كلينكس - kleenex

سأخبرك يا هدى عما حدث.. لأني أعلم أن لديك من الفطنة والحكمة ما يفسر هذه الأعراض الغريبة، صباحا وأنا أحلق ذقني أمام المرأة الصغيرة، كنت أستعمل كريم الحلاقة المستورد ذو الرائحة النفاذة، كان يغطي نصف مساحة وجهي، دققت النظر في المرآة، تذكرت فجأة لحظة إيمان فرعون موسى، سرحت، ثم انتقلت إلى متابعة نملة متخبطة.. نجت من الغرق في مياه الحوض القذر، تلذذت بتعذيبها، ألقيت عليها بعض الصابون اختفت داخله، ولم اعرف ما أعقب ذلك من أحداث غير هامة، ندمت.. تذكرت موسي وهو يطل نحو الضفة الأخرى من الشاطئ، استحضرت مشهد خيل فرعون وهي تثير زوبعة بحوافرها القوية، انتهيت من حلاقة ذقني، ولم افهم سر علاقة حلاقة الذقن بقصة خروج بني إسرائيل، هل لديك تفسير لهذا الأمر؟
**

رسالة
هل أخبرتك من قبل يا بروفيسور بنجامين عن سوء أحوالي هنا في مصر بعد الاضطرابات الأخيرة في الشرق الأوسط؟ لقد ألقت هذه الأحداث بظلال سوداوية على حياتنا هنا، اتهمونا بالعمالة والتآمر، حققوا نبوءتك التي قرأتها في مقالك في النيويورك تايمز منذ أربع سنوات.. مازلت أحتفظ به في الدليشيوس حتى اليوم، أتمنى ألا تنتهي الأحداث كما توقعت في مقالك.. الحقيقة يا بروفيسور أنا أطلب منك الآن ما كنت أعرض عنه من قبل، أرجو منك مساعدتي في عبور الأطلنطي إلى ولاية يوتاه حيث مقر مركزكم الموقر، وأعدكم بأني سأكون نعم الأخ والصديق، والباحث الأمين
**

نصيحة
شوف يا مدحت.. الناس يا بني زي الكلينكس، تنف فيه، أو تمسح بيه..... مثلا.... أي حاجة يعني، وبعدين ترميه في الزبالة، كان يقولك زمان ايه.. احنا من التراب للتراب، ده كان زمان، دلوقت احنا زبالة، مادمت اخترت انك تبقى عايش في الزبالة، لازم تبقى زبالة، زبالة في وسط زبالة، ساعتها هتبقى عايش كويس وزي الــــــفـــل.. قصدي زي الزبالة
**

حلم
بصي يا كوكو، المرة دي هدخل معاكي، بس انا خايف يطلع لنا الراجل المجنون ويشتمنا زي المرة اللي فاتت، ده ضرب مهند بالخرطوم المرة اللي فاتت، وبابا مهند راح خبط علي الراجل المجنون ومفتحلوش.. لازم المرة دي يا كوكو نعمل خطة كويسة، احنا هنط من على السور سوا، وبعدين، نتفرق، وندخل الجنينة اللي ورا، ناخد الورد اللي زرعوا، ونعملو عقد ونحطه على الباب بره، خلاص، هو الصوت بيقطع عندك ليه؟؟ هو ده الموبايل بتاع مامتك ولا اختك؟ على فكرة يا كوكو الواد اخو سيف كان بيبص على أختك وهي بتنشر الغسيل، قوليلها تاخد بالها عشان كان بيتريق عليها ويضحك، شوفي انا لو عديت السور ده بس,, كل العيال اللي في المنطقة هتخاف مني بعد كده
**
هدى : شوف يا بني .. كونك بتعذب نملة دي مش حكاية تدل انك مريض او سادي زي ما انت بتعتقد، مادمت اتربيت على إن الناس زي الكلنكيس، يبقى تصرفاتك دي طبيعية، أحلام الطفولة البريئة المرتبطة بالبطولة والشهامة، محاولة للتعويض، دي صوت الضمير جواك، حاجة بتعبر عن انتماءك للناس اللي انت بتعاملهم على انهم كلينكس، لازم تفهم إن التطور الطبيعي للصراعات دي كلها انك تراسل بنجامن عشان تسافر، بس حاول تصلح هنا الأول قبل ما تسافر، عشان ميتكررش الموقف نفسه هناك.. في يوتاه، ده إذا وافقوا على سفرك أساسا