المشاركات
اعْتِذَارٌ لِلَيْلَى... كُلُّنَا لَيْلَى
"افتحي رجليكي يا حيوانة"
وصفعها بيد بهيمية على فخذيها!
شعرت وكأن الصفعة على وجهي وكياني بأكمله!!
كان أسلوب التعامل مع السيدات اللاتي يأتين ليضعن أطفالهم في هذا المستشفى المجاني ليس بالأسلوب الإنساني ولا المتحضر ولا المهني بشكل عام ولكن هذه الفتاة/السيدة بوجه خاص تلقت معاملة "خاصة" لظروفها "الخاصة"...
كانت قد أتت في سيارة أجرة وهي على وشك الولادة بل أن رأس الجنين كانت بالفعل بدأت تشق طريقها نحو العالم الخارجي...
لم يكن لديها وثيقة زواج ولم يكن معها أحد من أهلها...
لم أعرف لها اسما (ربما كان اسمها رشا أو دينا لا أتذكر)، ولكن كانت الحالة غير مستوفاة لأوراق التسجيل والتي على رأسها وثيقة الزواج وشخص (ذكر) من عائلة "الزوج" ليشهد بصحة نسب الطفلة "للأب" الذي ستدلي باسمه "الأم"...
بشكل ما أو بآخر تداولت ألسنة الأطباء والممرضات "طبيعة" هذه "الحالة" التي هي فتاة لا زوج لها أتت لتضع مولودها...
فتاة تبلغ من العمر ما لا يزيد عن ثمانية عشر عاما ولا زوج لها وتأتي بمفردها للمستشفى الحكومي الذي كنت طبيب امتياز به كانت هي "حيثيات" الحالة الماثلة أمامنا وكانت كفيلة بأن تجعل الجميع يتعاملون معها باعتبارها "عاهرة"... لو أتت في مرحلة مبكرة من الولادة فقط بعدة دقائق لكانوا طردوها لتلد طفلها (أو طفلتها) في الشارع أو لتلقى حتفها بعيدا عن "المستشفى الطاهر" بأطبائه وممرضاته الطاهرين والطاهرات!!
صعقت عندما دوت صفعة "الطبيب" على فخذي الفتاة متزامنة مع فحش العبارة التي وجهها إليها "افتحي رجليكي يا حيوانة"!!
شعرت بالعجز والشلل ولم أعرف ماذا أفعل...
وددت لو كان بإمكاني أن أصفع الطبيب على وجهه... شعرت بالعجز وقلة الحيلة وربما لو كان الزمان غير الزمان وطبيعة شخصيتي كانت غير تلك الطبيعة في ذلك الوقت لكنت وثَّقتُ الحالة وشكوت الراجل للنقابة أو سعيت لأن يتم عقابه بحال من الأحوال...
لكنني في كل الأحوال... لم أفعل شيئا!!!
38 comments:
تفتكر لو كانت طبيبة كانت عاملتها باسلوب افضل ؟؟ دي مشكلة مجتمع كامل
اليست مهنته تحتم عليه ان ينقذ اى مريض حتى ولو كانت عاهرة
وهل ولى نفسه مكان الله فى الارض لمحاسبة الناس
وهل تناسى يمين ابوقراط
ياترى الجزار اللى كان بيعمل العملية دى متخرج من انهى سلخانة
حقيقى مجتمع متخلف
يا مينا احنا لسه فيها ممكن تروح للدكتور ده لو لسه فاكره وتديله بالقلم على خلقة امه وتقول له افتح رجلك يا حيوان
"لا زوج لها" مش سبب يخلي الشخص الغير آدمي ده يعاملها كده (مش قادر أقول عليه طبيب)...
ده شبه قوي اللي بيحصل في الاقسام للمتهمين والمشتبه فيهم... الراجل اللي في ايده سلطه او في موقف قوة انه يهين ويذل غيره بيعمل كده وهو شايف ان ده اوكي.. لأنه شايف ان اللي قدامه "يستاهل".."هو اللي جابه لنفسه"
منطق حيواني همجي
الواقع أنه - كما ذكرت - في الأغلب لم يكونوا ليقبلوها في المستشفى الحكومي.
أثناء فترة الامتياز في قصر العيني، كانت قسيمة الزواج و بطاقة الزوج شرطاً لاستخراج "إذن قبول"، و بالتالي السماح للمرأة - التي هي على وشك الولادة فعلاً - بالدخول لتلد في الغابة الصغيرة المعروفة "بكشك الولادة".
لا أظن يا مينا أن هذه الممارسة خاصة بطبيب واحد، هي اتجاه عام لدى أطباء النساء يحتاج لفهم أصوله و خلفياته...
خلتني اعيط يا شيخ
يا ترى عاملة ايه دلوقت
يا اخي انت بتشيلني الهم ليه؟
karakib
بالطبع هي مشكلة مجتمع... ولو توافرت لدي الشجاعة الكافية يوما لحكيت الكثير من فضائحنا "طبيبات وأطباء" والتي قهرنا بها العديدين والعديدات بألوهية مفرطة وتسلط أبوي ذكوري قذر... من قال أن "الذكورية" مرض يصيب الذكور فقط؟؟؟ لدي حكايات وتفاصيل مفزعة في هذا السياق... أتمنى أن تأتيني الشجاعة يوما لأدون اعترافاتي
Desert cat
المشكلة أننا كلنا - بشكل أو بآخر - هذا الرجل يا حنان!
Wael Abbas
الدكتور دا بالرغم إنه شخص حقيقي واقعي من لحم ودم إلا إنه - على صعيد آخر - أيقونة تجسد أطباء وطبيبات مصر خصوصا أخصائيي النساء والتوليد والممارسين العموميين الذين كنت يوما أحدهم... أنا لم أكن أصفع "مريضاتي" ولا أسبهن - إلا نادرا لخوفي عليهن من الموت - ولكن كنت بالطبع أشخط بقوة أبوية قائلا نفس عبارة "افتحي رجلك يا ستي" و"بلاش مرقعة... احزقي كويس يا ولية" وكدة يعني
أنا بس مكسوف اعترف بفضايحي
:(
mahmoud
فيه نقطتين مهمين أوي
إن بالفعل الطبيب - بغض النظر عن قسوة المثال والنموذج بتاع التدوينة - بيتعامل مع المريض أو المريضة باعتباره "سلطة" أبوية ويمارس "التأله" عليه باعتبار أن "الطبيب يعرف أكثر" ... لست متأكدا أن المشكلة هذه مصرية خالصة ولكن ربما كانت "الوهية" الطبيب في مصر تمتزج بمزيج الأبوية السلطوية والذكورية الحقيرة لتنتج هذه المسوخ المشوهة
تاني حاجة بقى في موضوع "لا زوج لها" واخد بالك أهمية النص التشريعي اللي صدر في قانون الطفل اللي يسمح للأام غير المتزوجة بتسجيل طفلها؟؟؟ المتشددين والمرائين هاجموا النص لأسباب يتصورون أنها دفاع عن الدين والأخلاق بينما هم يذبحون أولئك النسوة وأولادهن ممن لا ذنب لهم في شيء
African Doctor
وثيقة الزواج وحدها لا تكفي وبالتالي بطاقة الزوج كدليل على "موافقة" الزوج على نسب الطفل... وبالطبع لو الزوج قرر إنه يطلع تلاتة دين أم مراته لأي سبب أو حتى عشان مالوش مزاج ممكن ما يديهمش البطاقة ومحدش من الذكور اللي في عيلته يروح مع "الزوجة" عشان التسجيل... وساعتها تدخل المرأة في متاهات إثبات النسب...
بالطبع أطباء وطبيبات النساء التوليد "موضوع" في حد ذاته ومحتاج شغل جامد... ربما أكتب مذكراتي عن تلك الفترة من حياتي التي استمرت اربع سنوات وربما تعطينا بعض مفاتيح للفهم
والتحليل
جبهة التهييس الشعبية
دي أقل حاجة عندي... سجل ذكرياتي فيه بلاوي مهببة... بعضها للأسف أنا كنت طرف فيه
ربما يوما ما سأحكي
مينا.. دا مش وقت إعتذار للبنت اللى حصل فيها كدة.. بل وقت إننا نفضح اللى بيحصل ضد الشتات فى كل مكان وبأى طريقة
يكون فى وقفة ولو على المستوى الفردى
مش مطلوب منكم أو من أى طبيب آخر إعتذار.. بس مطلوب وقفة مع النفس
لو مش قادر تغير الوضع.. ع الأقل ماتشاركشى تانى فيه
دا حق بنى آدمة إننا نخلصها من آلمها وقت الولادة حتى لو كانت فعلا غاطئة
بعدها يبقى فيه حساب تانى.. لو فيه فعلا حساب تانى
إنما فى المطلق كدا.. اسمه جريمة!
دا تعليق من منال حسن:
مش موضوع انها متجوزة و لا لأ، أنا أمي كانت دكتورة نسا و ولادة و كانت بتحكيللي على اللي بيعملوه الدكاترة الكبار أيام ما كانت هي لسه نايبة.. كان بيزعقوا في الستات و يشتموهم و يهينوهم و أحيانا يضربوهم علشان قال إيه بيتدلعوا و موجوعين.. و كتير قوي "يعيروهم" بممارسة الجنس مع أجوازهم: "كان ساعتها حلو .. استحمللي بقى"!!!
----
عزيزتي منال
أنا عارف بالظبط اللي انتي بتتكلمي عنه ده... يمكن ما شاركتش في ده بنفس الطريقة بس كنت "بوردر لاين" وقريب جدا من ده لأن دا اللي أنا اتعلمته وما اتعلمتش غيره... أذكر مرة كنت باكشف على فتاة متزوجة حديثا "كشف مهبلي" وكانت بتضم رجليها كل شوية وطبعا أنا "خلقي ضيق" وما بقيتش عارف أكشف عليها... وبدأت أزعق لها ووجدت زوجها جنبها ففشيت غلبي فيه بأن قلت له "الله يكون في عونك يا ابني، أومال إنت بتعمل معاها إيه"... وطبعا الكل ضحكوا على "الإفيه" بتاع الدكتور أبو دم خفيف... ما عدا البنت ما ضحكتش... ما اعرفش ليه!!!
Lasto-adri *Blue*
كلامك مظبوط... كل المهاترات دي وغيرها في ممارسة المهنة كانت من أهم أسباب ترك المهنة واعتزالها نهائيا... فما تقلقيش مش هشارك في ده تاني
الاعتذار واجب - في رأيي - والأهم منه الاعتراف والفضح طبعا
تحياتي
u made me cry 3la fekraaaaaaaaa....this is something very crul begad bas as karakib said: de mushkelet mogtama3 kaaameeeeeel..if tehd r. was a female..i think she would be worse !!! this socity sux 3la fekraaa
قريت التدوينة أربع مرات و مش قادر أقتنع أو أتخيل إن فيه دكتور أو حتى إنسان يعمل كده
عزيزى مينا
حقيقى و انا عايز اعتذر برضه بس مش عن افعال غيرى بل عن اعمالى و اخطائى .
لأنى تحرشت ببنات كتير جدا و عاملتهم و كأنهم جسد بس و ارجو من كل مصريه أسأت إليها ان تسامحنى و اتمنى من الخالق ان يقبل توبتى و يرحمنى
تحياتى
اتخنقت من البوست ده اوي وبصراحه منك
ولاني ام
وجربت الوجع ده
قعدت اولد تلات ايام ومن كتر الضغط.... طبله ودني باظت وقعدت مش بسمع خمس ايام بعد الولاده والدكتور قال دي حاله نادرة لكن مؤقته!! لان الدكتور مصمم اولد طبيعي(عشان يتقال عنه شاطر) وكان مفروض اولد قيصري.... فسابني ارن... وجالي انهيار وكنت بشد شعري لدرجه اني قطعت قصتي تماما !!! وكنت بضرب السيراميك بايدي لما ورمت لاني معنديش قدرة علي الصراخ ولا الولاده... زي الفار المزنوق
طبعا انت مش ها تحس... ولا تتخيل
بس اقسم بالله لو اتخن راجل في الموقف ده كان رفع قضيه علي روحه
صحيح مش لازم الطبيب يقعد يعيط جنب المريضه ولا يطبطب عليها لكن علي الاقل
الاقل!!
ما يهينهاش
ما يعايراش بممارسه الجنس مع جوزها او مع غيره
محدش بيهزء واحد ضرسه وارم
ولا راجل عنده مغص كلوي
ويقوله بطل دلع:(((
لانك لو هزئت راجل وقلت له عيب استرجل ما تصرخش انت راجل ها يقوم يقسمك اتنين!
اوووووف... اتخنقت ولو اني متابعاك من زمان وعمري ما علقت... بس البوست ده فركت بيه الجرح بالملح
المريض في مصر سواء ذكر او انثي لا يعرف حقوقه و بالتالي لا يطالب بها و بعض الاطباء يستغلون هذه النقطة لفرض نفوذهم و سطوتهم و سوء معاملتهم للمرضي خصوصا اذا كان المريض فقير او محدود الدخل او التعليم. هذا الموضوع مهم جدا ولكن لا ياخذ حقه من الاهتمام. و الاصلاح لا بد ان يبدأ بمبادرة من الاطباء الشرفاء (و ما أكثرهم) للتصدي لهذه الظاهرة و السعي لسن قوانين حقوق المرضي كما هو الحال في الدول المتقدمة (أخلاقيا).
أما عن موقف مينا السلبي فلا عذر له فقد كان بامكانه الشكوي لرئيس القسم او رئيس الاقسام او مدير المستشفي. السلبية جزء اساسي من معظم مشاكل المجتمع.
أمي كانت برضو دكتورة نساء وتوليد قبل م تعمل دراسات وتحول تخصصها للطب النفسي. كانت بتحكيلي على كشك الولادة وإللي بيحصل فيه من عجائب الدنيا وان الدكاترة كانوا بيسيبوا الممرضات هما إللي يتعاملوا مع الستات إللي جاية تولد ويتدخلوا بس لو فيه حالة حرجة. ربنا معهن.
ياااااااااااااااااااااه من زمان مجيتش هنا
فعلا الامر يحتاج لاعتذار
لكن الحمد لله ان شخصيتك تطورت للافضل و صار لديك قدره علي ردة فعلا قويه تجاه هذه التجاوزات
عقبالنا في التربيه و التعليم
حلوه حكاية الطاهرين و الطاهرات من العاملين بالمستشفي!!!!!!!!!!!
اعرف ان اللع غفر لبائعة هوي(داعره)لانها روت عطش كلب
لكن الغفران و العقاب عند الله مش خبط عشواء و لا هو مثل لعبة السلم و الثعبان كما يظهر في شرح بعض الدعاه لهذه النقطه
بل ان سبب الغفران هو كم ما تحمله من جانب وجداني عاطفي تجاه باقي المخلوقات و اعتقد انها كانت مجبره علي ممارسة الرزيله
بص يا حج جرجس اعتذارك مقبول منك كفرد وليس بالنيابة عن احد لان كل واحد اهان ليلى ما يشفعلوش حد تانى
نموذج الدكتور اللى اقل كلمة تتقال عليه انه لا انسان ده واحد من كتير بس ليلى بصراحة ما بقتش عارفة تشتكى من ايه ولا ايه ولا ايه دى بقت مش عارفة تمشى فى الشارع من غير ما تكون خايفة ان حد يتحرش بيها ميت الف اعتذار ما تعالجش ليلى من جبروت ادم اللى كل يوم بيزيد
يظهر يا حج انه لا بديل للعنف المضاد وان كل واحدة تشوف طريقة تدافع بيها عن كرامتها بالطريقة اللى تقدر عليها واكسر اى قواعد او قوانين ولا تُؤخذ الدنيا الا غلابا ومتزعلوش لو شوفتوا ليلى بتفقد رقتها وانوثتها لان السبب واضح
وسلامات بقى وازيك وكده
والله يا مينا اللى عملته مع الست اللى كشفت عليها ميفرقش كتير عن اللى عمله الدكتور اللى فى البوست ، هوا شتمها وعاملها بقسوة ودى إهانة عمرها ما حتنساها .... وانت سمحت لنفسك إنك تقول دعابة قدام الناس ليها علاقة بحاجة خاصة جدا بيهاوفى وقت هيا فيه فى قمة الإحراج والكسوف أصلا ، ودى برضه إهانة وعمرها ما حتنساها.
أنا نفسى أعرف فعلا ليه الدكاترة بيعاملوا الناس كأنهم فوق مستوى البشر؟ الدكتور يا جماعة كائن عادى جدا زيه زى أى حد ، والطب عبارة عن علم وممارسة زى الهندسة والتجارة وأى مهنة فى الدنيا ..... وفى الآخر الصحة والمرض والشفا بإيد ربنا سبحانه وتعالى واللى ماتوا على إيدين الدكاترة أكتر من اللى اتعالجو.
وبعدين بصراحة أنا نفسى الستات اللى مبيبطلوش كلام عن حقوق المرأة وهل تصلح رئيسة وزراء أو مفتية أو قاضية يدوروا على التخصصات اللى محتاجة ستات فعليا زى طب النسا ويشجعوا الستات الدكاترة إنهم يبقوا كويسين فى مهنتهم علشان يوفروا على بقية الستات القصص المحرجة اللى بنسمعها دى.
أنا أذكر قصة عن واحدة قريبتى أما كانت حامل لأول مرة ، وهيا وجوزها أصروا على المتابعة مع دكتورة مشهورة جدا وطول النهار طالعة فى برامج التليفزيون وعندها جيمنيزيوم فى العيادة وحاجة آخر تطور ... المهم ساعة الولادة كانت الدكتورة الهانم بتصيف فى مارينا والست كلمتها تقولها أنا قربت أولد خلاص ، فقامت الدكتورة مكلمة المساعدة بتاعتها فى العيادة وخلتها تديها حقن لتأخير الطلق وآخرت ولادتها حوالى ثلاث أيام لحد ما رجعت بالسلامة من مارينا ، وكانت النتيجة إنها معرفتش تولد طبيعى واضطرت تولدها قيصرى ، وطبعا الفيزيتا تضاعفت.
وكمان بعد ما ولدت بكام شهر ظهر عندها ورم على المبيض ، فالدكتورة شافت الأشعة وقالتلها مش مهم ده بسيط وحيروح لوحده ... مراتى بقى أما سمعت الكلام ده اتجننت وأصرت توديها للدكتور بتاعها ، وفعلا راحتله راح مدخلها على العمليات فورا لأن الورم كان بيكبر واضطرت تشيل المبيض بالورم.
وطبعا حرمت تروح لدكتورة ست تانى على أساس إن المدعوقة دى تقريبا أشهر دكتورة نسا فى مصر فما بالك بالباقى؟
أنا بحكى القصة دى مش لغرض عنصرى أو ذكورى لا سمح الله ... أنا نفسى فعلا الستات يدوروا على المهن اللى محتاجاهم ويثبتوا نجاحهم فيها.
يا جماعه نعمل أيه فى المصيبه دى اللى طالت حياة آلاف المصريين
http://habashtkanat.blogspot.com/2008/10/2008.html
ماتصدقش
1\11
مؤتمر القلة المندسة
على الانترنت
مؤتمر موازي لمؤتمر أكاذيب الحزب الوطني
مؤتمر القله المندسه
ردا على اكاذيب الوطنى
ماتصدقش
كل سنه بيقولوا نفس الكلام
كل سنه بيكذبوا نفس الكذب
بقالهم سنين بيكرروا نفس الكلام عن الفكر الجديد و العبور للمستقبل و الرخاء اللى احنا عايشين فيه
و الرفاهيه اللى مش حاسسين بيها
المره دى جايين يعرضوا معجزاتهم اللى حققوها
من تشغيل كل العاطلين و حل جميع المشاكل و رفاهيه و نعيم
و مشروعات و ديمقراطيه غير مسبوقه فى تاريخ العالم
و تعليم ايه و صحة ايه و محاربة فقر و كمان فساد
احنا بقى اللى هانرد عليهم و نفضحهم فى العالم كله بأراء و أرقام و احصائيات
و نعرف كل الناس اللى مش عارفين انهم كذابين ..
وان كنا نشك ان فيه لسه ناس مش عارفين كذبهم
هانفضح كذبهم
و نفضح فشلهم
فى الصحه و التعليم و التنميه و محاربة الفقر و محاربة الفساد
و نعرف كل الناس إن الاصلاح الحقيقى ضد مصالحهم..
و إن الفكر الجديد ما هو إلا خدعه و كذبه جديده يضاف لكذبهم
من 28 سنه
احنا اللى بيقولوا علينا القله المندسه..
رغم اننا الشعب ..
الاغلبيه
مؤتمر الحزب الوطنى..
.ماتصدقش
تابع معانا مؤتمر القله المندسه الالكترونى...
أول مؤتمر افتراضى فى مصرفى الايام 1 و 2 و 3 نوفمبرعلى الموقع
www.anti-ndp.com
برعاية شباب 6 ابريل
تسجيلات حيه
لقاءات جريئه مع كبار المفكرين و العلماء
بيانات للرد على الحزب الوطنى من جميع القوى و الحركات السياسيه الوطنيه
استمع لرأى الناس فى الشارع يردون على اكاذيب انجازات الحزب الوطنى
موقع المؤتمر
www.anti-ndp.com
أو مدونة المؤتمر
http://anti-ndp.blogspot.com/
........................................................................
ملحوظة هامة
ليس هذا إعلان
ولكنه دعوة للحضور والمشاركة
شاركنا في
مؤتمر القلة المندسة
شباب 6 أبريل
لن يتم إقصاء عصابة باراك العميل والشريك الإستراتيجي للصهاينة بالطرق السلمية أبداً،لن نسترد حكم بلدنا إلا بالتضحيه بالأرواح والمهج والأفئدة،وإلا فعلينا وعلى مصرالسلام!فالخائن مدعوم من الصهيوـصليبوـإلحادية المحلودولية المتحالفة لمحوالإسلاموقومية!!فباراك مشهور بالإسلاموفوبيا كزوجته الصليبوصهيونية!!تدربوا على حمل السلاح،أحفروا الخنادق،تمترسوا وتحصنوا فالمواجهة مع العائلة المدنسة حتمية ،ولابديل عن النصر،وإلا فالشهادة في سبيل الله والوطن خيراً من الحياة تحت إمرة كافر خاين صهيوني شنودي!سالم القطامي
نداء إلى أحرار مصر من عمال وفلاحين وطلبة وموظفين ومهمشين ومعدمين وفقراء ومسحوقين،قوتكم في إتحادكم وتوحدكم ضد سارق أقواتكم وهاتك أعراضكم وداهس كراماتكم،الخائن الكافر المتصهين المتصابي باراك أبو الجروين إيلي وجيمي وجوز الجزمة الأنجلوصهيونية٬بنت مسّاحة البلاط في المشافي الأنجلوصليبوصهيونية!بنت الناقصة عايزة تملكنا كالمتاع والعقار لجروها المريض بالتوحد كما ملكتنا لبغلها لمدة ثلث قرن،وكل مؤهلاتها إنها وريثة الإستخراب والدنس الإنجليزي،بعد أن جلب أمها الكلب الصليبي طالح ثابت وزرعتها المخابرات الأنجلوإسرائيلية هي وجيجي في قلب الجيش لتدمير الثورة الناصرية من الداخل،فهل سنتعامى عن أفعالهم التخريبية في كل مجالات الحياه امصرية خصوصاً بدعة الخلبصة والسوززنة لكل شركات القطاع العام ،لقطع أرزاق الأغلبية العارمة من شعبنا،والذي لايجب أن ننساه إن هذا القطاع لم يهدف أبداً للربح وإنما لغرض إعادة توزيع الثروة على الفقراء عن طريق مساهمتهم في زيادة الناتج القومي بقدر طاقاتهم،إستردوا حقوقكم،إدهسوا آل سوزانة ربيبة الخيانة يهودية الديانة،تحت جزمكم ،فهذا مقامهم الوضيع وأصلهم الرقيع!سالم القطامي
شارك في الحملة الشعبية للقيد بالجداول الانتخابية
ضع بنر الحملة علي مدونتك
بنر الحملة موجود علي مدونتي
فعلا حاجه مؤسفه, انا متخيل ان الموضوع يمكن لو كان حصل معاك اليومين دول كنت رزعته على قفاه
أولا أشكر اعتذارك لليلي واحترامك لها
ثانيا المشكلة ليست مشكلة طبيب يعامل عارهة او غيرها لكنها هي الانسانية
لو جاءته المثالية لفعل بها هكذا أيضا صدقني فالانسان يتعامل بأخلاق الانسانية مع الجميع دون التفرقة بين أخلاقيات الآخر
ومعظر مستشفيات الحكومة هكذا وبكل أسف اللي يروح هناك لو مامتش من المرض هيكون من الاهمال ولو نفذ من الاهمال والمرض لمات من القهر والغيظ
كلك ذوق يا دكتور
بس تعرف
حتى لو كانت زوجة ومعاها زوج كانت المعاملة ما اختلفتش كتير
لان المستشفيات الحكومى المعاملة فيها غير ادمية بالمرة
حتى فى اقسام الاطفال
الأخ سالم القطامى إيه يا عم كم السفالة و الوضاعه
اللى عندك ده و إيه القاموس البذىء ده
إذا كان من يدافعون عن مصر هم من أمثالك ياخى تولع مصر باللى فيها
eh ya 3am yasser el kattamy kol kmeiet el safala wel baza2a di eh el qamous el mon7at da.
lw kol el bydaf3o 3n masr kda twla3 masr bel fiha
كل عام انتم بخير
الكلب الصليبي الخائن الكافر المتصهين Minaكافر خاين صهيوني شنودي
يتم إقصاء عصابة باراك العميل والشريك الإستراتيجي للصهاينة بالطرق السلمية أبداً،لن نسترد حكم بلدنا إلا بالتضحيه بالأرواح والمهج والأفئدة،وإلا فعلينا وعلى مصرالسلام!فالخائن مدعوم من الصهيوـصليبوـإلحادية المحلودولية المتحالفة لمحوالإسلاموقومية!!فباراك مشهور بالإسلاموفوبيا كزوجته الصليبوصهيونية!!تدربوا على حمل السلاح،أحفروا الخنادق،تمترسوا وتحصنوا فالمواجهة مع العائلة المدنسة حتمية ،ولابديل عن النصر،وإلا فالشهادة في سبيل الله والوطن خيراً من الحياة تحت إمرة كافر خاين صهيوني شنودي!سالم القطامي
نداء إلى أحرار مصر من عمال وفلاحين وطلبة وموظفين ومهمشين ومعدمين وفقراء ومسحوقين،قوتكم في إتحادكم وتوحدكم ضد سارق أقواتكم وهاتك أعراضكم وداهس كراماتكم،الخائن الكافر المتصهين المتصابي باراك أبو الجروين إيلي وجيمي وجوز الجزمة الأنجلوصهيونية٬بنت مسّاحة البلاط في المشافي الأنجلوصليبوصهيونية!بنت الناقصة عايزة تملكنا كالمتاع والعقار لجروها المريض بالتوحد كما ملكتنا لبغلها لمدة ثلث قرن،وكل مؤهلاتها إنها وريثة الإستخراب والدنس الإنجليزي،بعد أن جلب أمها الكلب الصليبي طالح ثابت وزرعتها المخابرات الأنجلوإسرائيلية هي وجيجي في قلب الجيش لتدمير الثورة الناصرية من الداخل،فهل سنتعامى عن أفعالهم التخريبية في كل مجالات الحياه امصرية خصوصاً بدعة الخلبصة والسوززنة لكل شركات القطاع العام ،لقطع أرزاق الأغلبية العارمة من شعبنا،والذي لايجب أن ننساه إن هذا القطاع لم يهدف أبداً للربح وإنما لغرض إعادة توزيع الثروة على الفقراء عن طريق مساهمتهم في زيادة الناتج القومي بقدر طاقاتهم،إستردوا حقوقكم،إدهسوا آل سوزانة ربيبة الخيانة يهودية الديانة،تحت جزمكم ،فهذا مقامهم الوضيع وأصلهم الرقيع!سالم القطامي
ازيج يا مينا بقالي كتيررر جدا ماجتش عندك اسفه لتقصيري البوست ذهلني وخالني اكتر من ساعة مش مستوعبه الموقف ابتديت افوق عندما شعرت بدموعي تنزل مني بشكل تلاقي والي الان لم استوعب هذه القصه لانها واقعية بشكل مؤسف وجارحه الي ابعد
درجه انا عايزه اقول اكتر من كده بس صدقني مش عارفه اكيد هاعلق تاني بس لما اهدي شويه
إرسال تعليق