجو نكم مشاركتنا بأقتراحاتكم وأرائكم فى الرابطة
نحتاج مشاركتكم الفعالة
"رابطة هويتى اسلامية"
جزاك الله خير
اللهم ارزقنا صدق الثقه بك وحسن التكول عليه وتفويض الامر اليك
تقبل خالص تحياتي
الله أكبر
الثقة
موضوع كنا بنتكلم فيه من يومين
وكانت حلقة رائعة والله
سبحان الله
الأمة فعلا بحاجة الى احيائه فينا من جديد
أنبه على نقطة ذكرها أخونا الكريم د.حماس
وهي أن العبد الواثق في الله..يغير الله له نواميس الكون
ويحقق له المعجزات..وأمثلة على ذلك كثيرة
منها..أن تنقلب النار المحرقة-بطبيعتها-بردا وسلاما-معجزة من الله-لابراهيم الواثق حين قال حسبي الله ونعم الوكيل
ومنها كذلك أن يُعمى المشركون عن ؤية النبي وصاحبه في الغار رغم أن الموقف بالحسابات البشرية دعى سيدنا ابا بكر لان يقول:لو نظر أحدهم تحت قدميه لرآنا ولكن لثقة النبي الحبيب-صلى الله عليه وسلم الذي قال لصاحبه..لا تحزن ان الله معنا
ما ظنك باثنين الله ثالثهما؟
بفضل الله الذي رزق نبينا هذه الثقة عاد القوم وما رأوهم!! معجزة!!
وطبعا قصة سيدنا موسى التي ذكرها أخونا الكريم..معجزة!!
فعلا...ثقة في الله=معجزة+شيء خارق للعادة
فمن يريد تحقيق المعجزات في عمله ودعوته ما عليه الا أن يثق بالله
والثقة..أنواع متعددة
منها الثقة بالله
والثقة في نصر الله
والثقة بالنفس
والثقة في المنهج
والثقة في القائد
والثقة في الجنود
والثقة بين الجنود..
أرجو أن يكون الأخ محمد ينوى تكملة الموضوع للنهاية لأن أسلوبه في العرض والحكاية ...ما شاء الله
نريد أن نستفيد منكم فلا تحرمونا
تقبل الله منكم
خادمة المسجد الأقصى
الله أكبر
الثقة
موضوع كنا بنتكلم فيه من يومين
وكانت حلقة رائعة والله
سبحان الله
الأمة فعلا بحاجة الى احيائه فينا من جديد
أنبه على نقطة ذكرها أخونا الكريم د.حماس
وهي أن العبد الواثق في الله..يغير الله له نواميس الكون
ويحقق له المعجزات..وأمثلة على ذلك كثيرة
منها..أن تنقلب النار المحرقة-بطبيعتها-بردا وسلاما-معجزة من الله-لابراهيم الواثق حين قال حسبي الله ونعم الوكيل
ومنها كذلك أن يُعمى المشركون عن ؤية النبي وصاحبه في الغار رغم أن الموقف بالحسابات البشرية دعى سيدنا ابا بكر لان يقول:لو نظر أحدهم تحت قدميه لرآنا ولكن لثقة النبي الحبيب-صلى الله عليه وسلم الذي قال لصاحبه..لا تحزن ان الله معنا
ما ظنك باثنين الله ثالثهما؟
بفضل الله الذي رزق نبينا هذه الثقة عاد القوم وما رأوهم!! معجزة!!
وطبعا قصة سيدنا موسى التي ذكرها أخونا الكريم..معجزة!!
فعلا...ثقة في الله=معجزة+شيء خارق للعادة
فمن يريد تحقيق المعجزات في عمله ودعوته ما عليه الا أن يثق بالله
والثقة..أنواع متعددة
منها الثقة بالله
والثقة في نصر الله
والثقة بالنفس
والثقة في المنهج
والثقة في القائد
والثقة في الجنود
والثقة بين الجنود..
أرجو أن يكون الأخ محمد ينوى تكملة الموضوع للنهاية لأن أسلوبه في العرض والحكاية ...ما شاء الله
نريد أن نستفيد منكم فلا تحرمونا
تقبل الله منكم
خادمة المسجد الأقصى
حوار اكتر من رائع
واسئله بتدور جوانا وكتير مننا مش بيلاقولها اجابه بس اعتقد ان كل شئ اتفسر دلوقتي ومفيش اعذار تفصلنا عن طاعه الله سبحانه وتعالي
د. حماس جزاك الله خيرا علي الافاده
واعاننا الله جميعا علي طاعته وتجنب نواهيه
.
ومين فينا صالح او كامل تماما
كلنا بنغلط بس مش بنيأس لأن كلنا طامع فى رحمه الله
أساسا كلنا يعلم ان محدش فينا داخل الجنه بعمله
لكن خطأ البنى ادم دايما وتوبته
أنما لشديد ثقته فى الله
أنه غفور وانه رحيم وانه تواب
لذلك نخجل من أخطائنا لكننا لا نخجل من طلب العفو من الخالق
.
جميل
جزاكم الله خيرا
هانتظر ردكم
جزاك الله خيرا
حوار جميل لخصت مشكله
كتير بناعنى منها
اما بخصوص الانبياء وسيدنا موسى
فاحنا لما بنحب نهرب بنقول دول انبياء واحنا مش فى زمن المعجزات
لكن المقصود من ذكر القصه فى القران استخلاص المعنى مش انتظار المعجزه .
تقبل تحياتى
أعانكم الله ووفقكم لما يحب ويرضى
ويسر لكم الخير كله
_____________________________
تدوينة شيقة ماشاء الله تقبل الله منكم
بسم الله الرحمن الرحيم
السلام عليكم ورحمة الله وبركاته
اخى الكريم د/حماس تحياتى وتقديرى
ربما تكون اول مرة اعلق فيها بس انا متابع لمدونتكم الجميلة منذ فترة واللى خلانى اعلق النهارده انه كان فيه حوار مع احد الاخوة وقال الجمله بتاعة زمن المعجزات انتهى وكده
وده على طول فكرنى بيك وبمدونتك واكن ردى عليه اننا لازم نثق فى الله ونعرف كويس ان الله لايجرب وذكرت له قصة الطفل اللى كان بيركب مركب عشان يروح للشيخ اللى بيحفظه قرءان وكان دايما يتأخر وجه الشيخ مرة وقاله ماانت لو حفظت كويس وصليت كويس واتوكلت على الله ووثقت فيه هتبقى مش محتاج تركب المركب وهتمشى على الميه ورجع الطفل وسال والده هل كلام الشيخ ده مظبوط وكان رد الاب بالتاكيد على ده وفعلا الطفل حفظ وصلى واخلص النيه لله وراح عند البحر ورفض يركب المركب مع اقرانه ومشى على الميه ووصل قبلهم
والطفل هنا لاهو نبى ولا هو رسول انما مجرد طفل عادى بس اخد الكلام بثقه وصدقه فعلا وعشان كده عمل اللى احنا ممكن نقول عليه معجزة
ربنا يكرمك ودايما تفيدنا بحواراتك وخطبك الممتعه للقلب والنفس وبارك الله فيك
اسف على الاطاله وتقبل مرورى وتحياتى
والسلام عليكم ورحمة الله وبركاته
عجبنى الحوار جدا واستفدت منه انا شخصيا
ربنا يفتح عليك كمان وكمان
تحياتى لحضرتك
مدونة في غاية الروعه واتمني زيارتك الي مدونتي لنتبادل الافادات فيما بيننا
يارب يا كريم أسعد قلبه ويسر أمره ووفقه لما تحب وترضى وبارك له وفيه
في انتظار الجزء الثاني
من القلب الواثق ..
سبحااااااااان الله
كنت لسه في لقاءي التربوي الأخير
أتحدث عن اليقين
كنا نتحدث بشكل عام عن التربية وفقه الأولويات ولماذا نعصي ولماذا لا نطيع
الأمر جله يتعلق باليقين في الله
فلو عندي يقين في الله
هطلع من مالي لله مؤمن بأنه القائل في الحديث القدسي
"أنفق أ ُنفق عليك"
ونبيه القائل
"مانقص مال من صدقه"
كنت هغض بصري موقن انه هيرزقني النظر الحلال لأنه القائل
"ومن يتق الله يجعل له مخرجا ويرزقه من حيث لايحتسب"
كنت هترك أي عمل يغضب الله موقن بانه
"من ترك شيئا لله عوضه الله خيرا منه"
كنت هاخد بالأسباب وأوقن أن الله لن يضيعني
كنت هستخير وأخد قراري موقن ان ربنا هيختارلي الخير
كنت هتوب موقن ان ربنا فرحان بتوبتي ولو لم نعصي ونتوب لأتى الله بقوما غيرنا يعصوا ويتوبوا
سبحان الله توافق غريب
هذه كلمات قلناها في اللقاء
أحببت ان أنقلها هنا
جزيتم خيرا
واإساماه
واأسفاه يا مسلمين
غزة تحترق تموت تتلاشى ونحن هنا هانئين ناعمين .. اللهم نصرك الذى وعدت
اللهم نصرك الذى وعدت
هيا يا شباب الأمة حى على الجهاد
لا مجال للا عتذار ولا مجال للشجب والادانة نريد رد فعل يزلزل الكيان الصهيونى
اللهم انا ضعفاء فنتصر
اللهم انهم عبيدك ابو ان يركعوا الا لك
فنصرهم نصرا عزيزا اللهم اعزهم وامددهم بكل مايحتاجون
اللهم انا مقصرون فى حقهم فسامحنا يارب
اللهم ان حكامنا وحكام الارض جميعا قد تخاذلو لنصرة
اهلنا فى غزة اللهم اهلكهم
و ولى علينا من يخافك يارب العالمين
....................
الكلام كثير وكثير
غزة يارمز العزة والصمود
غزة هاشم لاتخافوا ولا تحزنو وانتم الاعلون ان شاء الله
>>>>>>>>>>>
عدنا احبتى لاننا نحب كل الناس يجب ان
نعيش الالام معهم
شاركونا فى حملة المليون نوقيع لغزة
السلام عليكم
أخي / أختي في الله
انهض الآن
انفض عن نفسك غبار الألم والحزن
كفانا شجب واستنكار وحزن
كلنا مدانون
وكلنا قد يكون سببا فيما يحدث في غزة
ونحن لا ندري
حاول بما يتأتي لك أن تدفع عنهم ماهم فيه
اصنع شيئا
اخلق فكرة
أنت مسئول أمام الله يوم القيامة
تابعوا الآن
اجتياح غزة ... وماذا بعد ؟؟؟
واجبات عملية لنصرة غزة
علي مدونة
أرض الحرب
فضلا
انشر الرسالة
جزاك الله خيرا
بالفعل..
فان مفاهيم الثقة واليقين والتسليم التام قد تغيب عن اذهاننا فتتشتت الصورة امامنا وبالنهاية لا نلقى سوى ما قدر لنا والفارق الاطمئنان و الشقاء
اشكرك كثيرا على التذكر
وجزاك الله خيرا
اما عن زمن المعجزات..
نعم انه انتهى لكن الله باق!!
ان الله لا يغير مابقوم حتى يغيروا ما بانفسهم....والناظر فى احوال الناس يدرك حصول المعجزات الان ولكن ليس بفلق البحر وشق الارض..ولكن بتتدابير الامور...فاللهم ارزقنا اليقين
تحياتى
السلام عليكم ورحمة الله وبركاته
قال رسول الله صلى الله عليه وسلم: من لم يهتم بأمر المسلمين فليس منهم
الرجاء دخول الرابط ضروري جدا
http://www.rekaaz.com/vb/showthread.php?p=141435#post141435
يلا يا مسلم ورينا بصمتك
وجزاكم الله خيرا
غربتي
غزة تحترق..غزة تباد
عجزة الأنظمة علي إنقاذها
أو تواطئوا علي إبادتها
من أجل سلطانهم الزائل
نحن ماذا نقدم حتي لو كنا مكبلين بالحديد والنار
شاركنا مقترحاتك العملية لنا كشعب من أجل
نصرة إخواننا الذي سوف نسأل عنهم
أمام الله وأمام التاريخ وأمام الإنسانية جمعاء
نتلقي اقتراحاتكم علي مدونة مواطنون ضد الشعب
www.moatnondedelsh3ab.blogspot.com
فينك يا دكتور
يارب تكون بخير
كل سنه وانت طيب
ويارب تكون سنه هجريه وميلاديه سعيده عليك يارب
دمت بكل خير وود
تحياتي
ربنا يهديك للصواب و يريح قلبك
حوار جميل مع النفس استمتعت بيه جدا
تحياتى
الله اكبر ولله الحمد
تكبير
الله اكبر
الله غايتنا
القران دستورنا
والرسول قضوتنا
والجهاد سبيلنا
والموت فى سبيل الله اسمى امانينا
خيبر خيبر يايهود جيش محمد هنا موجود
الانتقام الانتقام ياكتائب القسام
يازهار قل لهنية
لاتنازل عن البندقيه
يارب يارب
انصر دينك
اول مطلب للجماهير فتح معبر
طرد سفير
ثانى مطلب للجماهير
وقف الغاز عن اسرائيل
يا سفير الخنازير
اخرج بره ارض النيل
قلها يا اخى لاتخف
اصرخ يا اخى لا تخف
انطلق اخرج
قاوم جاهد
مع اخوانك
اصرخ فى وجه الطغيان
نريد النصره لحماس
انطق يا اخى اخوانك يقتلون
اصرخ اغضب
اتحرك انطلق
ما عاد وقت للصمتى او للخزى او للعار
اخوانك يجاهدون
وانت ماذا تنتظر
اصطفاهم الله باشهادة
اترك الدنيا يا اخى
لك الحور العين لك جنات
عرضها السماوت والارض
لك القصور والذهب
وما تشتهى الانفس
انطق يا اخى لن تموت
بل ستحيا
اصرخ فى وجه
خائن
اصرخ فى وجه عميل لليهود
اصرخ فى وجه ظالم متعاون
اخرج لنصرة اخوانك
حى على الجهاد
حى على الجهاد
حى على الجهاد
جاهد بالكلمة
جاهد بالعمل
جاهد بالتبرع
جاهد بالمقاطعة
جاهد بكل الوسائل
جاهد بالمسيرات
حتى تفتح
الحدود
جاهد جاهد جاهد
لن تموت
بل ستحيا
حياة الخلود
النفس البشريه متقلبة الحال ودى طبيعتها
ربنا يهدينا للصواب دايما ويثبتنا على طاعته وطريقه عز وجل
المرشد العام يطالب المسلمين بالتحرك لنجدة غزة... كتائب شهداء الأقصى وسرايا القدس وباقي فصائل المقاومة تعلن أنها تقاتل جنبًا إلى جنب مع كتائب القسام وتقول إنها معركة الفرقان كما أعلنت القسام... الجيش الصهيوني يسحب أجهزة اللاسلكي من جنوده بعد اختراق حماس لها... سلطات الاحتلال تطلب من المغتصبين على بعد 40 كم من غزة التزام الملاجئ... مصادر صهيونية تعترف بسقوط قتلى و25 جريحًا بين قواتها... الاشتباكات بين المقاومة الفلسطينية وجيش الاحتلال تدور في محيط 2 كلم فقط... كتائب القسام قصفت العدو اليوم بـ 24 صاروخًا و17 قذيفة هاون و4 عبوات ناسفة... أنباء صهيونية عن ارتفاع القتلى في صفوف جيش الاحتلال إلى 9 من بينهم قائد لواء جولاني... جيش الاحتلال يؤكد سقوط 5 صواريخ للقسام في النقب... القسام تحاصر أكثر من 12 جنديًّا صهيونيًّا أعضاء قوة صهيونية خاصة بالقرب من شرق قطاع غزة... نتيجة المقاومة الشرسة مجلس الأمن يعقد اجتماعًا خاصًّا لبحث الأوضاع في غزة بعد ساعتين من الآن... توغل قوة صهيونية خاصة في منطقة رفح... إعلاميون صهاينة: حماس نجحت في شن حرب نفسية على الجيش الصهيوني... مصادر إعلامية صهيونية تؤكد التفاف المقاومة على جنود الاحتلال من الخلف مستخدمين الأنفاق... القناة العاشرة الصهيونية تعترف ببطء العملية العسكرية في غزة نظرًا للمقاومة الشرسة... الرقابة العسكرية الصهيونية تفرض حظرًا إعلاميًّا على مجريات الأحداث في الحرب الدائرة داخل قطاع غزة بعد الأنباء عن وقوع قتلى وجرحى في صفوفهم... كتائب القسام تؤكد أنها تحاصر قوتين صهيونيتين في رفح وشرق قطاع غزة... كتائب القسام تعلن اختراقها لموجة اللاسكي الخاصة بالجيش الصهيوني وأنها سمعت من خلاله التبليغ عن مقتل 5 جنود صهاينة وإصابة 21
السلام عليكم ورحمة الله وبركاته
شاركنا برأيك لنقوم بواجبنا تجاه أمتنا
نرجو قراءة الرسالة وإبداء رأيك بموضوعية
****** حمله المقاطعه
لا تستطيع ان تجاهد
لاتستطيع ان تتظاهر
لا تستطيع ان تتبرع بالمال
اذن قاطع وادعو غيرك للمقاطعه
منتجات كل من يدعم العدو
**** هل تعلم أن:-
1- شركه ستار بوكس(للكافيهات والقهوة) تدعم العدو ب 2 مليار سنويا من ارباحها
2- شركة فليب موريس (مارلبورو & مريت ) تدعم العدو وتدفع بصفة يومية ما مقدارة 12% من ارباحها.وعليه فإن مدخني العالم الإسلامي فقط يدفعون كل صباح 12 مليون دولار اي ما قيمته طائرة اف-16 كل اربعة ايام .
*** قائمة المقاطعة
ستار بوكس
ماكدونالدز
برجر كينج
كنتاكي
بيترا كينج
كوكاكولا
بيبسي
فردركرز
شيليز
لنوقف شراء البضائع الأمريكية والبريطانية لشهر واحد فقط
سوف تكون تكلفة هذا الشهر عليهم خسائر مقدارها
37 بليون دولار
***
معسكر القسام
واجبات عملية
لقد قمت بترجمت كلمات الأخ الكريم أبو خيري " كلمة حق " إلي واجبات عملية نعمل بها إلي أن نكون في معسكر القسام كمدونين خصوصا ومن أراد أن يعرف واجباته العملية كفرد عادي دون تخصص المدونين عليه أن يرجع إلي"
1: علي كل مدون أن يدعوا إلي فتح باب الجهاد فورا ويضع له ما يعبر عن هذا في مدونته.
2: علي كل مدون يريد أن يكون في معسكر القسام أن يضع علي الشريط الجانبي دعوة إلي المقاطعة ويصمم بنر أو شعار لهذه المقاطعة ويضعها علي مدونته.
3: علي كل مدون أن يدعوا الجميع إلي الجهاد بالمال وذلك أيضا عبر مدونته.
4: علي كل مدون أن يدعوا إلي فتح معبر رفح وذلك عبر مدونته.
5: علي كل مدون أن يدعوا الجميع إلي قولة الحق والغضب علي هذه الأنظمة الفاسدة.
6: علي كل مدون أن يدعوا الجميع إلي العودة إلي الإسلام مرة أخري.
7: علي كل مدون أن يدعوا إلي معرفة القضية معرفة جيدة ومعرفة تامة.
هذا وبالله التوفيق
شارك معنا في حوارنا
غزة في قلب مدون
مع المهندس : الحسيني لزومي
الحوار موجود علي الرابطة شارك معنا في الحوار
كن إيجابيا وحاول المشاركة في إنشاء بلوجر فعال
حوارنا مستمر مع المهندس
متي دخلت سجل تعليقك بسؤالك أو إستفسارك بالنسبة للمهندس
مع تحيات
رابطة هويتي إسلامية
جزاك الله كل خير على هذا الحوار الرائع وأعاننا على الوثوق واليقين به عز وجل
حَيَّ عَلَى الْجِهَادِ.. لدعم المقاومة بالسلاح فى مواجهة الآلة العسكرية الصهيونية.
حَيَّ عَلَى الْجِهَادِ.. بالوقت والعلم والمال والدم لتتحقق الوحدة بين كافة طوائف الأمة..
حَيَّ عَلَى الْجِهَادِ.. بفتح المعابر والحدود وأبواب التطوع ودعم المجاهدين بكل الوسائل.
حَيَّ عَلَى الْجِهَادِ.. لتبرأ الأمة إلى ربها من تقصيرها في حق ربها ودينها ورسالتها.
حَيَّ عَلَى الْجِهَادِ.. لنصرة المظلوم وإعادة الحق لأصحابه.
حَيَّ عَلَى الْجِهَادِ.. للوقوف في وجه الظلم والاستبداد والاستكبار الصهيوني غير المسبوق على مرأى ومسمع من العالم بأسره.
حَيَّ عَلَى الْجِهَادِ.. جهادًا نرفع به سقف مواجهتنا لهذه المحرقة لأقصى درجاتها الممكنة.
حَيَّ عَلَى الْجِهَادِ.. لنحسن علاقتنا بربنا ونتقرب إليه وندعوه آناء الليل وأطراف النهار، وبخاصة وقت السحر، لنصرة المجاهدين الصابرين الصامدين.
هل انتهت الحرب علي فلسطين؟
هل انتهي التأمرالرسمي العربي والدولي علي المقاومة؟
كيف نفعل روح المقاومة المدنية بيننا؟
كيف نطور الهبة الشعبية العربية والاسلامية لصالح القضية الفلسطينية ؟
شارك معنا بافكارك واطروحاتك
حتي لايكون جهدنا قبض الريح
مدونة مواطنون ضد الشعب
نحن في انتظارك
رائع اخى الكريم
بورك بك ولا تنسانى من صالح دعائك
اخوك محمد عبد الباسط
حلم كبير
selamun aleykum I'm from Türkiye,from Ankara
جميل الحوار أخي العزيز
وفيه معنى عظيم ألا وهو الثقة بالله
وبصدق سيدنا موسى نبي وكان شق البحر معجزة له عليه السلام
ولكنها مذكوره للعظه والعبره
فالله سبحانه الذي شق البحر مخالفا لكل قوانين الطبيعة المعتاده
وجعله فرقين كل فرق كلجبل العظيم
لقادر على أن يخرجنا من أي هم أو مشكلة
لو أحسنا الظن به والإلتجاء إليه
ويحدث بالفعل
ألم تصادف أحدنا حادث سيارة مثلا من قبل وعندما تنظر للسياره تقول من المستحيل أن يخرج منها أحد حي
ونفاجأ بأن راكبها لم يصب بخدش
وربما هو نفسه لا يعرف كيف نجا
والأمثلة على ذلك كثير
فإن كانت للأنبياء معجزات واضحه وملموسه
فللبشر أيضا خلال حياتهم معجزات بقانون الطبيعه يكونون فيها من الهالكين ولكن سبحان الله ينجيهم دون إدراك منهم لما حدث
تلك نموذج حي لما نمر به خلال رحلة حياتنا
لكن الآيه تبين وتحض على صدق اللجوء لله
فإن الله لا يضيع من لجأ إليه
وأحتمى بحماه
قد يختلف الإسلوب ولكن النتيجة واحده
وتقبل يا أخي خالص تحياتي وتقديري
السلام عليكم
ايه يادكتور الغياب دا كله
فينك يعني مش ظاهر خالص
بجد قلقتنا عليك
يارب ترجع ونتطمن عليك
دمت بكل ود
تحيـــــــــاتي(:
سلام عليكم يا دكتور
القصة جامدة جدا وخفيفة جدا ويا ريت كل اللى يقراها ياخد منها عظة
تحياتى صديقى
سلام
فينك يادكتور حماس
فى إنتظار عودتم
دمت فى حفظ الله
الله عليك يا ابو حميد
انا مبسوط ان يكون اول رد ليا عليك
انى ابارك ليك
والف مبروك بجد انا فرحت لك خصوصا
ولما عرفت انك محمد صبحى
يارب تكون عرفتنى رغم انى متاكد انك مش فاكرنى
السلام عليكم يادكتور انا يشرفنى جدا انى اشاهد تلك المدونة الرائعه بارك الله جهدكم بعد ماريت من جهد رائع فى المدونة
اتشرف بدعوة سياتكم بتشريفنا بلانضمام لنا فى( رابطة مدونون من اجل فلسطين)
ونرجو من حضرتك ترك رحيق عبيرك فى الربطه بتعليق بالموافقة للانضمام معنا من اجل عزتنا وكرمت امتنا الاسلاميه لنصرة اخواننا وارضنا فلسطين الحبيبه
اخوانكم فى رابطه مدونون من اجل فلسطين
http://bloggersforpalestine.blogspot.com/
السلام عليكم ورحمة الله وبركاته
نتقدم بدعوي لك أخي ( أختي ) المدون بمناقشة
محاكمة عادلة
مبارك بين التأييد والرفض
ملف يناقش ويحلل ويضع الحلول
رائيك يهمنا جدا
مع خالص تحياتنا الكتيبة السياسية
والله كنت فاكر اسمك حماس وفاكر إن الصورة صورتك وقلت للأولاد: ماشاء الله ،اسمه حماس وشبه اسماعيل هنية.... فضحكوا جميعا وقالوا: حمدالله على سلامتك ياأبى.
نفع الله بك.
.... وزدنا من الفصحى .
ان شاء الله يكون المانع خير
منتظرين مشاركاتك القيمه
دمت بخير
غربتي
أسأل الله ان يرزقنا الصلاح والفلاح في القول والعمل وان يحفظنا واهلنا واخواننا من كل سوء
وأن يرزقنا قلباً واثقاً ذاكراً خاشعاً
بارك الله فيك أأخي د.حماس وجزاك ربي خير الجزاء
لا تنسوا اخوانكم في غزة من دعائكم
||..بحـــر الدموع..||
الحجاب حقيقة ثابتة أم مجال للتفكير
من باب تناول جميع الأراء وفتح باب النقاش كان لابد أن نتبني في رابطتنا هذا النقاش الذي سوف يجعل من النقاش مرجع للجميع للوصول إلي الحقيقة التي يعرفها البعض وتخفي علي البعض ويحاول البعض تجنبها.
ومن هنا تبنت الرابطة أن تكون هي حجة علي من يدور بينهم النقاش علي صفحاتها.
نفجر الجديد دائما حوارنا اليوم
الحجاب حقيقة ثابتة أم مجال للتفكير
وفيها ننقاش بعض المدونات التي أعلنتها صراحة رفضها للحجاب وحوارنا اليوم موجه إلي مدونة " مذكرات ثائرة ".
ندعوكم للمشاركة في هذا الحوار المفيد
تقبلوا دعوتنا ننتظركم لنستفاد منكم
رابطة هويتي إسلامية
السلام عليكم ورحمة الله وبركاته
دعوة
أخي يا من رفضت سياسة مبارك عليك أن تكمل معنا الطريق حتي لا تكون دعواك دعوة إفتراء دون إثبات
دعوي مرفوعة ضد مبارك بنص ".........................."
أول جلسة
نتمني منك أخي المدون الحضور للجلسة
مع تحياتنا لك بالتوفيق
الكتيبة السياسية
لعله خير ان شاء الله
فى انتظار تدوينة جديدة ان شاء الله
السلام عليكم
طولت الغيبة دكنور حماس لعله خير ان شاء الله
الغيبة طالت ..
:(
الله يجعل السبب خير ..
ربنا ييسر الامور
خير ان شاء الله
السلام عليكم ورحمه الله وبركاته:
حوار مفيد وله أهميه
جزاكم الله خيراً على ذكره لنا
:)
وربنا عز وجل قال فى حديث قدسى :(أنا عند حسن ظن عبدى بى إن كان خيراً فخيرا وإن كان شراً فشرا)
سبحان الله لو فعلا أحسنا الظن بالله فى كووول الأحوال هنلاقى الخير بيسبق الشر ونخجل من نفسنا قبل ما نقدم على اى معصيه وهيه دى الثقه اللى المفروض تبقى فى قلوبنا ديماً
أنا لما بحس بنفسى بدأت أمل بين المعصيه والتوبه بلاقى ربنا كريييييييييم أوووى ورحييييييييييييم أوووى فبقول لأ أنا لازم اصبر واصمد واجاهد نفسى اكيد كل إنسان بيغلط وخير الخطائين التوابين ..لالا لسه فيه توبه وتوبه وألف مليون توبه ربنا موجود
فعلاً تطاع ربنا فتشكر وتعصى ربنا فتغفر.
أفادكم الله
أول زيارة ليه للمدونه:
مدونه هادفه جعله الله فى ميزان حسناتكم
وجزاكم الله خيراً كتيرا
حضرتك طولت اوى يادكتور حماس ياريت بس لو تكتب اى حاجة لمجرد الاطمئنان عليك فنحن فى انتظار لكتباتك الصادقة ولعل المانع خيرا
حوار رائع بجد
بارك الله فيك
انا فعلا حسيت ان الحوار متطابق معى
ونفسى فعلا اصل للدرجة الثقه دى
ربنا يثبتنا جميعا
جزاكم الله خيرا
حوار رائع بجد
بارك الله فيك
انا حسيت فعلا انه متطابق معى
ونفسى فعلا اوصل لدرجة الثقه
وربنا يثبتنا جميعا
جزاكم الله خير
إرسال تعليق