والله أنا .. تخيلوا؟
بس بصراحة مش مستوعبه !!!!!!!!!؟
دخلت صفحة المدونة علي موقع عمرانية وبدأت اتصفح البوستات القديمة كلها
وفجأة؟ ايه ده؟ انا اللي كتبت الحاجات دي؟ايه العقل الل نزل عليا ده؟
ماشاء الله عليا دا انا كنت عاقلة وبكتب كلام عاقل .. مع العلم باني لما كنت بكتب الحاجات دي كنت بحسها تافهة وعبيطة
لما التافه العبيط يبقي كلام كبير بالنسبة للي بيكتب الوقتي يبقي اللي بيكتب الوقتي ايه؟
حقيقي حسيت انه مش انا دي .. دي حد تاني
صحيح ماكانش كله كلام عاقل .. كان فيه حاجات فظيييييييعة كنت كتبتها وبعدين عملتها درافت .. كلام عبيط كده
بس كان فيه حاجات عاقلة بتفلت كده ساعات
المهم؟
هل فيه فعلا بوست أهبل وبوست عاقل؟
يعني لما أكتب بوست أعبر فيه عن اي حاجة بحسها سواء كنت هطق من الغيظ او هفرقع من السعادة يبقي بوست عبيط؟
ممكن الحاجات القديمة دي تبقي مهمة في وقتها وكمان الحاجات بتاعة الايام دي مهمة في وقتها
تماما زي الاحلام
هل فيه حلم ساذج؟
يعني احنا مثلا او اي حد عايش لفكرة معينة بتكون كل أحلامه مرتبطة الفكرة بتاعته
طيب لما تبقي حاجة بسيطة جدا بيحلم بيها ومالهاش اي علاقة بالفكرة
يعني انا مثلا فيه حاجة بجد امووووووت واعملها ومش متوفرة الوقتي
ومالهاش اي علاقة بفكرتي . ومش هتضيف اي حاجة للدنيا غير انها هتسعدني بجد
ممكن تخليني اسعد واحدة في الدنيا .. لا ده أكيد
بس مش هتحقق اي حاجة مباشرة في جانب هدفي او فكرتي
تبقي كده ساذجة؟
بصوا بقي البوست ده حاجة كده اي كلام
وبقالي كتير ماكتبتش حاجة وعندي رغبة ملحة في الكتابة
وهقعد اكتب حاجات مالهاش علاقة ببعض
انا بقول قبل ما تكملوا اللي عنده استعداد يكمل يتفضل
اللي مش عنده بلاش يضيع وقت علشان مش هيستفيد حاجة
وماحدش يسأل ايه اللي حصلي
ده ممكن يكون انتعاش بسبب الجو البارد والمطر
أنا اصلا بموووووووت في البرد والمطر
بحب أوي البرد والكابتشينو مع بعض ولو الحالة متدهورة بيبقي كوفي ميكس علشان كتير مش بلاقي الكابتشينو اللي بحبه
هو انا كده بحب الحاجات النادرة
أوقات بحس ان انا بحب كل الحاجات اللي في الدنيا
بحب البرد والحر والشروق الغروب والليل والنهار
بحب البرد والمطر والكابتشينو والروب التقيل وانا واقفة فوق بيتنا في النهار او وقت الشروق واشوف العصافير والطيور وهي بتطير وشكلها حلو اوي , وبحب الغراب الغتيت اللي بييجي يطاردهم ويفركشهم هو ممكن يكون بيخوفهم وبكرهه علشان كده بس في نفس الوقت بيعمل جو وحركة
وبحب الصيف والايس كريم والمانجا وانا واقفه فوق بيتنا في الليل وبشوف البومة اللي واقفة ع الشجرة الكبيرة جنب البيت
الناس بتتشائم من البومة بس انا بحبها علشان بتحب السهر زيي وبتقف معايا بالليل لما كل الناس بتنام
وبحب أكون لوحدي كمان بس هي لما بتكون معايا مش بتتكلم وبحبها علشان كده
بحب الشمس في اول شروقها وبحب أول شعاع ليها ع الارض بتحسسني بالتفاؤل والحيوية وبتخليني احب كل حاجة حواليا
بحب اشوفها وانا بسمع أناشيد رتمها سريع وايقاعها عالي
وبحب اشوفها في الغروب واسمع اناشيد هادية
وبحب كل الاناشيد بس مش بحب المنشدين المايعين
وبحب مكان جميل أوي ليه علاقة بالحلم اللي فوق وبتمني ازوره واعيش فيه بس فترة بسيطة علشان ارجع لفكرتي مرة تانية
هو مكان بعيد شوية بس جميل جدا جدا جدا
مكان بقرا عنه في الروايات والقصائد وبغمض عنيا واشوف نفسي هناك
الايام دي حاسة اني متفائلة جدا مش عارفة ليه
حاسة اني بحب كل الناس وكل حاجة حوالي ... وشايفة كل شئ جميل وصافي ومتفائل
مش عارفة ليه بس هو كده
وحاسة اني عاوزة اكتب حاجات كتيــــــــــر اوي
بس كمان حاسة اني صدعتكم
بصراحة بحب اصدعكم
ماحدش قالكم تكملوا انا حذرتكم
سامعة حد بيقول واحنا مالنا بكل اللي انت كاتباه
هقوله ماحدش قالك تقرا اصلا
هههههههههههههههههه
مش عارفة اذا كان ده ينتمي لمجموعة الموضوعات العبيطة
بس عارفة ومتأكده ان دي انا .. علي الاقل الايام دي :)
14 comments:
بل العكس تمامًا..
أعتقد ان البوست دا من أجل البوستات اللي ممكن تكتبيها
التلقائية شيء رائع ..
ولا أخفي عليكِ أن جو التفاؤل والسعادة المشبع به هذه التدوينة انتشر اليّ شخصيُا :)
السعادة والبسمة والتفاؤل مشاعر معدية ..وهذا اجمل ما فيها ..
حقيقي ابتسمت-بصدق-للبوست اللذيذ دا
واذا كنتي بتعتبريه عبيط فياريت تبقى كلّ البوستات كده :)
أخوكم
السلام عليكم
ماحدش قالكم تكملوا انا حذرتكم
سامعة حد بيقول واحنا مالنا بكل اللي انت كاتباه
هقوله ماحدش قالك تقرا اصلا
هههههههههههههههههه
تعرفي ان انا كنت هقووول كدا فعلا لو انتي مكنتيش قولتيه
بس بصراحه بوست جامد وفيه شئ من السعاده والحب وأحلي ما فيه هو ان انتي بقيتي تحبي كل الناس
ولكن السبب مجهول هذا هو الأجمل
لأني أعتقد أن السبب هو الحب في الله
وهو من أفضل أنواع الحب وأرقاهم
تقبلي مروري
ادام الله عليك نعمة صفاء النفس وهدوء الروح وانطلاق الخاطر
انها فعلا حالة ممتعة قلما نعيشها وسط تلاحم الاحداث وتراكم الهموم وتجدد المشاكل
اشاركك حب السهر وكره المنشدين المائعين
lol
علشان كده عمرى مابرجع لأرشيف مدونتى
هههه
ربنا ينفعنا بفهمك العالى
جزاكم الله خيرا
السلام عليكم ورحمة الله وبركاته
جميل جدا البوست ده واجمل حاجة فيه ان الكلام بسيط ومن القلب ,في اوقات بنقعد نوزن الكلام ونرتبه مع ان اجمل شيء ان يخرج الكلام هكذا من القلب طالما لم يوجد فيه مايغضب الله عزوجل
واجمل شيء في البوست هو وصفكم للاشياء يعني عجبني جدا حتة الغراب اللي بيعمل حركة تعبير رائع جدا مع اني بحب الغراب من غير اي حاجة اصل بحس انه حكيم شوية وبعدين كفاية هو اللي ربنا اختاره ان يعلم الانسان ان يدفن موتاه
وبعدين ايه موقع عمرانية ده!! اصل العمرانية دول ولاد عمنا بس معقول يكون عمله لنفسهم موقع !! يكونوا فاكرين نفسهم لندن اما يعملوا موقع
:)
بارك الله فيكم واحسن الله اليكم
ههههههههههههههههههههه
:) هههههههههههههه :)
ربنا يديمها علينا نعمة كتاباتك وكلماتك وايه تانى ياريت كمان صحبتك يا جميل
صحيح هى البومة أخبارها ايه ؟
ههههههههههههههههههههههه
وحشتينا وحشة جامدة يا فتاة هلمى نتوق لللقيا شوفتى بكتبلك غزل ازاى ههههههههه هههههههههههه
سلااااام هقولك الباقى بينى وبينك
السلام عليكم
بوركتى اختى فى الله المدونه
راااائعه
ربنا يجعلك منها صوت للحق والامه ونشر الخير والدعوه
اختكم
عاشقة الشهاده
صاحبة مدونة
خليك جرئ
noor_eldeen35
جزاكم الله خيرا كثيرا
الحمد لله انه أدخل السورو علي قلب حضرتك
لا
ماهو مش هينفع اكمل عبيط
:)
حضرتك نورت
مهندس/ علي درويش
الحمد لله اني قولتها لنفسي الاول
:)
جزاكم الله خيرا
أدام الله علينا الحب فيه
فلاحياة بلا حب الله والحب فيه
حضرتك شرفتنا
أستاذنا الفاضل/ د. ايهاب
جزاكم الله خيرا
اللهم آمين ولكم بالمثل وأكثر
أسأل الله أن يديمها علينا وعليكم
أتمني من الله أن يمن علينا بزيارتمك الكريمة دائما
Dr. Nassif
لا انا عادة بحب ارجع اشوف والاحظ واراقب التغيرات
لان التغيرات في المدونة هي تغيرات فيا انا شخصيا
لا خالص علي فكرة
انا كنت بشوف الموقع قدرا
هههههههههههههههه
قول ربنا يرزقني الفهم الاول وينفعني بيه
وبعد كده ينفع بيه اي حد مش مشكلة
:)
نورتنا
الفاتح الجعفري
وعليكم السلام ورحمة الله وبركاته
جزاكم الله خيرا
فعلا الغراب طائر مظلوم
والبومة كمان
عمرانية ده موقع بيجمع المدونات المصرية وبيعرض اخر تحديثات
www.omraneya.net
لكن مش عارفة مين عمرانية ولاد عم حضرتك بس هي أكيد مش لندن
:)
جزاكم الله خيرا
دييييييييييييييييدي
سيادتك داخلة تضحكي عليا
طيب مااااااااااااااااااااااااشي
البومة في الصبف بس حضرتك
أنا اصلا كنت فاكراها حمامة
بس ابي قالي انها بومة
مافيش حمام بيطير بالليل
:))
غزل؟
هو ده بقي غزل البنات؟
ههههههههههههههههههه
نوررررررررررررررررررررررتي
عاشقة الشهادة
جزاكم الله خيرا حبيبتي
زيارتك اجمل
نورتي
Post a Comment